ليس من يتكلم عن الحب ... كمن يتألم من الحب, وليس من يقرأ رسائل الحب ... كمن يكتبها بدم القلب

ليس من يتكلم عن الحب ... كمن يتألم من الحب.
وليس من يقرأ رسائل الحب ... كمن يكتبها بدم القلب.

وليس من يسأل ؟ ويتسأل؟ ويجهل ؟ او يتجاهل ؟ كل شىء عن الحب.. كمن رضع الحب مع حليب الأم ، ويتنفس الحب منذ ولدته امه ، ويعيش بالحب و للحب كل عمره ، ويموت لو توقف الحب .. او توقف هو عن الحب لحظة واحدة.

وليس من يعيش حياته خالية .. خاوية من الحب ، فلا يميز بينه وبين الخبز ؟ كمن ولد فى رحم الحب .وكان الحب على الدوام هو خبزه اليومى ، ونوره الليلى ، وحلمه الازلى ، وامله المستقبلى.

وليس الميت هو من فقد الحياة ، ودفن تحت التراب ؟؟ بل من فقد الحب .. فعاش جسدا بلا روح .. ودفن فى الحياة بجانب جسد اخر بارد .. مجمد .. ومحنط .
يفتقد الدفء و الحنان .. فيدرك ولكن بعد فوات الاوان . ان الحياة بدون حب ليست سوى جسد بدون روح .. وانه ميت فى الحياة وحى بين الاموات ..

ان الحب هو روح المحب ، وهو جنين فى الرحم ، وطفل فى المهد ، وشاب فى ربيع العمر وشيخ فى خريفه ، وسعاده وابتسامه فى لقاء ، وتعاسة ودمعة على فراق ، وجرح غائر فى الصدر ، ونزف دائم فى القلب ، من طعنة خيانه وغدر .

والروح لا تموت مع الجسد .. ولا تدفن فى قبر .. بل تعود الى عالم الخلود .. فالحب حبيبى هو رمز الوجود .. وعنوان الخلود وحبى لك باق ابد الدهر ، وما بقى الوجود والخلود .

فلا تظلم قلبى وقلبك بالشكوك .. او بمقارنة حبى وحبك ، والا كنت حبيبى ، كمن يقارن الحياة بالموت والفناء بالخلود ..

شكرا علاء على الموضوع دا

واعتقد ان احنا من اول ما بنوعى على الدنيا بنبدأ نحلم بالحب
لكن لما بيحصل فراق

بنكره الحب
زبنكره ان احنا نحاول ان احنا نحب تاني

تقدر تقول ان الايام بتعدي زي بعضها
من غير طعم

بس ممكن الواحد يحاول يقاوم ويعيش حياته
علشان على الاقل ميحسسش اللي حواليه

بس انا اوافقك في الكام اللي انت بتقوله

الحب زي الميه والهوا

واللي بيبعد او بيعيش من غير حب او بعد حب
بيبقى زي ميكون عايش بأنابيب الاكسجين

موضوعك تحفة يا ميلانو
بس كنت عايزة أسأل سؤال معلش.
دلوقتى لو حبيبتك او خطيبتك سابتك.
أيا كان السبب.
هاتكرهها؟؟؟
او حبك ليها هايقل؟؟؟

لو سمحتيلي يا مشمشه
ممكن اجاوب

طبعا انتي حتقولي اتفضل لانك شخصيه محترمه
فانا حجاوب

السؤال دا اجابته تتوقف على السبب
والمعنى واضح
يعني لو حصل شئ صعب جدا جدا جدا ان هيا تقاوم الشئ دا اللي حصل وحصل فراق وهيا مش عايزه تبعد يبقى حتفضل في قلبي للنهايه

لوكن لو باعتني بردو حتفضل في قلبي لكن بجد مش عارف احدد الحب بيفضل وللا بيقل
بس اللي انا متأكد منه انه لا يمكن انه يرجع تاني

يعني ساعات ممكن تفتكري الحاجات الحلوه اللي كانت بينكو فتكتري الحب دا وتتندمي عليه

وبعد كدا تفتكري انه باعك فتلاقي نفسك جالك احساس انك (بتكرهيه)ومش عايزه تفتكريه

وبس

طبعا جاوب يا ميدو براحتك.
انا سألت السؤال ده عشان مرة كنت باسمع دكتور نفسى بيسأله.
بيقول لواحدة انتى بتحبى جوزك جدا جدا جدا
طيب لو عرفتى انه بكرة هايتجوز عليكى.
هاتفضلى تحبيه زى الأول ولا هايقل الحب ده؟
بمنتهى الأمانة والله بجد انا حطيت نفسى فى الموقف ده.
ولقيت انى حبى مش هايقل مللى واحد عن الأول.
ده مش كلام نظرى...اكيد هاخد موقف أيا كان الموقف.
بس هايفضل زى ماهو فى قلبى.

