ابن عروس

موضوع: ابن عروس الخميس يونيو 19, 2008 11:17 am

كتير منا ما يعرفش الشاعر ابن عروس
او يسمع عنه بس مش عارف مع ان اسمه اتذكر كتير زى مثلا فى فيلم سيد
العاطفى لتامر حسنى و فى مسلسل الليل واخره
اكيد فيه ناس كتير افتكرت ان دى تريقة لكن فعلا هو من اشهر شعراء العامية
والنهاردة هعرفكم عليه
ابن عروس شاعر بين الحقيقة والخيال, لم يعرف أحد حتى
الآن هل هو من نسج خيال الناس أم إنه شخص كان متواجد بمصر في خلال تلك
الحقبة الزمنية ولكن أغلب الباحثين يرون أنه حقيقة والدليل عليه مربعاته
التي اشتهر بها بعد وفاته وخصوصا في العصر الحديث.
هو شاعر ذاع صيته بعد وفاته بقرون غير أن العديد من المفكرين يقولون ان
ابن عروس هو شخصية وهمية ولكن البعض يؤكد أن شعره والذي يتمتع بقالب معين
يسمى مربعات او بالتحديد تسمى مربعات بن عروس نسبة إليه.

غير أن تعريفا بابن عروس هو الشاعر الذي عاش في العصر العثماني وكتب بالعامية ما وصل إلينا ونتداوله كحكم و أقوال مأثورة
والكثير من الشعراء العاميين يآتون ببعض من مربعاته لإظهار الحكمة والبلاغة.

كما أن بعض الأغاني الجديدة التي أخذت في الانتشار بشكل هائل تتخذ من
كلماته مبدأ للكلمات ومذهب يرددونه وقد نجد الكثير يتخذون من مقاطعه
العديد مثل المربع القائل.
والان مع باقة من اروع ما كتب ابن عروس والتى تسمى بمربعات ابن عروس

ولابد من يـوم معلـوم
ترتــد فيـه المظـالم
ابيض على كل مظلـوم
واسـود على كل ظـالم

مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده

إوعى تقول للنـدل يا عـم
وان كان على السرج راكب
ولا حد خالى من الهم
حتى قلوع المـراكب

كيد النسا يشبـه الكى
من مكرهم عدت هارب
يتحزمـو بالحنـش حى
ويتعصبـو بالـعقـارب

الليـل مـا هـو قصير
إلا على اللى يـنامـه
والشخـص مادام فقير
ما حد يسمـع كلامه

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي

سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه

شوف الزمان انتهت عَدَليه
وادي البُاطْل ع الحق راكِب
جه السبع يُطلُب عدليه
لَقَي الهِلف ع التخت راكب

يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة

جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية

كلام الغَرَابا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي

غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*

اللي حبنا حبناه
وصار متاعنا متاعه
واللي كرهنا كرهناه
ويحرم علينا اجتماعه

يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

اتمنى الموضوع يعجبكم

موضوع: رد: ابن عروس الخميس يونيو 19, 2008 4:07 pm

موضوعك جميل اوي وانا بحب الشعر العامي جدا لاني بحس انه مش متكلف كده و فيه حكم كتير شكرا ليك يا باشا

موضوع: رد: ابن عروس الخميس يونيو 19, 2008 5:00 pm

ميسرسي يا سيمبا وانا كمان بحب الشعر العامي جدااااااااااااا

موضوع: رد: ابن عروس السبت يونيو 21, 2008 2:19 pm

cooooooooooooooooooooool man