مره واحد سرق فرخه وراح عند البحر نضفها وشواها وكلها جه الضابط وقاله انت سرقت الفرخه
قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من
الهدوم
واحد مسطول طلع برج القاهرة في اخر دور وبص على الناس تحت لقاهم صغيرين جدا وركز على
واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل
وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت
صغير قوي
واحد ركب اتوبيس.. جاله الكمسرى بيقول له تذاكر ... قال له امين شرطه..... سابه
وراح للجانبه قال له: تذاكر ... قال له: أبراهيم شرطه
مرة واحد غبي حب يطور الطيارة الهليكوبتر فك المروحة وركب بدالها تكييف
مدرس لغة عربية بيدى درس خصوصى لطالب والده جزار فطلب المدرس من التلميذ وضع
كلمة ينابيع فى جملة من عنده فكر التلميذ طويلالالالالالا لا وقاله لما "بكون واقف
فى المحل مع ابويا ينابيع يا ابويا يبيع
مره دكتور راح مستشفي المجانين علشان يكشف عليهم فرسم لهم باب علي الحائط و قال لهم
"افتحوه" فراحوا يفتحوه ما عدا واحد، افتكر أنه عقل و بقى كويس فساله "ليه ما فتحتش
الباب" قاله "لأن المفتاح معايا !!؟؟"
مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا
وبعد يومين الراجل حس بالذنب راحلو لقيه مرمى على الارض والنسور والصقور بتحوم
حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت
الكامين
حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من
القهوة فالحرامى قال :بسرعة يالاااا
واحد قابل واحد بيجرى فى الشارع فسالة بتجرى لية قالة حماتى اشتريت لها نصف كيلو
سمك اكلته نىء جلها شلل نصفى فقاله رايح تجيب لها الدكتور قاله لا انا رايح اجيب
لها النصف كيلو الثانى
مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ
فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع
الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله
اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا
لا قاله متكيسه فراجل قاله بص احنا معندناش فراخ بس ايه رايك في النظام؟
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا،
وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت
بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط
كده؟ قاله كنت مسطول يا بيه
اتنين مساطيل طالعين في الأسانسير واحد بيقول التانى "هو الاسانسير بطىء كده ليه؟"
قاله "يمكن طالع على السلم"
اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي
وبعدين سألو التاني نفسك في ايه قالهم نفسي متخلوهوش يشوف امه
الأحد يونيو 15, 2008 3:45 am
