نسيان الحبيب (( الحب اسوأ انواع الاعدام ))

الموضوع ده اناكاتبه علشان كل واحد مش قادر ينسه حبه القديم

يحاول على الاقل نسيان الماضى

عفـــواً..

ليــس بالضرورة أن ننساهم ..

ما دمنا لا نملك قدرة نسيــانهم..

لكننا بالتأكيد نملك قدرة المحـــاولة على نسيانهم..

إذاً.. "فالنحـــــاول"..

°•.♥.•° °•.♥.•°°•.♥.•° °•.♥.•°

التنـــاسي..

تمثيلية غبية نمارسها على الآخريــن..

كي نثبت لهم أننا الأقــوى والأقدر على النسيــان..

إنها تجربة بطيئة ومملة من أجــل اختراع النسيان..

لكنها في معظم الأحيان.. تنجـــح!

°•.♥.•° °•.♥.•°°•.♥.•° °•.♥.•°

لا بأس..

لنتألم قليلاً عند الفـــراق..

أو حتى كثيــراً..

ولنصرخ بصوت مرتفــع..

لكــن.. لماذا لا نعتبر هذه الصرخة.. صرخة الميـــلاد..

و"نحاول"استقــبال الحياة من جديد؟!

°•.♥.•° °•.♥.•°°•.♥.•° °•.♥.•°

حين تغيــب شمس أحلامــكم..

لا تنتظروا شروق شمس جديـــدة..

فقد تتأخر عليكم كثــيراً..

و"حــــاولوا" أنتم أن تبحثوا عنها خلف غيــوم الأيام..

كي لا تضيع سنواتـــكم في ظلمة الانــتظــار!

°•.♥.•° °•.♥.•°°•.♥.•° °•.♥.•°

لسببٍ مــا..

خسرنـــاهم.. ورحلوا..

فأظلمت الدنيا في أعين قلوبنــا..

وضاق الوجود بنــا..

ونعلم جيداً أنهم لــن يعودوا يوماً..

إذاً.. "فلنحــــاول" أن نضيء النور مرة أخرى!

°•.♥.•° °•.♥.•°°•.♥.•° °•.♥.•°

وهذا الطريق يذكرنــا بهم..

فهل نهجر الطريق الذي شهد يوماً فرحة لقاءنا بهم؟

أم نزرع في الطريق وردة حمـــراء..

ونقول له بامتنان شكراً أيها الطريــق؟

°•.♥.•° °•.♥.•°°•.♥.•° °•.♥.•°

تـــرى..

هل "حـــاول" أحدكم وهو عائد إلى نفسه..

بعد أن شيّع جثمان حلم من أحلامه الجميــلة..

أن يمسح دمـــوع قلبه..

ويقبل رأســه في المرآة..

ويقدم لنفسه وردة حمـــراء..

ويردد بينه وبين نفسه:

"اللهم أجرنــي في مصيبتـــي واخلفني خيراً منها"؟

°•.♥.•° °•.♥.•°°•.♥.•° °•.♥.•°

إذا كسرتك الأيام يوماً..

"فحــــاول" أن ترمم نفسك بنفسك..

ولا تمنع نفسك من البكاء..

عند إحساسك برغبة البكاء..

فقدرتك على البكاء "نعمة"..

يحسدك عليها أولئك الذين تبكيـــهم.. ولا يشعرون!

°•.♥.•° °•.♥.•°°•.♥.•° °•.♥.•°

عند الألـــم..

نطرق كل أبواب النسيــان..

فالبعض.. يبــكي كي ينسى..

والبعض.. يضحـــك كي ينسى..

والبعض.. ينـــام كي ينسى..

والبعض.. يتحـــدث بصوت مرتفع كي ينسى..

والبعض.. يصمــت كي ينسى..

والبعض.. يخــــون كي ينسى..

وهو أسوأ أنواع المحاولات.. لأنه بداية الألم وليس نهايته .!!!!

°•.♥.•° °•.♥.•°°•.♥.•° °•.♥.•°

تذكروهم بدفء وحميمة..

ولا تحصوا وجوههم كما يحصي البخيل دنانيره ودراهمه..

كي لا تصابوا بالإحباط عند اكتشاف إفلاس قلوبكم من تلك الوجوه..

و"حـــاولوا" أن ترسموا وجوههم في دفاتركم كالحكايات الجميلة..

واسردوها على قلوبكم قبل النوم..

°•.♥.•° °•.♥.•°°•.♥.•° °•.♥.•°

إذا كان ماضـــيك أسوداً أو مؤلماً..

"فحـــاول" أن تحذفه من تاريخك نهائياً..

وتنكر له قدر استطــاعتك..

وعش بلا ماضِ..

ولا تصدق أن الذي ليس له ماضي..

ليس له حاضر أو مستقبل أبداً..

فالحاضر والمستقبل يكونان أجمل وأفضل..

لو أنك تخلصت وأعلنت براءتك من ماضٍ..سيء..

°•.♥.•° °•.♥.•°°•.♥.•° °•.♥.•°

لا تتحسس رأسك..

حين يُذكر الحـــزن أمامك..

وتظن أنك وحدك المقصود بالحديـــث..

فغيرك كثيــــر..

ولو لمحت مساحة الحزن والألم في داخلهم..

لأيقنت أنك أفضلهم..

وأتفههم ألماً..

°•.♥.•° °•.♥.•°°•.♥.•° °•.♥.•°

اخلعوا الأقنعة جمــيعها..

فلم نعد في حاجة إلى قناع يستر أحزاننا وجروحــنا..

ولنواجه العالم بوجهنــا الحقيقي..

فقمة القـــوة..

