استفسار

انا نفسي اوي اني استفسر منكم علي حاجه بافكر فيها كتير وبالاقيلها اجابات كتييييييييييييييير باحاول اني اهرب منها لاني من جوايا مانفسيش تبقي دي الحقيقه
انا كل اللي نفسي استفسر عنه هو ليه الغرب دايما بيعاملونا علي اننا مش بشر واحنا بنسكت ومش بس بنسكت داحنا ساعات بنساعدهم ونساندهم ومابنقدرش نقول كلمه رد كرامه احنا ليه يا جماعه بقينا رخيصين قوي كده وملطشه للي يحب يبهدلنا .... في فلسطين بيتقتل شيوخ واطفال ونساء وبقي خلاص الوضع طبيعي اسرائيليين بيهينوا اخوانا الفلسطينيين واحنا للاسف بنساند ااسرائيليين دول من ناحيه تانيه ذى مانكون بنساعدهم يدمروا الفلسطينيين ونسينا حتي اللي عملوه فينا زمان
في العراق امريكا بتضرب وتجري تستخبي وتقول العراقيين ضربوا بعض وانا وجودي بس عشان الامن ونصلح البلد وماشوفناش حاجه من دي
اما بقي في لبنان فحقيقي امريكا نجحت بجداره انها تعمل حروب اهليه بين اللبنانيين ومشاكل بين لبنان وسوريا
والصومال والسودان .... وبلاد تانيه كتير ومشاكل مالهاش عدد واحنا بنتفرج واقفين انا اترددت كتير اني اكتب الموضوع ده بس لما شوفت الصور اللي حاطتها سيمبا مع تفكيري كتير في الموضوع ده قررت اني اخد رايكم احنا ليه بقينا كده وليه هما كمان بيعاملونا كده انا عارفه اني طولت عليكم اوي بس انا مستنيه ردودكم بفارغ الصبر وياريت كلكم تردوا

اولا انا بشكرك جدا يا موون على موضوعك اللي مفروض انه يحرك كتتير من مشعرنا و يفكرنا انه في جزء من كيان المسلمين مغتصب و متاخد منهم بالقوه ..... نيجي باه لجواب الاستفسار:

ياستي احنا من ساعه ما اتولدنا و احنا ساكتين.مش فالحين غير ان احنا نرد على امنا و ابونا لكن غير كده احنا ناسين او بمعنى اصح ماتربيناش على حاجه اسمها لغه الحوار بمعني انا عايز اتكلم و انت عايز تتكلم و محدش عايز يسمع لحد. يعني ابسط مثال على كده الواحد مننا يوم ما بيكون قاعد في محاضره و الدكتور بيشرح و لو في حاجه انت مش فاهمها "المفروض" انك ترفع ايدك و تسأل لكن في الواقع ده ما بيحصلش لاننا ماتعلمناش ان المحاضره هي لغه حوار بين الدكتور و بين الطلبه لكن اللي بيحصل ان الدكتور وراه منهج عايز يقوله و يخلصه و الطالبه عايز الساعه و نص دول يخلصوا و يمرو بسرعه يعني لا ده عايز يعلم صح و لا ده عايز يتعلم صح دي الصوره المصغره من المشكله الكبيره نيجي للصوره الاكبر .. الحاج بتاعنا "ربنا يحميه و يحفظه" عليه ضغوط خارجيه و ماسكيه من ايده اللي بتوجعه و هي المعونه . لو ماعملتش اللي احنا بنقوله ليك هنقطع الماعونه عنك و مش بعيد نشيلك من كرسيك مش بس كده و ممكن نعمل في اكتر ما عملنا من صدام ... فبالتالي هو مضغوط عليه يقوم يضغط على الحكومه اللي بتتلخص في الوزرا و رئيسهم و بالتالي هم مضغوط عليهم فيقومو يضغطوا على الشعب برفع الاسعار و تقليل الخبز و رفع سعر البنزين و المشاكل اللي انتو عارفينا دي و بالتالي الواحد مننا ينسى فلسطين و العراق و ابوه كمان من كتر المشاكل دي و دي باه يا باسمهندسين اللي بيقولو عليها السياسه الخارجيه و الداخليه.... طيب انا وضحت الصوره بشكل مختصر جدا طيب ايه الحل؟؟؟؟؟
لا ده انا باه سايبهولكو انتو تستنتجوه

شكرا اوي علي ردك يا سمبا وعلي فكره انت كلامك صح للاسف انا كنت اتمني ان مجتمعنا كان يبقي فيه لغه حوار اكتر من كده والا مكانش ده بقي حالنا

المجتمع باظ ................ يعنى دلوقتى خلاص الجنيه غلب الكارنيه وده امر واقع


هههههههههههههههههههههههههه