الموضوع اللي قلتلكم عليه

السلام عليكم يا شباب الموضوع ده كنت قرأته في احدى المنتديات بس ما اكدبش عليكو مكنتش مصدقه في البدايه لكن لما فكرت كده شويه و كلمت صحابي فوجئت بالكارثه انهم قالولي ان العمليه دي موجوده في كل حته و بكثره و عادي طبعا انتو مش فاهمين حاجه ...طيب انا هعرض عليكم الموضوع ده و عايز اعرف رأيكم ايه في الكلام ده.....

اقتباس :

بسم الله الرحمن الرحيم

مش عارف أبدأ كلامي من فين و لا حتى مش عارف أبدأ إزاي ؟؟

مش مسأله إني محتار بس انا بجد مش مصدق إللي شفته بعنيا

تعالوا أحكيلكوا إللي شفته من البدايه خالص

في يوم من الايام كنت قاعد في البيت زهقان و مش لاقي حاجه أعملها .. زهقان من الخروج في القاهره الزحمه جدا

التوقيت بوم من أيام الصيف بعد المغرب

قررت إني أروح أأجر عربيه و أخرج بيها بره القاهره

و فعلا أجرت العربيه و إتجهت بس للأسف مش عارف أروح فين

المهم بما إني ساكن في حي المعادي الجديده كان أقرب طريق صحراوي ليا هو طريق السويس

سخنت الفكره في دماغي و قلت أروح أجري شويه فيه
( انا من عشاق السرعه الجنونيه )

وصلت للطريق و شويه جري و شويه سلانسيه أولع سيجاره و أعدي على
on the run
أبضع منه عصاير و سجاير لزوم الطريق و أكمل المسيره المجهوله الهويه و المصير

و بدأت الأحداث تتغير تماما و تاخد شكل تاني من بعد وقفه
on the run

في البدايه لاقيت شباب و بنات بعربيات كتير على الطريق

مستغربتش قوي عادي يعني قلت يمكن مسافرين

و كلهم مستعجلين قوي قلت برضه عادي يمكن عاوزين يوصلوا بدري

بعد كده لاقيت عربيه كورولا لونها كحلي ملاكي البحيره فيها شابين ميذدش عمرهم عن 17 سنه

و العربيه المفروض موديل حديث بس متهانه جدا و الإكصدام الوراني بتاعها مش موجود أصلا

و بيجروا بطريقه مخيفه و بييجوا جنب العربيات و بيكلموهم و بعد كده جه جنبي و بيكلمني قمت منزل الإزاز

علشان أسمعه بيقول إيه لاقيته بيقول

عاوز بودره ؟؟

مفهمتش في الأول هو بيقول إيه بس بعدها بلحظات فهمت لما بصيت على إللي راكب جمبه و لاقيت معاه سلاح ألي متوجه ناحيتي

أه و الله العظيم زي ما بأقولكم كده

طبعا و بدون تردد و بصياعه قلتله لأ شكرا انا معايا الحاجه بتاعتي
( علشان أكسب ثقته و أنفد بجلدي )

قام قالي صباح الفل و كمل جري بالعربيه بتاعته و راح يشوف عربيه تانيه

المهم كان فاضلي على السويس في الوقت ده 110 كلم و لما وصلت عند الكيلو 100

لاقيت العربيات إللي كانت مستعجله سواء كانو شباب أو بنات بدأوا يهدوا من سرعتهم و ياخدوا اليمين و بعدين كلهم وقفوا تماما

قلت مش معقوله كلهم عربياتهم باظت في نفس الوقت و في نفس المكان

و بدأت انا كمان أهدي و وقفت زيهم

كان فيه حوالي من 17 لـ 20 عربيه واقفه و انا من ضمنهم و كل عربيه ينزل منها واحد و رايح ناحيه الصحرا على رجليه

قلت يمكن مزنوق و لا حاجه بس البنات كمان دي بجد حاجه مش طبيعيه

و قفلت العربيه و نزلت على رجليا زيهم
( الفضول موتني و قلت لازم أعرف )

