كله يدخل يعرف نفسه

السلام عليكم

خلاص يا عم سيحت انك ابن خالتي ،،،، بس انت ذاكر علشان تخش الكلية

انا محمد ابن خالتك وانت عارف الباقي

يالا سلالالام

ميرسي يا مان على مشاركتك وانت كمان اهلا بيك في موضوعي

وباذن الله انضملكم في الكلية قريب بس دعواتكم معايا بقا

وانا عارف ان الهندسة مهيسة في اعدادي شوية ههههههههههه

باذن الله

هو ليه محدش بيخش يعرف نفسه هنا؟؟؟

الموضوع ده المفروض اساسي يعني ولا علشان كلكم تعرفوا بعض؟؟

ولا تزعل يا مادو
انا اسراء اعدادى هندسة
بحب المنتدى دة اوى بحب الموسيقي الكلاسيك
وربنا يوفقك وتدخل هندسة معانا ان شاء الله

انا سمر اعدادى هندسه
وبموت فى السينما والافلام العربى
بعشق حاجة اسمها حليييييييييييم
وبعشق اكتر احمد ذكى
الله يرحمهم الاتنين على فكرة ذكرى وفاتهم الشهر دة
احمد ذكى 27مارس
ويارب السنه الجايه نشوفك معانا فلا هندسه ان شاء الله
بس انت ركز فى المذاكرة وسيبك من النت شويه والسنه الجايه ابقى اقعد على النت براحتك

انا بأه يا سيدي أسمي أحمد في تالته مدني بكون مهيس مع المهييسين و جد مع الجادين لكن بحب اكون جد اكتر من كوني مهييس بحب الاغاني القديمة و خاصه ام كلثوم و بحب كمان الموسيقى الهاديه جداً و بحب الافلام الاجنبي و العربي .... بس و عرفت المندى عن طريق الاعلان اللي متعلق على محطة الجامعه و انا مبسوط بالمنتدى و نفسي انه يكبر

اهلا بيكم كلكم يا جماعة معانا وطبعا انا ليا الشرف انكم تكونوا موجودين في الموضوع بتاعي هنا ولينا الشرف انكم كلكم معانا ونفسنا كلنا فعلا ان المنتجى يكبر بجد اكتر واكتر وكل الهندسة تكون فيه باذن الله

على فكرة يا سمر انا لسه سنة تانية مش في تالتة يعني لسه بدري اوي

وبجد اتخنقت من المذاكرة
ههههههههههه

اهلا بيك معانا يا مادو.
معلش انا بارد على الموضوع متأخرة جدااااااااااااااااا.
انا بقى ايمان ..... تالتة كيمياء.
يعنى على بال مانت تدخل الكلية هاكون انا خلاص فينيتو انشاء الله.
احتمال يعنى...تنمنى ذلك.
اكتر حاجة بحب اعملها انى اسمع.
اه على فكرة انت قريتها صح.
بحب اسمع اسمع اسمع اسمع...مش عارفة ليه باحترم ودانى اوى.
يعنى احب اسمع كتييييييييييييييييير عشان اتعلم كتيييييييييييييييير.
وبحب الأفلام الأجنبى جدااااااااااااااااااا بجنون وبحب المزيكا الهادية وبحب كمان اقرا فى ما وراء الطبيعة.
وكفاية كده عشان انا اتكلمت كتير اوى وصدعتكم.

هاي مادو
انا شادي تالته مدني انا بحب اصحابي جدا وتقريبا مش بكره اي حاجه غير
الكدب والغدر والخيانه وقلت الذوق وقله الضمير والناس اللي معندهاش دم والناس اللي مش بتحس و
الناس اللي معندهاس قلب ومش بتقدر
وواحده مش هاقولك عليها طبعا
وبس بس ال باتشينو حبيبي
شوفتني معاه في الاب الروحي الجزء التاني
باي

اهلا بيكم معانا يا جماعة وشكرا يا مشمش ويارب فعلا تكوني خلصتي وكلنا نتمنى ذلك

وانت كمان يا شادي

وشئ جميل انك تكره كل ده بس اوعى تقع انت في اي صفة من الصفات دي حتى لو غصب عنك

ومتتظرين مشاركاتك معانا يا جميل

هاى يا جماعه ازيكو انا بقى جيت غلط هنا تقريبا بس معلش استحملونى عشان انا حشريه شويه احم احم ...نسيت اعرفكوا بنفسى انا اسمى ساره وعندى 15سنه وحبه الاشويه بس كفايه عليكو كدا

اهلا بيكى يا ساره
نورتى المنتدى
وبعدين ولا يهمك اتحشرى براحتك خااااااااااااااالص
بس انتى فى ثانوى ولا ايه
وعلمى وادبى

السلامو عليكو, نهارنا ابيض انشاء الله:-


انا سمير الشهير ب سمير برضه لكن اسمي الحقيقي احمد سمير ,الناس بيقولولي ان انا سيكشن 5 ,لكن انا معرفش حد خالص فيه
بحب عمرو دياب اوى والي مش بيحبه بعوره ,وبسمع تامر حسني وعشقي رامى صبري ,وبحب افلام قراصنه الكريبي و سبيدر مان 3 اوى اوى ,والعربي مش بتفرج علي افلام لال اتنين عمرو و سلمى ,و معلش احنا بنتبهدل ,,,,,لكن لما ابقي رايق بتفرج علي حليم اصل بحبه اوى اوى

وبحب انريكي اجلاسياس زى اخويا الكبير ,وحافظ معظم اغانيه وديما بغنيهم


هدبلر السنادي ,يا اما هدخل غزل ,يالا ربنا يسهل





السلامو عليكو






ahmed samir:انا فودافون

i'm mohamed elassal ,section53,i have two close friends kimo and mohamed gad who i always with them and i have other friends doha,gaber,badr and other.
i love tamer , amooor ,hamaky,eminem,backstreetboys
i always watch omar and salma,pirates of the caribbean,italian job
we everyday bnhayes gamd and all people love us and like to talkwith us
anybody want to know us ask for elassal or karim dodge

هاى انا اسماء وده اول دخول ليا فى المنتدى واللى عرفنى على المنتدى هى اسو وسمر واسراء بس انا حاسه انى هكون مبسوطه معاكو هنا انا من مدمنين المصارعه وعمرو وفضل شاكر بحب اى حاجه مطرقعه وجديده وده اللى خلانى اشارك معاكو