الرجل الدلو

موضوع: الرجل الدلو الجمعة فبراير 29, 2008 3:28 am

طبعا بما أن الاولوية بالحجز.....فأنا حبتدى ببرج الدلو و وعد منى ان القوس حيبقى البرج التالت انشاء الله
ندخل بقى على الدلو :-
المهندس الدلو مهندس مميز ( فلوطة وسط الشلة ) يخليك تتشد اليه و تحب تصاحبه من غير ما تفكر قبلها , عاشق للمعرفة و بيحلم على طول بالمناصب العالية و بيصبو اليها ( حلوة يصبو دى )
بيحب يبقى غامض على طول مبيحبش يبقى واضح علشان بيعتبر الوضوح انه شئ مش مغرى بالنسبة للآخرين , فطول مانت معاه مش حتعرف تكتشف حاجات جديدة..... علشان غموضه ده بيضئ جوانب حلوة فى شخصيته و بيضلل على جوانب تانية .
بيحب الصداقة جدا و بيعتبرها اوسع سكة على طريق المعرفة... علشان بيعتبر ان الاعتماد على النفس للحصول على المعرفة جهد محدود لكن احسن طريقة للمعرفة هى الصداقة بالنسبة ليه
بيحب السفر جدا و بيفرح كل ما يسافر علشان عن طريق السفر حيتعرف على انماط جديدة فى الحياة و حيتعرف على ناس جديدة و حتزيد ثقافته
لو عايز الراجل ده يتمسك بيك و تبقى شئ مثير بالنسبة ليه خليك غامض معاه علشان لو بقيت واضح حيحس انك شخص رتيب و ملل و روتينى و حيفك اى ارتباط بينه و بينك ..... و ركز اوى معاه فى العمليات الحسابية حتلاقيه كالكيوليتر
علشان المهندس ده دقيق دقة ادق من دقة الدقيق اللى ماما بتعمل بيه الكيك
معظم مهندسين البرج ده اداريون و مستقلين باعمالهم... و بيبعدو كل البعد عن الوظايف بتاع الحكومة و الروتين الممل اللى فيها و دايما بيرسمو تصورات للمستقبل و ده بيعتمد على اتساع افقهم و دقتهم و قدرتهم على تحديد المصير .......اشطة كدة
الهندس ده بقى بيحب الاستقلالية و انه يعيش حر و مبيغرقش فى بحر العواطف بالعكس ده بيحب التغيير و نفسه كل يوم يشوف وجوه جديدة
الراجل ده بقى اجتماعى اوى... و لما بيسيطر على غضبه بيبقى فى قمة تألقه و لما بيبقى قاعد فى وسط ناس كلامنجية (محترفين كلام ) لو ارتبك حيلعبك الحوار لكن لو ركز و مرتبكش حيبقى كلامه مقنع جدا
بيحب الكحرتة و التغيير فى اسلوب الحياة و الحركات و كدة يعنى بس ميحبش يبقى عامل زى الغبى ادام واحد تانى آرائة متناقضة مع اراء صاحبنا
بيحب الفلوس جدا علشان ده اللى حيزيد من نفوذه و شسخصيته و شهرته و حيمتعو برضه نظرا لحبه للسفر
بس فى نوع بيعشق المال اكتر من اى حاجة فى الدنيا و النوع ده بقى اللى بيحب المراهنات و المغامرة
المهندس ده بقى بيدور على صديقته جوا حبيبته علشان الصداقة عنده بتمثل شئ اسمى و اكثر واقعية من الكلام الرومانسى الاهبل و بيخاف تتطور علاقة الصداقة معاه لحب مع انه يفرح لو حبيبته مرضيتش تفضل صديقته عند نهاية علاقتهم.....طبعا لأنه بيحب يصاحب ناس اكتر و اجدد
المهندس ده بقى بيحب الست القوية و الذكية فى وقت واحد , علشان تخلق معاه توازن معاه من غير ما تبقى جارية تحت رجليه , بس هو استحالة يبوح بحبه بسهولة بس ممكن يعمل تصرفات تفهم اللى بيحبها انه بيحبها
الدلو لما بيتجوز بيبقى زوج متعب و مريح
متعب لأنه قليل فى الكلام
و مريح علشان بيدى مراته كل حقوقها
و احلى حاجة انه لما بييجى يدخل بيته بينسى كل همومه و بيبتسم
و بيحب ان مراته تقف جنبه على طول علشان تديله جرعة ثقة فى النفس
المهندس ده بقى بيدلع عيالع تدليع غريب و لو بأيده يجيبلهم كل يوم هدية حيجيب....بس ده ميمنعش انه بيحب انهم يبقو محترمين و مهزبين و لبقين فى تعاملهم مع الاخرين
الخلاصة الحياة استحالة تبقى حلوة لو بقت مريحة بس او متعبة بس
اذا الحياة مع برج الدلو حلوة جداااااااااااااااااااا

CEO & CHAIRMAN

معاك حق في كل كلمة انت قلتها يا مان
دي شخصيتي بالمللي بل بالانجستروم
وفعلا انا ببقي فلوطة في وسط الشلة
و من غيريالقعدة بتبقي مملة
شكرا يا ميلانو
الف شكر يا زعيم

فيه صفات كتييييييييييير صح

هااااااااى ميلانو جامده اوى الحلقات انت برج ايه والنبى يا علاء عايزه برج القوس