و بالظبط و على بعد 20 متر من الطريق و جوه الصحرا شفت منظر لايمكن أنساه أبدا

رجاله عرباويه ماسكين سلاح آلي عددهم ميقلش عن الـ 50 راجل متفرقين و إللي قاعد و إللي واقف و إللي مش عارف عامل إزاي

و الشباب و البنات ماشيين عادي و لا كأنهم شايفين حد

كلمت زيهم بالظبط و قلت هو فيه إيه هو كل الشباب دول رايح ينضم لتنظيم القاعده و لا إيه
( قلت فيهم الخير و الله شبابك يا مصر فيه الأمل )

بس لسه مكملتش الكلمه ولاقيت بقا المعلم الكبير قاعد على مكتب و قدامه ميزان حساس و أكياس فيها

أكيد عرفتوا أه فعلا فيها بودره إللي بيتقال عليها ما بين الشباب

بيسه أختصارا لـ
B.S
brown suger

شباب بيدفع بالـ 500 جينه تمن 2 جرام بودره
و بنات بتقلع الدهب بتاعها علشان تكمل تمن الجرعه

و غيره و غيره من مناظر الذل علشان جرامات من المسحوق اللعين ده

و لك ان تتخيل كل حاجه مباحه في الوقت ده

أصل خلاص كله بيلعب بورق مكشوف قدام بعضه

بنات بتتذلل للشباب أو للمعلم الكبير و توعده إنها المره الجايه ها تكمل ليه باقي الفلوس

و شباب بيحور على البنات و لا حتى على المعلم و إللي بيسيب موبايله علشان ياخد بيه بودره و إللي بيقلع السلسله إللي لابسها

و حاجات كتير شفتها

رجعت للعربيه و كان فيه لسه عربيات تانيه بتركن

أخدت أول
U turn

و رجعت البيت و قلت يا ريتني ما نزلت

السؤال هنا هل الحكومه عندها علم بــ إللي بيحصل ده و إزاي دخلت كميه السلاح دي و كميه السم الهاري ده ؟؟

و ده عند تاجر واحد بس أمال التجار الكبار ها يكون عندهم إيه ؟؟

لا حول و لا قوه إلا بالله العلى العظيم

و الله على ما أقول شهي

اقتباس :

د

زائر

لا حول ولا قوة الا بالله
العلي العظيم
وفعلا أنا سمعت بالحوار ده
وفعلا ده موجود
وحسبي الله ونعم الوكيل
في اللي سمح بده كلو أنو يحصل

وموضوع أكتر من رائع يا سيمبا

وبيييييييييييييييس علييييييييييييييييييك

ميه ميه الموضوع يا سيمبا بجد الموضوع حلو
هههههههههههههههههههههههههههههههههههههههه

صح والله ممكن يكون بيحصل كده عادى والحكومه عارفه عااااااااااااااااااااااااااااااااااااااااااااااااااااااااااااادى برضوه ربنا كبير وبيس عليكم

عندك حق يا لولا
ممكن جداااااااااااا تكون الحكومه عارفه الكلام ده وساكته ويكون ف ناس كمان م الحمكومه
هى اللى بتسهل الموضوع وبتدخل السم الهارى ده
وربنا ع كل ظاالم ويحمى شباب المسلمين يا رب

مليون فى المية الحكومة عارفة بالقصص دى
بس ماتقدرش على الناس دى اللى شغالة فى الحوار ده بقالها سنين وسنين.
العرب دول جدود جدودهم كده وعيال عيالهم بيطلعو يورثو الشغلانة
فالحكومة هاتواجه جيش
جيش فى منتهى القوة،،،متجهز كويس جدا بأحدث سلاح...مش ناس متخلفة زى ماحنا فاهمين...ناس عارفة كويس هما بيعملو ايه...ومتدربين أحسن من العساكر بتاعة الحكومة...عارفين يضربو ازاى ويهربو ازاى ومدعمين من الخارج.
يعنى معركة خسرانة بالنسبة للحكومة.
ولما يقتلو منهم واحد هايطلع بدالو عشرة.
بيييييييييييييس عليك يا سيمبا.
دايما متميز.

