امتحان السفارة المصرية للحصول على الجنسية

يشترط لدخول الامتحان ان المتقدم يكون معاه كل أدواته اللازمة :

قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)



السؤال الأول:اختار من بين الأقواس الكلام الصح

1- حنان ترك اتحجبت يعني........... (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى مصر كان في الأصل......( حلاق - نجار - تاجر مخدرات - صلاح - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر )

- بص في ورقتك يا حيواااان!

- مصر هى أمي نيلها جوا...........(عبي - بطني - رجلي - جيبي - دمي )

6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق )


السؤال الثاني:أكمل الجمل الآتية بكلام م الآخر

1- انتبه من فضلك السيارة ترجع إلى............ ......... ...

2- ماما زمنها............ ......


ارجو ان محدش يفهم من الاسئلة دى انى متطرف و لا ارهابى و لا اخوانى و لا شيوعى
ده مجرد استهزاء بعقول المصريين و تفكيرهم لا غير

استهزاء بعقول المصريين!!!!!!!!!!!
على اساس انك ايه...............كوالالمبورى يعنى
ما انت مصرى فى الاخر

ههههههههههههههههههههههه
لابجد ميه ميه

بس علي فكره متستهونش بعقول المصريين
لان معظم الاختراعات من المصريين

تصدق يا يورى الموضوع ده محيرنى من زماااااان.............ازاى امريكا والاتحاد السوفيتى؟؟؟؟؟؟؟

لو كل واحد ذاكر دروسه واجتهد المصريين حيبقوا احسن تاس

علي فكره احنا شعب ذكي جدا
وده بتقدير العالم كله
بس للاسف اللي الحكومه عاملاه فينا من ضغط و............
للاسف تفكيرنا راح للحاجات التافه بس

اكييييييد ممكن نلاقي حل
ومش معني اننا مهيسين ان ميكنش عندنا فكر
بالعكس يعني


بس خلي الحكومه تبعد عنا شويه وتهوينا كده واحنا حنبقي زي الفل

على فكرة انا هسيب الهندسة واروح اقدم الخارجية ، بلا هندسة بلا كلام فاضى