من القلب للقلب

مشرف الاسم : سمسمه الكلية : هندسة

من القلب للقلب ومن قلبي لقلبكم يحلي معانا الكلام
عارفين ليه؟؟؟؟؟؟؟؟؟
طبعا لازم اقول ليه كلامك هيخرج من قلبك يدخل قلوبنا
اكيد هنفهم بعض وهنقدر نحل مشاكلنا مع بعض
هنعرف اسباب الاكتئاب وكيفيه انتشاره وايه علاجه
وكمان حالتنا النفسيه وعضويه النفس
وكلام تانى كتير اوى
عارفين هنعرفه فين في عياده المنتدى النفسيه
هنحل مشاكلنا مع بعض بجديه من غير هياس
وممكن نتكلم برسائل علي الخاص
واكيد باذن الله هنلاقي حلول
وهتتغير حياتنا للافضل
يلا بقي كفايه كده عايزين زباين كتير يامهندسين
وبيس عليكوا

انا حاجزة كشف مستعجل جداااااااااااااااااااااااااااااا
but I've nothing to say

CEO & CHAIRMAN

و انا تاني زبون
و جاري شهيصة الحوار

7ewar shahyasation under process
loading ...

يعنى انا رقم تلاته
طب يلا واحد واحد يخش بالدور

انا عايز كشف اسرع من المستعجل انا جاهز

و انا بقى كشف و استشارة ههههههههههههههه يعنى انا الخامس ماشى مش مشكلة........

انا باه والحمد لله مستقر جدا نفسيا بس انا حبيت اشارك معاكو ...و مجهود جامد سمسمه

مشرف الاسم : سمسمه الكلية : هندسة

يلا ادخلوا واحد واحد بالدور مستنياكم اوك ياريسكى ادخل عملتلك كشف مستعجل ببلاش اوعي تتاخر وشكرا ياسمبا لمشاركتك معانا وبعدين احنا موجودين وفي الخدمه مش عاجبك الخامس يايامى ممكن احجزك قدام شويه وشكرا لمشاركتكم

eih da ya3ny
!!!

وانا كمان

هاي يا احلي اعضاء
انا معاكم في العيادة النفسية بس انا دلوقتي معنديش مشكلة احكيها بس اوعدك لما يكون عندي مشكلة هبقي احجز
يلا سلاااااااااااااااااااااااااااااام

hawa el maodo3 mamshash leh wala 7ad sa2l wala 7ad gawb ana kaman 3aez a7gaz kashf masta3gl

ماشى أنا معاكم و المشكلة
هى مش مشكلة شخصية هى مشكلة عامة يعنى معظم المجتمع المصرى بيواجهها
ليه سعات يبقى واحد معجب واحدة جدا
و فى نفس الوقت هى معجبة بيه جدا بس ميقلوش لبعض و يفضلوا يلفوا و يدوروا لغات محد ربنا يسهله و يقول أنه معجب بالتانى
و يمكن ربنا ميسهلش و يفضلوا كدا علطول

ليه بقا كل ده ليه منعترفش لبعض بالأعجاب ده
يمكن عشان أحنا مجتمع مصرى محافظ
الله أعلم!!!!!!!!!!!!!!!!!
عموما أنا رأى أن أى حد معجب بواحدة
يروح و يقولها على طول ليه يخبى
الحب شعور جميل و مينفعش نخبيه
لأنه مش حرام ولا عيب

هو طبيعي جدا ان لو بنت معجبة بولد انها تتكسف وتسكت وكمان تعمل نفسها ولا على بالها
عشان تحافظ على حيائها يعني
ربنا خالقها كده
وغير كده هو اللي غريب ومش طبيعي
انما الولد يتكسف ليه؟؟؟
المفروض يقول على طول
وحتى لو مش كسوف وخايف يخسرها والكلام ده...فالبنت بتحب ان الولد يكون صريح ومباشر
فهو اللي لازم يبدأ اكيد
وإلا الحكاية هتتجمد...وبعد كده...اللي اتجمد يتكسر وينتهي

انا شايف زيكو ان اللي يخوف الولد من انه يروح يكلم البنت من انه يخسرها

حلو اوى الموضوع ده
اكيد طبعا الولد بيبقى خايف انه يعبر عن احساسه
لحسن فعلا يخسرها
بس من المفروض اللى يخلى باله منه انه من الممكن ان البنت تكون معجبه بيه وهو لسه متكلمش والبنت تزهق منه