موضوع جامد بجد يا سيمبا كالعاده فعلا الحكومه بتبقى عارفه الحوارات دى بس مبيقدروش عليهم اصل مش سهل خالص انهم يهجموا على بتوع الصحراوى والجبال دول معاهم اسحله وعاهم ناس بالهبل او ممكن تقول ان الحكومه مبسوطه بشبابها كده يا رب متمسكش

و الله يا جماعه كلامكم زي الفل بس انا عايز اعرف بعد كام يوم ان شاء الله كده هندخل حرب مع اسرائيل اكيد انتو حاسين بكده معايا فمين اللي هيدافع عن مصر. الشباب الجبان اللي مش عارف ياخد ابسط حقوقه و لا الشباب اللي جالس في المسجد و مديها صلاه طول اليوم و فاكر ان الدين صلاه وبس ولا الشباب اللي ماشي يطوح من الارف اللي بيستعطاه ولا احنا اللي بقينا قله جدا"وده بناء على الموضوع اللي فوق و ردودكم"و حتى يوم ما بنشوف عسكري ماشي و شايل سلاح بنموت في جلدنا من الرعب و لا الجيش اللي بقى نصين .نص امن مركزي يدافع عن الحكومه من الشعب و النص التاني بقى حرس خصوصي للباشا الكبير ليحرس الريس من الشعب برضه يعني من الاخر الجيش بيحارب الشعب بدل ما بيحارب عشان الشعب يعني كل الكلام ده مش مكفي الحكومه و كمان سايبين الهباب ده يدخل البلد و سايبينه و انا متاكد مليون الميه انه في ناس من الكبار هيكون متورط في الموضوع ده ...انا عاجبني جدا فلم "انا مش معاهم"من ضمن الكلام الكتير اللي اتقال على لسان احمد عيد"خليكم زي مانو قاعدين هم عايزينكم كده مساطيل" فعلا الحكومه عايزه الشعب مسطول عشان يسهل التحكم فيه لان الشاب اللي بيشرب و بيشم ده بيكون همه الاول و الاخير"أديني الحقنه بسرعه أرجوك محتاجه الجرعه"المسطول عمره ما هيفكر مين ربه و لا صلى ايه او مصلاش ايه ...فمن هنا جتلي الفكره اني انزل صوره جامده تثبت في اذهان الناس كلها اول ما تشوف السيجاره يفتكر صوره البنت فيخاف ...و في النهايه عايز اشوف آراكم و ردود افعالكم على الكلام ده ..هل انا صح ولا غلط

انت صح يا سمبا فى كلمه بس الموضوع اكبر مننا كلنا البلد ديه عشان تبقى كويسه زى اى دوله محترمه فى العالم لازم الكل يبقى كويس ويعمل فى مصلحتها من اول الراس الكبيره لغايه اصغر واحد بتولد كل يوم بس ده مبيحصلش كل يوم فى كدب وفى خداع ونصب وسرقه وتهريب بس ديه مشكله مين مشكله الشباب لا والله احنا مجرد ضحيه لكل الحوارات ديه المشكله فى الناس اللى مسؤله عننا مش اهلنا لا الحكومه طالما هى فاسده وبتسمح بدخول الحاجات ديه مصر يبقى اكيد احنا هنخسر الحرب ابل ما تبدا ان كونا اساسا من ضمن الناس القويه اللى نستاهل يتعمل حرب ضدنا بيس عليك على الموضوع الجميل ده