أن تواجه الأشياء بوجهك الحقيقي
فلتحاول يا أخي ويا أختي فلابد أن تستطيع فالحياة والحب لا تعرف المستحيل فخطأ كبير لمن يقول بأن

( الحب إعدااااااام)

كلام

النسيان في الحب مستحيل

و الله انا ساعات بقول كدة و ساعات بقول العكس

لو حب حقيقي يا علاء مستحيل يتنسي
لول كان لعب عيال حيتنسي مع اقرب مقلب زباله

بجد موضوع فوق الرائع انا الكى بورد اتغرق دموع والله انا بتكلم بجد مش هزار
well done milano

ميلانو
كنت عايز تسيبنا؟
ومين ينكد علينا؟

اسو

ايه جه هى دى لعبه اكتب فى النقط للشاعر ذا جيم ولا ايه
بس الموضوع تتتتتتتتتتتتحفه بجد يا عيييييييييييييييييييييييلاء
وانت كنت عايز تمشى
امال مين يكتب المواضيع الفظيييييييييعه دى

انا عارفة ياختى؟
ده حتى الواحد بقاله مده ماعيطش ولا اكتئب.
بس كتر خيره علاء.
مش حارمنا من حاجة.

هههههههههههههه اخص عليكم يا جماعه دا حتى علاء مسلى خالص(مجامله عادى) والله انت ميه ميه بجد والله بس انا مش هقول غير حاجتين اولا انت تحسبوه خيرا فهو شر لكم ثانيا انا معرفشى ان كان يتنسى ولا لا هو اكيد مش هننسا اننا حبينا قبل كدا بس اكيد هننسا الحبيب ده مع الوقت باى طريقه بحبيب تانى باى حاجه والا مكنش ربنا حط فينا الخاصيه دى

بص يا عم علاء اولا انا بحييك على كمية الكآبه اللي انت غرقتنا فيها دي بس بجد الكلام مؤثر ...ثانيا و ده المهم انا عايز اسالك في سؤال و هو كالتالي"ايه اكبر حب في حياة اي شخص ؟؟"اظن انك هتقولي هي الام عشان اقولك صح و بعديها اقولك الشخص لما بتموت امه"بعد عمر طويل لامهاتنا كلها"مع مشاغل الحياه بينساها بس بيرجع يفتكرها مع اي حاجه بتفكره"أغنيه ست الحبايب مثلا"لكن بعد كده بوقت قصير جدا لازم ينساها تاني....طيب مش مقتنع بكلامي و هتقولي لا دي غير دي. دي ام و دي حبيبه ..؟؟ طيب فكر انت ربنا سماك ايه؟؟مش سماك انسان فكر انسان كده دي جايه منين؟؟ هتلاقيها جايه من النسيان و النسيان ده نعمه ربنا رحم بيها عبيده وإلا كل واحد فضل مفتكر كل موقف حصله و كل واحد قابله في حياته و كل واحد عمله حاجه حلوه و كل و كل.... مش هيعرف يعيش و بالاضافه لكده هيفضل مكتأب زي القصيده اللي انت كاتبها كده وو رغم كده هيرجع لانصله و هينسى الفرح يعني النسيان موجود موجود يعني امر طبيعي جدا و مش نستحيل زي ما الناس بتقول.........عموما كلامك حلو و مؤثر و موضوع جامد و بيس عليك "

والله هو ده اللى كنت بقوله يا سمبا انت وصلته صح والله انت ميه ميه وبيس عليكم

ايه ده يا عم علاء انا هقرا كل ده امتى ابقي اكتب حتة حتة انا بس عايز اسال سؤال واحد

هي ليه البت المنحرفة بقي خلقها ضيق؟

يا عم زاكر مناهج هندسه الاسكندريه وانت هتنسى صدقنى والله

حتى المذاكرة يا جيم بتفكرك بيها

لانها كانت الانسانة الوحيدة اللى بتحسك على المذاكرة
و صدقنى يا سيمبا لو حسيت مع انسانة الحب الحقيقى
اللى هو يعتبر قمة فى الطهارة و قمة فى الاخلاص عند الفراق مش حتعرف تمسح دمعة من نهر الدموع اللى استحالة يجف مهما طال بيك الزمن
الحب الحقيقى لا يمحوه الا الموت

انا متفقة مع ميلانو 100%
بس أعتقد ان سيمبا كان يقصد انك مش هاتفكر فيها 24 ساعة وهاتتشغل بحاجات تانية.
عمليا ده هايحصل مع الوقت طبعا.
لكن كل حاجة هاتلف تلف وترجعلها.
وعلى رأى عمك عمرو دياب:
" كل ماقول انا مش هاتكلم عنها خلاص
واعمل نفسى ال باتكلم ويا الناس
وآخد بالى عشان ماغلطش بأى كلام
برضه كلامى يلف ويرجع ليها أوام"
القصة هاتنطبق على التفكير بقى مش الكلام
ميرسى ميرسى

milano كتب:: حتى المذاكرة يا جيم بتفكرك بيها

لانها كانت الانسانة الوحيدة اللى بتحسك على المذاكرة

الحب الحقيقى لا يمحوه الا الموت

والله عندك حق لو انسانه بتخاف عليك وعلى مصلحتك يبقى صعب تتنسى بس ايه اللى يخلى اتنان بيحب بعض جدا يتفرقوا الا لو حاجه كانت اقوى من حبهم وابوس ايدك متقوليش انا مفيش حاجه اكبر ولا اقوى من الحب بيس عليك

مواضيعك كلها جامدة موووووووووت يا ميلانو والموضوع دا فوق الفظيع وتحت المريب وكل حاجة فى الدنيا بيييييييس واوعى تمشى