فهو كان بيقول
لو حبك ليه قل.
يبقى انتى ماكنتيش بتحبيه بجد.
!!!!!!!!!!!!!!!!!!!!
فهمتونى كده اقصد ايه؟

في مثل بيقول اللي يحب ما يكرهش
دة مش كلام فعلا و الله كل اللي بيخصل بعد الفراق انك بتتدايئ شوية منه و من الدنيا و من الناس
لكن بعد كدة عمرك مابتكرهه حتى لو انت عايز مش حتقدر
لكن عادي بتقدر تحب تاني لكن مش بتكره الحب الاول
شوووووووووووووووووكرااااااااااااااااااااااااان

لو انتى بتحبى حد بجد بجد

و هو سابك و ارتبط بحد تانى

انت حتكرهه جدا و حتتمناله كل حاجة وحشة

و الكره ده بينبع من شدة حبك ليه و تمسكك بيه

علشان الحب بيولد الانانية و حب تملك الحبيب اللى الواحد ميقدرش يتخيله ملك لحد تانى غيره

اسمحلى يا علاء انا باختلف معاك فى النقطة دى
الحب لا يعنى الأنانية والإمتلاك.
الحب انك تفرح لسعادة حبيبك فى اختياره وانت راضى حتى لو كان ده بيؤلمك.
ممكن انا اكون ملكه.
لكن هو عمره مايبقى ملكى وإلا هايتخنق.

و دة هو اللي انا قصدته بالظبط يا مشمش
بس انتي لخصتي
thanks

لا انا باه بتفق مع ميلانو في حته ان الحب ممكن يتغير يعني مثلا لو كنت بتحبي واحد و في النهايه طلع انه بيمثل عليكي دور الحب هتفضلي تحبيه؟؟ماظنش.و خاصه لو كان فاكر نفسه دنشواي عصره و بيلعب على كل واحده شويه و بعد ما يحبو بعض شويه ينقل على غيرها و على فكره الناس دي بشوفها كتيير في الكليه عندنا.او واحد تاني بعد ما حبتيه و كل حاجه و في الاخر اكتشفتي انه كان متجوز و مكانش قايلك هتفضلي تحبيه زي الاول؟؟برضه ماظنش..في حالات فعلا بيفضل الحب زي ماهو مابنقصش في قلب الحبيبين وده في حاله ان فراقهم ده كان بسبب ظروف قهريه او لسبب ما مالهوش علاقه بالاتنين لكن بيكون نتيجه للظروف الخارجيه

زائر

انا اعرف ان مفيش حاجة اسمها مستحيل
والله اعلم ممكن يحصل اللى انت متظنش انة حيحصل
بس انا رايي بيبقي دة ضعف
ودى طبعا مش حاجة حلوة ابداااااااااااااااااااااااااااااا

ممكن اسال فى سؤال؟............. شكرا

يا هل لو شفت حبيبتك واقفة مع حد غيرك بس الحد ده صاحبك هتغير و ممكن تسيبها؟

زائر

اكيد حغير بس مش توصل لانى اسيبها
والا لو كانت واقفه معاه واقفة مش كويسة
او اكتشفت انها مثلا بتحبة عليا
تبقي انسانة مش كويسة ومتستحقش حبي
دة رايي لو كنت ولد

اجابة زى الفل............ بييييييييييييييييييييييييييييس

بس يا كيمو لو انا ولد وانا وهى بنحب بعض هعتبها الاول وافهم هى ليه عملت كده لانى ممكن اكون ظلمها ولو كررت الحكايه دى تبقى متستحقش انى احبها بس اكيد مش هنساها

زائر

انا كنت عايزة ارد على مشمش بس ردى جه متاخر
انا لو جوزى اتجوز عليه اكيد مش حأمنله واكيد مش ححبه زى الاول
لانه عشان يتجوز عليا يبقي محبنيش زى ما نا كنت فاهماه انه بيحبنى
بس انا معاكى ان الحب عمرة ما يولد انانيه ولا حب تملك
اللى يحب حد بجد يبقي عايز يشوفه مبسوط وخلاص
مش يطلب منه يعمل حاجة تخليه هو سعيد

تصدقي اه
هههههههههههههههههههههههههههه

يا سلام على العقل...ربنا يحميكي يا بنتي لشبابك

هههههههههههههههههههههههههههههههه
هيه عاقله اه
لكن شابه لا دي عجوزه
هههههههههههههههههههههههههههه