ومن الاخر من المفروض انه الولد اللى يتحرك وكل ما يتاخر كل ما موقفه
بيبقى اضعف مع البنت
بس

طب ايه رايكم فى الموضوع ده
حوار الغيره بتاعت البنات من بعضها
ليه البنات بتغير من بعض حتى فى اتفه الحجات
وممكن الغيره ديه توصل لغايه ايه

البنات بتغير من بعضها لان من الصعب انك تلاقى بنت بتحب صحبتها لدرجة انها ممكن تعمل اى حاجة عشان متزعلهاش

وان كل واحدة بتحب تكون الحسن بين صحبها ولان البنات من طبعهم التفاهة والتلكيك على اى حاجة

اما ده فبيوصلهم انهم يتخنقو مع بعض بس

ThEgAmE كتب:: طب ايه رايكم فى الموضوع ده
حوار الغيره بتاعت البنات من بعضها
ليه البنات بتغير من بعض حتى فى اتفه الحجات
وممكن الغيره ديه توصل لغايه ايه

البنت بتغير من غيرها عشان حاسه بنقص من جواها
وانها مش واثقة من نفسها
ومن كتر منا شايفة غيرة بقيت مش طايقة اتعامل مع البنات
وعايزة اولع في كل واحدة بالشكل ده
بس خسارة فيهم عود الكبريت

ياه يا مشمش دانت معبيه على الاخر...اهه اول حاله جت يا سمسم.....شوفيلها العلاج لغاية ما يظهر حد تاني

مشرف الاسم : سمسمه الكلية : هندسة

احب اقول رايى في الموضوع الاول واقول ان طبيعه البنت كده مش كل البنات بس تقريبا معظمهم لايقدرون البوح بما في قلوبهم حتى لو كان اللي هما حاسين بيه حقيقه وفي نفس الوقت لو الولد اعترف لها بمشاعره تجاهها فمش هتعرف تتصرف واما بقي موضوع الغيره فبرضو مش كلنا كده والصراحه انا مشفتش بس اكيد فيه اما بقي موضوع عود الكبريت اللي هو خساره فينا فبجد حرام عليكى بصي دايما للحلو والكويس مش علشان حاجه حصلت من ناحيه البنات يبقي كلهم كده وشكرا ياسمبا

جميل
انا ماقلتش كلهم
بس في كده
في بيغيرو
كتييييييييييير جدا
والموضوع مش موضوع حاجة حصلت وأثرت عليا
بس انا شايفة نسبة لا بئس بها بالوضع ده
وماتفهميش هيا بتغير ليه
يعني مش ناقصها إيد ولا رجل
والغيرة دي بتعميها
وتخليها بتتصرف بحماقة ونوع من الهطل
فعلا اللي عندها الغيرة في طبعها دي..مريضة
يلا
ربنا يهدي العاصي

هدوا اللعب مكنش موضوع بس انا راى ان زى ما فى الحلو فى الوحش كمان والدنيا مش بينك فى بينك ولا بلاك فى بلاك بس انا كنت بسال ان الغيره موجوده فى العالم البناتى وتكاد تكون شبه منعدمه فى العالم الرجالى وكنت عايز الحوار ماشى ازاى بيس على الجميع

السلام عليكم ورحمه الله وبركاته

انا اول ليا النهارده في المنتدي وبجد شدني الموضوع جدا
وعندي كشف مستعجل جدا جدا

وهو كالاتي :
ليه الناس كلها دلوقتي بتكدب علي بعض وان الكدب هو الي بيمشي دلوقتي بين الناس والصدق مش نافع
لما تتكلم بصدق مع الناس تطلع وحش وكداب ولو كدبت يبقي انت ميه ميه والروش الي فيهم
للدرجه دي وصل بينا الحال اننا نكدب كده

ياخساره لسه فيه كده

مع اطيب تمنايتي بالحل السريع للكل

مشرف الاسم : سمسمه الكلية : هندسة

وعليكم السلام
احب اقولك ان مش كل الناس كده
ممكن يكون المعظم دلوقتى ماشي في الموضوع ده وان الصدق انتهى من تعاملاتنا
بس يعنى الاقل اننا نكمل واننا نكون الاحسن في التعامل
لان الكدب في الاخر يؤدى للهلاك
واللي بيكدب مهما حصل فبيتكشف فى الاخر
ويارب كلنا نبعد عننا الكدب