حد ناوي يفضل معايا؟؟؟؟

اكيد اللي كان متابع توبيك اعتزالي ليوري
هايستغرب انا ايه اللي رجعني تاني
اللي حصل اني دخلت المنتدى انهاردة
كنت عايزة اشوف الأمور ماشية ازاي
لقيت الشريط اللي فوق ده
ان المنتدى هايقفل

بصراحة اتصدمت
مكنتش متخيلة ان الحكاية للدرجادي
القصة بالنسبة ليا مش أكتر من خلاف بين عضو والمدير وان عضوة مشيت
وتوته توته فرغت الحدوتة
ليه المنتدى يقفل؟؟

في لحظة معينة قررت فيها ان خلاص كده مش هكمل هنا
لأسباب مش وقتها دلوقتي
لكن بعد ما شفت اللي وصلناله
قررت ادوس على كل الاسباب دي مؤقتا
لهدف أهم وأكبر

ها يا جماعة
حد قاعد معايا؟؟؟؟
ولا هكمل في المنتدى لوحدي؟؟؟

اكيد انا من الناس اللى نفسهم المنتدى يفضل على طول وده من قلبى
عشان انا بجد مرتبط بالمنتدى اوى
بس مش عارف اعمل ايه

بصى يا مشمش يورى معاد دفع أشتراك الدومين بتاع المنتدى قرب خلاص
والمنتدى مازال نايم زى مهو
يبقى بالعقل أيه ألى يخليه يدفع وهو عارف أن المنتدى نايم
هى دى الحكاية ببساطة
طبعا يورى عنده حق و محدش يقدر يقوله حاجة
أنا مصدوم و مش عارف أقول أيه
الله أعلم الأيام مخبية أيه!!!!!!!!!!!!!!!!!!!!!!!!!!!!!!

طيب وايه المشكلة ان المنتدى نايم؟
وهيا اول مرة تمر علينا أيام زي دي؟
مهي حصلت كتير جدا
والمنحنى طالع نازل
علينا وعالكل
فيها ايه؟
كله بيقول هايقفل ويمشي؟
جرالكم ايه؟

CEO & CHAIRMAN

يا جدعان المسألة بسيطة
المنتدي مش يوري
يوري ده بني ادم بياخد باله من المكان
انما المنتدي ناس
اما الناس تمشي
يبقي يوري لازمته ايه؟؟؟؟؟
يبقي المنتدي لازمته ايه؟؟؟؟؟
للاسف انا حذرت الناس هنا كتير ان دي النهاية و قلت ان المنتدي لو استمر كده هيقفل قريب
محدش سمع كلامي
للاسف فات الاوان لاننا نصلح اللي باظ
في وجهة نظري
المنتدي بيعيش اخر ايامه
اديتلكم فرصة و استعديت اني اكمل
بس محدش غير حاجة
انا لو شايف عضو واحد موجود و مهتم
كنت استمريت
انما للاسف محدش عنده استعداد يكمل
حتي اللي بيردوا علي ردود مشمش
سواء احمد سامي او محمد مصطفي
كله بيقول مش عارف اعمل ايه؟؟؟؟
لا انت عارف بس مكسل
عالعموم اتشرفت بمعرفتكم
و انا لحد اخر يوم هفضل اهتم بالمنتدي لانه مسئوليتي
و السلام عليكم

انا معاكى يا مشمش ومع اى حد عايز يكمل فى المنتدى الناس كلها بتتكعبل وتقع وتقوم تكمل وتمشى تانى بس بجد اول مرة اشوف كدة

على فكرة يا يورى انا عملت موضوع كويس وشايفة من الى فى المنتدى تجاوب اوى يعنى فى ناس كتير دخلت ردت على الموضوع والموضوع دا هادف يعنى لو كل المواضيع كدا بتهيقلى المنتدى هيكون احسن وبيس عليكوا

يارب المنتدى يفضل
وانا يا يورى ولا مكسل ولا
حاجه انا بجد مش عارف اعمل ايه عشان لمشاكل كترت
ومينفعش تتحل عن طريق الكلام فى مواضيع
بس انا موجود فى الخدمه عشان المنتدى
انا مقتنع ان المنتدى بيقوم ويقع عادى
بس مش لما يقع يبقى كل الناس تقع معاه
بيس

انا كمان معاكى يا مشمش

وكل الناس هتعد ان شاء الله

شيل بس الجمله دي الأول عشان نعرف نتكلم
الأمور ماتتاخدش أفش كده
وبالشكل ده الكلام متناقض
انت بتقول المنتدى مش يوري
اوكى متفقين
اذن المنتدى مش متوقف على شخص
أيا كان مين الشخص
يبقى لما حد يمشي ولا عشرة يمشو ولا ميه يمشو تبقى الدنيا ماخربتش
ولا المنتدى يقفل
فيها ايه يعني؟؟؟

وأصلا مين مشي؟؟
محدش مشي الفترة الأخيرة دي غيري
في حد تاني؟ مافيش
وانا لا أعني شئ للمنتدى
عضوة ورحلت لأي سبب..so what?
وانا كان عندي أسباب كتير
أولها وأهمها أسباب صحية بحته
وصفيت كل شغلي عالكمبيوتر
حتى شغل المشروع
بقالي تقريبا 3 أسابيع ماقربتش منه
لأن كنت بشتغل فيه بما يقارب 12 ساعة وأكتر يوميا
وده سبب خطورة شديدة على حياتي وكان لازم وقفة فورا وكل ده يتلغي
خلينا في المهم
انا مش جاية اتكلم في مسائل شخصية
ولا اقول الأسباب اللي خليتي اسيب المنتدى