كلام معقول جدا بس انا عايز اعرف هو المفروض مين اللي بيمشي مين الحكومه و للا الشعب ...في اي بلد محتر الشعب هو اللي بييمشي الحكومه عندك مثلا لبنان الشعب عارف ياخد حقه صح عشان كده اسرائيل مش عايزه تسيبها في حالها ولما معرفتش تعمل زي امريكا ما عملت في العراق و تدخل لبنان راحت ناشره الفتن بين الشعب نفسه و صار الشعب بيضرب نفسه بنفسه و اسرائيل واقفه تتفرج هنا باه في مصر عاملين حركه حلوه لما لقوا ان الفتن مش ماشيه هنا و اقربها اللي حصل بين المسلمين و المسيحيين راحو ساعدو الناس اللي ضميرها ميت و دخلوا الهباب ده في البلد رحنا احنا باه الشباب مساعدينهم بشرانا للحشيش و البودره لا مش بس كده راحو منزلين انواع جديده من المعسل اللي بيرفع الكيف و يظبط الدماغ و احنا فرحانين بكده و بنجيب ..يا جماعه احنا البدايه و احنا الاساس يعني لو كل واحد فينا عارف واحد بيحشش او بشرب سجاير اول حاجه ننصحه بالكلام ده و نساعده مره و اتنين و عشره لو ما استجابش نقطع علاقتنا بيه لان احنا لو قاطعنا كل واحد بتتعاطى اي ممنوع الناس دي هتحس انها منبوذه و وحيده فهتبدأ تحس انها غلط و ترجع تاني للصح...على اقل تقدير هيشربوا في السر و هيعملو كل حاجه في السر فهيقل الموضوع لغايه ما ينتهي......ربنا يهدي شباب المسلمين و حكامهم

أنا موافقة على كلامك يا سيمبا ومع جيم فى ان البلد فاسدة طبعا.
وكنت عايزة أضيف حاجة بعد اذنكم.
هو الإنسان اللى بيشرب الحاجات الوحشة دى...لما بيبص على نفسه بقى وهو مسطول ومتبهدل ومش قادر يسيطر على نفسه ولا فى كلام ولا فى تصرفات ولا فى اى شئ...مش بيزعل على شكله؟؟؟
بمعنى لو هو ناسى ربنا خالص...طيب نفسي أنا...إزاى أحقرها وأنزلها للمستوى ده؟؟؟
ازاى يقبل الذل على نفسه كده؟؟؟؟؟
ده شخص مش حاسس حتى بنعمة نفسه وقابل انه يحقرها ويذلها
يبقى نسيب الحكومة تتنطط زى ماهيا عايزة انشالله تجيب المخدرات ديلفرى لحد البيت.
المشكلة فى الناس اللى قابلة على منظرها انه يبقى كده ادام نفسها وانها تغضب ربنا.

الموضوع جامد و لازمله وقفة

بس الكلام ده مش فى الحتت دى بس

امال لو روحتو و شوفتو اللى بيحصل فى حفلات الميتل او الجوثيك او دعاة الحياتية اللى يورى فخور انه واحد منهم

مفيش حد من العيال دول اللى لابسين اسود فى اسود مش مدمن و معظمهم مدمنين نيلة
و الحفلات دى فى حتت كتير فى اسكندرية و الساحل و اى مكان فيه صحرا
و المخدرات بتتوزع على ودنه

بجد شباب مصر بيضيعو و المهم انهم يعتبرو من صفوة المجتمع يعنى واجهات مصر

الواحد مش عارف يقول ايه و لا ايه
نسيبها و نخلع و لا نقعد نتفرج عليها و هى بتخرب

milano كتب:: نسيبها و نخلع و لا نقعد نتفرج عليها و هى بتخرب

لأ... نحشي
بلاش نخلع

milano كتب:: بجد شباب مصر بيضيعو و المهم انهم يعتبرو من صفوة المجتمع يعنى واجهات مصر

هم مين دول اللي صفوه المجتمع و بعدين مين اللي يحدد صفوة المجتمع

ميلانو يقصد النظرة الإجتماعية للناس.
يعنى بيكونو جامعة امريكية وولاد ناس جامده اوى فى البلد.
فدول بيبقو واجهة اجتماعية يعنى ويتقال عليهم صفوة المجتمع.
بييييييييييييس عليكم

يا عم الحوار ده موجود من زمان دول بيسرقوا اهاليهم عشان يكملو ثمن الجرعة...وبالنسبة للحكومة فهى اكيد عارفة

بس الناس اللى بتبيع دى مش سهلة والقبض عليهم صعب جدا لانهم عمرهم ما بيسيبو اثار وراهم تدل عليهم

