منقووووووووول

[]النهارده جايبلكم موضوع منقول من احد المواقع
هو بصراحه اسلوبه عجبني
وبجد موضوعه مطروح معاكم للمناقشه
بس يارب يعجبكم

النهارده صحيت الصبح على بابا عمال يزعق
ويقول "هو لو عنده كرامه ميدخلوش البلد "
مكنتش فاهم ولا مستوعب هو مين اللي يدخل وميدخلوش
لسه صاحي من النوم بقى ومأنتخ
المهم طلعت من الكهف بتاعي
لقيت بوش افندي والست كوندليزا هانم
واصلين مطار شرم الشيخ الدولي
وبيركبوا العربيه الكاديلاك اياها اللى عرض الباب بتاعها 20 سنتي دي
شكلها عفش الصراحه الريس بتاعنا معودنا على المرسيدس
نتفرج عليها بس متفهمونيش غلط ..
منقووووووووول Haha

المهم لقيت نفسي بتلقائيه واحد لسه مأنتخ
بقوله ماهو لو مدخلهاش ضيف النهارده هيدخلها محتل بكره
يبقى ندخله ضيف احسن
لقيته بصلى بصه من فوق لتحت كده
منقووووووووول Blink

وحسيت ان ثوريه جيفارا ولعت جواه
وبعدين قام مكمل زعيق
ماهو انت واللى زيك اللى هتخربوا البلد وتودوها فداهيه
منقووووووووول Brd38

قلت يا نهار مش فايت
انا شكلى عملت مصيبه وبقيت من العملاء والعلوج على الصبح
متلم الدور ياعم صدام بقى اصطبح والنبي
فين الفول ياجدعااااااااااان ؟؟؟
المهم وانا بفطر قلت ايه الانهزاميه اللى الواحد بيفكر بيها دي ؟؟
ده بدل ما نقول ارواحنا قبل ما يدخلها
قبل ما كلب زي ده ينجس بلدنا وشرفها واسمها ؟؟
المهم بعد الفطار لقيته قام نازل المكتبه بتاعته
وعمال يدعبس ويدور
وقام جايبلي جرنان اخبار اليوم بتاريخ 13/10/1973
ببص لقيت الجرنان كان بـ 15 مليم وعشر صفحات
قلت ايه هيقولى شفت الجرنان زمان كان رخيص ازاي
والاسعار ولعت "زي اسطوانه كل يوم اللى بسمعها عند كل
الجيران لما بتيجي فاتوره الكهربا اول الشهر "
لقيته بيقولى اقرى اول سطر
"مصر تحذر من نتائج استمرار تزويد اسرائيل بالاسلحه الامريكيه"

منقووووووووول Image365

واخد بالك انت من مصر تحذرررررررررررر دي
قلتله ايه ده
انتوا كنتوا بتحذروا زمان زي امريكا كده ما بتعمل مع ايران ؟؟
المهم علشان اخلع من الموضوع
قلتله بص ياحج حسن
انا النهارده طالع رحله عقبال عند احفادك كده
رايح صان الحجر اتفرج على اثارات الفراعين اجدادي
علشان الواحد كده يستمد قوته من الفراعين دول
ويحس ان له اصل وجذر مدفون فى اعماق التاريخ
هبقى انزلكم البلوج الجاي صور الرحله بقى
كفايه عليكوا كده النهارده

طبعا انا مش هتكلم
الموضوع منقول و مستني كلامكم انتوا[//

رغم انه منقول
بس انا برشحه احسن موضوع من دلوقتى اهو
لا بجد الموضوع مؤثر فعلا ..و الله جسمى قشعر
وشايف حكمه اليوم " و اخرجوهم من حيث اخرجوكم " ايامها بقا
وشوف سبحان الله
اللى كان من اسباب فوزنا فى حرب 73 و طرد اليهود و الامريكان
هو هو بردو بعد كااام سنه اللى رايح يستقبل الامريكان
وهو هو بردو اللى من قريب بعت برقيه تهنيه لليهود بمناسبه مرور 60 سنه عليهم فى فلسطين