دلوقتي احنا مش عايزين نقفل المنتدى ده
احنا عايزين نقفل الصفحة البايخة اللي مرينا بيها كلنا
ونبدأ من جديد

نعتبر ان المنتدى لسه انهاردة اول يوم بيمر عليه
وهانبنيه من الأول خالص
بس انهاردة الوضع أحسن من زمان
زمان مكانش في أعضاء
ومكانش في توبيكس
ومكانش حد يعرفنا
ومكانش عندنا اي خبرة
مكناش شفنا اي اخطاء

دلوقتي
احنا ما شاء الله مجموعة كويسة
نعرف نبدأ تاني من الأول
والأهم
اننا الى حد ما
عرفنا اخطائنا
او جزء منها عالأقل
وهنحاول نتفاداها
ومحدش مش بيغلط
والمنتدى ده
زيه زي اي حاجة في اولها
لازم يتكعبل ويقع
عشان يعرف ازاي يمشي صح
ولو محربناش الغلط..عمرنا ماهانعرف ايه هو الصح
ولو ماجربناش الفشل..مش هانعرف قيمة النجاح
بس بلاش نسميها فشل
خلينا نقول زي توماس اديسون
اننا جربنا طريقة غير الطريقة الصحيحة
وهنفضل نشتغل لحد مانوصل للطريقة الصحيحة
وده في حد ذاته نجاح

طب نعمل ايه؟؟
مش هقولكم نحس بالمسئولية تجاه المنتدى
مش هتيجي كده
بس ابدأو نزلو توبيكس جديدة ومتنوعة كل يوم
ودورو على الحصريات
وبلاش نكسل
شوية مسئولية بس لو كلنا حسينا بيها اكيد هاتفرق
ولو حد عنده أي اقتراح ياريت يقولنا عليه فورا
ومحدش يستهتر برأيه أو يقول هو انا يعني اللي هعدل المايله؟
ايوة
ممكن رأيك اللي انت شايفه بسيط ومش هايأثر يكون مهم ومؤثر ومفيد
شاركونا
خلينا نبقى اسرة واحدة في كل حاجة
عشان نعدي المرحلة دي
وانا مش شايفاها أزمة
ولا شئ مستحيل
احنا مرينا بأيام اسوأ
والحمد لله عدينا منها
بس احنا بننسى
وفاكرين دي آخر المطاف ونهاية العالم بالنسبة للمنتدى

ريتا
انا عرفت انك اتخطبتي
الف مبروك
معلش متأخرة حبتين
ونورتي المنتدى تاني
استمري في توبيكاتك الحلوة
وشدو حيلكم بقى يا مهيسين
ولا يرضيكم المنتدى يتقفل وريتا يوم فرحها ماتلاقيناش معاها؟
طب ومين هايخلص الجاتوه؟
ولا مش ناويه تعزمينا يا ريتا؟؟؟؟
lol!

بيس عليكم

انا معاكى فىكل كلمه انتى قلتيها
وانا مستعد اهرى المنتدى توبيكات مش هتاخد وقت معايا
بالرغم من انى مشغول اوى الفتره ديه
بس عادى انا مستعد احط توبيكات بعد الرد ده
ويارب كل خير يتحقق

CEO & CHAIRMAN

اوكي
و انا مش هقف اتفرج
هشيل الكلمة مؤقتا
بس هنمشي بالدومين القديم لحد ما المنتدي يبدا يبقي فيه روح من جديد

انتى اول المعزومين يا مشمشتى ميرسى ليكى

ايه الدومين ده ؟؟؟؟

اللى فى المركب !!!!

لف الدومين 150 درجة

هو ده ؟؟؟؟

جميل
وياريت تديني الاذن كمان اشيل آثار المعركة اللي في واجهة المنتدى دي
واحتفالا بالرجوع الميمون
واستمرار المنتدى باذن الله
لازم نوزع ايه؟؟
شيكولاته طبعا مش محتاجة فكاكه
واول توبيك هحطه دلوقتي
عن الشيكولاته
يلا بيس عليكم يا شباب

CEO & CHAIRMAN

علي فكرة انا مشيلتش منك الصلاحيات
كان قلبي حاسس

كتر خيرك يا يوري
بس حاليا انا معنديش اي صلاحية شغالة
ولا حتى اني احذف توبيك
بص
كل ده مش مهم عندي
ولا فكرت اني لما ارجع اني ابقى في الادارة تاني
بالعكس
انا رجعت وكنت فاكرة ان الاكاونت بتاعي مش هايشتغل
وعاملة حسابي اني هعمل اكاونت جديد
وابدأ من جديد
ولا رتبه ولا اي حاجة شاغلة دماغي غير ان المنتدى ده مايقفلش
فكبر دماغك من الحوار ده واتعامل على اني عضوة عادية جدا

تمام والحمد لله
ان المنتدى رجع تانى
وهيكون احسن من الاول بينا كلنا