نكت يارب تعجبكم وتكون جديده

مرة واحد لبس شبشب أديداس،وأديداس مشي حافي

ليه النمر بيجري ورا العربية ؟
عشان يعاكس النمرة

ليه قناة السويس اسمها قناة السويس؟
عشان السفن بتمشي فيها بسويس بسويس

الأرنب بيخاف يعدي ع القهوة؟
عشان بيخاف من السحلب المكار

ليه أبو تريكة بيلبس فانلة 22؟
عشان 21 ضيقة عليه

واحد صعيدي قاعد ف الإستاد وباصص لفوق،ليه؟
بيدور ع كلمة مباشر

واحد ميكانيكي فتح مصنع شيكولاتة سماه كالاكسي

اتنين بيسألوا صعيدي،المصري بني الأهرامات،طب الياباني بني ايه ؟ قالهم بني سونيك 

سواق قتل ستين واحد ف حادثة،الظابط بيسأله ليه قتلتهم؟ قالله أنا كنت ماشي وفجأة الفرامل ضربت ولقيت ع يميني فرح وع شمالي 2 رجالة،قاله أدخل ف مين؟الظابط قاله ادخل ف الراجلين....قاله دخلت ف واحد والتاني راح الفرح وأنا فضلت وراه ،أسيبه يعني يا باشا؟

فرخة استحمت بهيد أند شولدرز،باضت بيضة من غير قشرة

مره واحد عدي ع واحد صاحبه بخيل قوي لقاه حاطط ايده ع عينه الشمال وبيبص بالتانية،قالله مال عينك؟
قالله أصل أنا شايفك بواحدة،يبقي أشغل التانية ليه

واحد أخنف وقع ف بير،مر عليه واحد وكان أخنف برضه،قاله أطنعك،رد قاله أيوة طنعني،،،قاله انت بتتريأ عليا،طب مش هطنعك

واحد بيبيع كتاكيت وقفته لجنة تفتيش تموين وسألوه بتأكلهم ايه؟قالهم ذرة،قالله المفتش انت حمار،دول بياكلوا علف_ودفع غرامة ألف جنيه،،،في يوم تاني سأله بتأكلهم إيه؟قالهم علف،قاله يا حمار بياكلوا درة،،في يوم تالت سألوه انت بتأكلهم ايه؟
قاله يا باشا أنا بدي كل كتكوت جنيه وهو ياكل براحته

واحد بيحب يجري،بس يجري مابيحبوش

واحد حب يوقف أتوبيس لكنه ماوقفش،قعد يجري وراه لحد ماوصل البيت،،،راح يقول لمراته افرحي،النهاردة وفرت ربع جنيه...قالتله يا خيبتك،مش كنت تجري ورا تاكسي كنت توفر 3 جنيه

واحد راح للدكتور وقاله أنا عندي صداع،الدكتور سأله انت بتنام والشباك مفتوح ولا مقفول؟قالله مقفول،الدكتور قالله نام وهو مفتوح،،،،
في اليوم التاني جه قال للدكتور الصداع راح والتليفزيون راح والتلاجة راحت

واحد غبي ركب العربية بالليل لقي الدركسيون والفرامل مسروقين،راح القسم وعمل محضر سرقة،تاني يوم الصبح لغي المحضر،،ليه؟
عشان اكتشف انه كان راكب ورا

2 صعايدة بيتاجروا ف الموز_خسروا ليه ؟
عشان بيرموا المعووج

صعيدي اشتري3برتقالات،قشر الأولي لقاها معفنة ورماها،،،قشر التانية لقاها معفنة ورماها،،،طفا النور وقشر التالتة وكلها



مرة عشرين صعيدي بيهزروا مات منهم عشرة،رد واحد وقالهم كفاية بأة لحسن تقلب بجد

2 صعايدة كانوا عاوزين يسرقوا عمارة قالو نزق العمارة بعيد ونسرقها_قلعوا الجلاليب وحطوها وراهم_جه حرامي وسرق الجلاليب_بصوا وراهم مالقوش الجلاليب_قاله كفاية كده إحنا بعدنا أوي

حلاق وابنه بيتفرجوا ع ماتش،المعلق بيقول وشاطها بمشط رجله جت ف المقص،الواد قاله الحق يا بابا دول بيلعبوا ف العدة

واحد شحات راح لواحد عجلاتي وقاله أعطني مما أعطاك الله_ العجلاتي اداله عجلة وقالله خدلك لفة

مرة 3 حبوا يشوفوا أكترهم ندالة_شافوا راجل عجوز عاوز يعدي الشارع.
الأول:عداه وسابه ف نص الطريق،،،والتاني:عداه وبعدها ضربه،،،والتالت ضحك وقال أنا اللي ندل أكتر منكوا عشان ده أبويا

مرة 3 صعايدة راحو محطة القطر،لقوا القطر بيمشي خلاص،2 منهم جريوا وراه والتالت وقف يضحك_الناس سألته بتضحك ليه ؟قالهم إن أنا اللي مسافر والاتنين دول كانوا بيودعوني

مرة صعايدة دخلوا امتحان وكان أول سؤال ما هو عدد أرجل المعزة؟ سألوا واحد صاحبهم ف اللجنة بس ماردش عليهم_بعد اللجنة سألوه مارديتش ليه ؟ قال أصل المراقب كان قاعد جنبي وماعرفتش أطلع المعزة

مرة واحدة بتقول لجارتها الحقيني يا أم محمد،جوزي خبطته عربية وهو بيجيب ملوخية،أم محمد قالتلها وعملتي إيه؟ قالت طبخت بامية وأمري لله

مرة واحد كل يوم يحلم بماتشات كتاكيت_راح للدكتور فالدكتور قاله هتاخد الحقنة دي ومش هتحلم بيهم تاني خالص،،،قاله خليها بكرة عشان النهاردة ماتش النهائي

واحد جاب ولاده قبل مايموت وقال لواحد منهم خد عود حطب واكسره فكسره،خد عودين فكسرهم،خد خمسين عود فكسرهم_فقال أبوهم أقدر أموت وأنا متطمن إن معاكوا البغل ده

واحد دلوع دخل الجيش سأله القائد لو شفت جندي من العدو تعمل ايه؟قاله هرمي السلاح ف وشه وأقوله بكرهك بكرهك