مسكات امينه شلبايه

لروتين اليومى لجمال البشرة

أول ما تصحى تحطى الغسول وبعد كدا التونك
كريم النهار لو هتنزلى تحطية وبعد كدا تحطى البودر علية
كل هذه المنتجات توضع في الثلاجة لمدة اسبوع فقط

1-
الغسول

للبشرة العادية والجافة
معلقتان شوفان مطحون+2 معلقة لوز مطحون+2معلقة لبن بودرة+2معلقة ورد مجفف

للبشرة الدهنية والمختلطة
معلقتان شوفان مطحون+2 معلقة لوز مطحون+2معلقة ورد مجفف

2-
التونك

للبشرة العادية والجافة
نقطة زيت ورد+90 جرام ماء ورد+30 جرام زيت لوز+15 جرام جلسرين

للبشرة الدهنية والمختلطة
نقطة زيت ورد+90 جرام ماء ورد+30 جرام زيت لوز+15 جرام جلسرين+ 1\2 لمونة

3-
كريم النهار

للبشرة العادية والجافة
نقطة زيت ورد+4 معالق فازلين+2 معلقة زيت زيتون+خيارة فى الخلاط و صفيها

للبشرة الدهنية والمختلطة
نقطة زيت ورد+4 معالق فازلين+2 معلقة زيت زيتون+خيارة فى الخلاط و صفيها+ 1\2 لمونة

4-
كريم العين

لجميع أنواع البشرة
معلقتان فازلين+2 معلقة زيت لوز+2 معلقة جنين القمح

5-
كريم الليل

للبشرة العادية والجافة
نصب كوب شمع العسل+2 زيت جنين القمح+2معلقة زيت جوجوبة

للبشرة الدهنية والمختلطة
أربع معالق فازلين+2معلقة زيت لوز+2 معلقة عسل نحل

و فى مسكات تانيه كل شويه هجبلكو حاجات تانيه

يا رب الموضوع يعجبكو

شكرا يا ميما
طبعا عمرى محعمل الحجات الغريبة دى
مش أمينة شلبى بتاعت خراب الموضا تقريبا
لو واحدة من الأعضاء جربت الحجات دى و نفعت يا ريت تقول

يا مواضيعك الجامدة يا ميما

ميما شلباية

لا ميما شلبايه ايه يا كيمو بعد الشر عليا
انت بتكرهنى اوى كده

حمد الله على السلامه ..و اشتقنا نشوفلك مواضيع..وبيس عليكي

حمد الله عالسلامة يا ميما ووحشتنا مواضيعك الجميلة
وبعد اذنك كنت عايزة اوضح كام حاجة كده
بالنسبة للتونك هو التونر بس التونك للبشرة العادية والجافة والتونر للبشرة الدهنية والمختلطة
والكريمات اللي حطاها ميما دي كويسة ومش مضرة خالص
لكن اوعي تفكري تستعمل كريم للعين وكريم لليل مش طبيعي ( تشتريه يعني ) غير بعد سن التلاتين
وكل الماسكات دي بجد حلوة بس جربيها الأول على خدك وشوفي عندك حساسية منها ولا لأ

ميرسي يا ميما ومنتظرين مواضيع زي دي كتير

مرسى يا سيمبا و مرسى يا مشمشه انك لحقتينى انا فعلا نسيت اقول على الحوار ده

مرسي يا ميما على الموضوع االجميل ده

دى مسكات سنفره لانواع البشره المختلفه

الماسكات على حسب نوع البشرة

اسهل شي عندك للبشرة الدهنية عصير ليمون يخلط مع قليل ماء وسكر خشن

للبشرة الجافة ملعقة كبيرة النخالة مع ملعقة حليب سائل وملعقة زيت لوز نستبدله اذا البشرة جافة جدا بزيت الافوكادو

والبشرة العادية زيت لوز مع ملح خشن

وبعد عمل الصنفرة قومي بمسح الوجه بقطنة مبللة بماء ورد بارد

في ماسكات كثيرة لكن هذي اكثر الماسكات الي مابتعمل رد فعل ع البشرة

يا ميما يا جامدة

بس سنفرة ازاى يعنى؟؟؟؟؟؟؟؟؟؟؟؟

ههههههههههههههههههههههه
ماسك السنفره ده يا كيمو ممكن نقول عليه لتنظيف البشره كده
و على فكره مش البنات بس اللى بتعمل مسكات فى ولاد كمان بيعملو مسكات
عادى يعنى

ايه يا كيمو
ماشفتش نجار قبل كده ولا ايه؟

نجار ايه بس يا مشمشه عيزاهم يقولو علينا ايه بس

ده علشان اقربله الفكرة بس يا ميما