زائر

بصراحه الكلام ده ملوش لازمه
لان الوكسه اللى مسكانا هى اللى عايزنا كده
واللى بيأكلوها عيش عايزنا كده
واحنا بقينا مننفعش غيركده
احنا شعب حلال فيه اللى بيحصلوا
ربنا لما بيلاقى شعب افترى بينزل اللعنه عليه

انا اسفه فعلا انى محسوبه على البلد دى
ولسه ياما حنشوف

والله عندك حق يا منمن
هههههههههههههههههههههههههههه

المخدرات منتشرة جدا فى البلد ومعظم الكافيهات اللى على البحر من اول المندرة لحد بحرى او اكتوبر او اوكسجين او بيانكى او سلسبيبل كلها مخدرات عادى عادى جدا كمان
والمفروض ان الشباب هم اللى يعترضوا على ده لان هو ده اللى هيدمرهم وبالتالى هيدمرنا

نعيب الزمان و العيب فينا وما لزماننا عيب سوانا
ونهجو ذا الزمان ولو نطق الزمان لهجانا

CEO & CHAIRMAN

مابلاش انت يا علاء
بيس عليك

CEO & CHAIRMAN

و ميت مرة قلتلك
فرق بين
Gothic
و
Satanic
الجوثك شرحت ابل كده و شرحت لسيادتك اننا بنشوف الجمال في القبح و بندعوا للتفاؤل و حب الطبيعة
و الفرق بين الجوثك و الساتانك
ان الجوثك شعور وجداني و تفاؤل فكري
انما الساتانك دي ديانة
يعني عبدة الشيبطان و دعاة الجحيم و السفليين
الجوثك ممكن يكون مسلم او مسيحي او يهودي او ساتانك
لان الاربعة دول هما اللي بيؤمنوا بوجود الله
و الجوثك اساسه ايمان بالله
بعيدت عت الباقي
لكن الجوثك ساتانك ده بيبب5قي بيؤمن بالله لكن بيؤمن بانه لازم نظيع الشيطان لانه الصح
استغفر الله
و اما بيبقي جوثك
بيطلع تركيبه جديدة
اسمها جوثك ساتانك
و دي الجوثك الطبيعيين بنرفضها
لانه مضادة لكاففة افكار الجوثك السلمية
و الحمد لله انا مؤمن بالله و موحد بيه و مفيش مخدرات ولا كلام من ده
و كل اللي اعرفهم زيي كده
بلاش افتكاسات يا علاء
اللي انت شفتهم دول استحالة يكونوا جوثك
لانك ممكن متعرفش انن اللي قدامك جوثك
احنا بنحب الاسود بس مش بنلبسه علي طول
انما اللي انت شفتهم دول سفليين و ساتانك
و هديك مثال علي الساتانك بالصورة و عن افكارهم و معتقداتهم الشريرة
الموضوع اللي قلتلكم عليه Sabbat-l

ممكن متفهمش معني الصورة
لكن صدقني معناها قبيح جدا
و الموضوع بصفة عامة
و متالفش كلام عالجوثك
انا شخصيا مفهمتش عن الجوثك
الا من واحد جوثك
انما ملقيتش موقع عالنت واحد يفهمني صح
لقيت موقع بيتكلم عن الجوثك يعني شوية صح
ده اقرب موقع عالنت لمس الحقائق بتاعتنا
http://www.religioustolerance.org/goth.htm
و الحمد لله انا مسلم و مش هتخلي عن ديني ابدا

بس حط فى دماغك يا يورى ان دى عقيده بردو
بلاش منها .. يعنى الاحوط .. انك تبعد عنها
فى الاول و الاخر براحتك
جوثيك بقا تبوسه تحطه على حاجه ترجعلك

CEO & CHAIRMAN

لو فتحت اللين كده هتفهم ان جوثيك ابعد ما يكون عن العقائد
دي مجرد فكره
عشان الناس اللي عندهم اكتئاب
اقرا اللي في اللينك كويس عشان انا اتشليت

سبتو الموضوع و اتكلمتو في حاجه تانيه ...وانا مش عاجبكم باه ولا ايه ؟؟كيس جوافه انا مثلا ولا ايه<br>