طبعا علشان اسراء متزعلش لازم نكتب شوية عن مهندسة الدلو
مهندسة الدلو بقى مهندسة مستقلة و متحررة و منطلقة بس حذرة فى نفس الوقت
نفسها تبقى سيدة مجتمع و يكون يكون ليها كلمة مسموعة و لصوتها صدى فى كل مكان
مهندسة الدلو كونها متحررة و منطلقة بتكره القيود بطبيعتها خصوصا قيود المجتمع و بتعمل كل اللى مقتنعة بيه , و احلى ما فيها انها بتقدر تتأقلم مع اى حد و بتحب تقرا و تحلل شخصية اى حد تعرفه و معظم بنات البرج ده بيبقو نفسهم يتنصبو فى مركز و بيحبو الاناقة رغم انهم فى اوقات ممكن تحس انهم مبيفهموش فى الشياكة....علشان مبيهتموش بلبسهم خالص
مهندسة الدلو كمان من النوع المتفاءل جدا و بتؤمن بان المستقبل حاضر اكتر من الماضى و دايما بتحب تتوقع اى شئ قبل حدوثه و نفسها توصل لدرجة عالية من الثقافة و المعرفة و لو مقدرتش حتتخذ اسلوب التحوير اللى بيبقى مقنع بالنسبة لناس بس ناس تانية بتأفشها
مبتحبش تربك نفسها خالص و بتعشق النوم و لو ماخدتش جرعة راحة كاملة حتتحول لكائن غريب و حتبقى عصبية اوى
بتكره التنازل و مبتحبش تتنازل على شئ و لو كان صغير و مهم , بتعتبر التنازل ده نقيصة بعيد عنكم ..... و كمان لما بتبقى عايزة تعلن حاجة بتعلنها بدون تردد....... لأن المهم عندها انها تقول اللى هى عايزاه و لو كان على حساب الاخرين
فى بداية معرفتك بيها حتحس انها شخصية محافظة جدا بس بعد ما تاخد عليها حتلاقيها شخصية جريئة جدا .......لكن الغلاف الهادئ اللى فى الاول كان مجرد قناع تقرا من وراه شخصيتك و تحاول تفهمك علشان تعرف تتكلم معاك بانهى اسلوب
مهندسة الدلو بتحب المراكز و الالقاب اوى مع انها مبتهتمش بالفلوس جتامد يعنى بس الاسم عندها اهم من اى شئ و و طبعا نفسها تتبوأ مناصب و القاب جامدة علشان يساعدها على الاختلاط بالناس و ده لأنها بتحب انها تتعرف على ناس كتير و انماط جديدة
فى الشغل تلاقيها سايبة مسافة بينها و بين زملائها علشان بتدقق جامد فى شغلها علشان تتأكد انه حقق النجاح المطلوب
علشان كدة نلاقى البنت من دول سهونة و تقولك ده انا مش عارفة اذاكر و امبارح روحت من الكلية و نمت و صحيت اتفرج على التلفزيون و بعدين قعدت على المنتدى و الحوارات دى و هى اساسا سهونة و خبيثة و تلاقيها مأفلة فى اخر السنة علشان لما بتذاكر بتدى المذاكرة حقها
و هى من النوع اللى بيطالب المساواة بالرجل و مقتنعة تماما ان المرأة ممكن تعمل انجازات زى الراجل علشان كدة بتتمسك بشغلها بعد الجواز
الصداقة عندها شريان لحياة بعيدة عن الروتين و الحب بيمثل عندها تفاهم و اخد و عطاء
و هى بتحب الراجل اللى يقف جنبها و لما بتحب بجد بتوهب نفسها للى بتحبه بس هى عادة تحب تتجوز شخصية من ذوى الالقاب بس مبتحبش ان الغيرة يكون ليها مطرح فى علاقتها لانها بطبيعتها بتحب تتعامل مع ناس كتير
المهندسة الدلو مبتهتمش اوى بالجواز و بتبقى مترددة لما توصل فى علاقتها لمرحلة الجواز و بتحاول تعتبرها مجرد صداقة و هى بتفضل العلاقة الهادئة اللى تستمر كام سنة و تنتهى و تعرف ناس تانيين و كدة
فتاة عصرية , متحررة , ذكية مع بعض الادعاء محبة للرفاهية والعيش ببحبوحة حتى ولو تظاهرت بالعكس في بعض الأحيان كما إن هذه الفتاة المتحررة قليلة الانفعال في الحب فهي قد تكون قريبة من حبيبها وبعيدة في نفس الوقت
و لما بتخلف و بتبقى ام بتنسى العواطف و بتحاول تبقى قريبة من ولادها و حازمة فى نفس الوقت علشان كدة تلاقى معظم اولاد فتاه الدلو بيطلعو عظماء
حلوة ساحرة , متحررة , غير عاطفية فاينك أيها الرجل العصري ؟؟؟؟؟؟؟
الجمعة فبراير 29, 2008 4:12 am
