يا ترى حيبقى ايه موقفك يا فالح

مساء الفل ع احلى شباب
واللى حيقره الصبح مليش دعوه انا بقى
المهم
الموضوع ده
بمعنى ادق السؤال ده
مكدبش عليكم انا شفته ف احد المنتديات
وعجبنى
والحقيقه هو سؤال ملح
وملح عليا انا شخصيا
هو انا عايزه اعرف بس منكم يا شباب
لو انت بتحب بنت وديما معاها ف الكليه
وفجاه قالتلك ترضى ان اختك واحد يشمى معاها
ويقفف معاها وقفتك المنيله دى
يا منيل ع عينيك
لا مش انت يا عم هو
واللى ع راسه بطحه بقى
المهم حيكون ردك ايه
حتنفض
ولا حتبطل تمشى معاها تانى وتحترم نفسك
حتخاف م ربنا عشان اخواتك البنات
ولا ايه حيكون رد فعلك
وبرحب باتصالاتكم وايميلاتكم وفاكساتكم

هو انا الحقيقة مرضاش على اختى انها تتحط فى موقف البنت اللى انا واقف معاها

بس اعتقد انى لو بحب البنت بجد حبقى خايف عليها جدا و ححاول ابعدها بقدر الامكان عن واقع الشبهات

و ده بالنسبة لاختى ارضاه مادام كان بعلمى......يعنى لازم اعرف كل حاجة عن الحوار علشان اعرف اوجهها صح

يحمل اسمك اه تصدق صح
حعمل موضوع تانى اسمه زبادى
بالنسبه لميلانو كلامك حلو قوووووووووووى بس حتبعدها ازاى عن الشبهات ؟؟؟؟
بالنسبه لزبادى
يعنى انت ترضاها لاختك لزبادى
يعنى مثلا هما اما يسيبوا بعض لاى ظرف م الظروف دلوقتى وهما ف الكليه لسه
وكل شويه حد يتكلم ع البنت دى ايه موقفعا طيب
الولد ولا حيفرق معاه كلام الناس
حتى لو هو حساس اوكااااااى
بس عمرك ما فى يوم بنت حتيجى ترتبط بيك وتسال عليك يقولولها ده كان بيحب فلانه
ويبقى دى حاجه بتضر بسمعتك
صح ولا لا

انا لية واحد صاحبى بيحب واحدة و لا مؤاخذة يعنى مجرسلها على الاخر

انا طبعا لما ححب واحدة بجد مش حقعد معاها كتير ادام الناس و لا حخرج معاها
وحسيبها تعيش حياتها بحرية مع صحباتها

و ممكن الكلام اللى يكون بيننا نت او تليفون و لما نشوف بعض فى الكلية
بس استحالة اجرسلها و اخلى العيال الهبل يتكلمو عنها كلام وحش

ع فكره هو كان بيايدك فى رايك
ههههههههههههههههههههههههههههه

اولا انا مش عندي اخوات بنات
بس انا مش ارضى لبنات الناس حد يتكلم عليهم نص كلمة بسببي
و كمان طالما بحبها و بتحبني ايه المانع اني ارتبط بيها فعلا و بعلم اهلها و اهلي انا كمان
و ابقى انا كدة حافظت على سمعتها ادام الناس حتى لو لاقدر الله حصل اي حاجة و سبنا بعض يبقى كان الكلام كله رسمي

موضوع حلو و مهم جدا يا انجر و خصوصا ان انتو في بداية مشواركم في الكليه ..انا عن نفسي اتسالت كتير السؤوال ده و وطبعا كان ردي اني ماحبش ان اختي تتحط في موقف اي حد يتكلم عليها فيه عشان كده انا بحاسب جدا على تصرفاتي مع زمايلي البنات يعني في كل موقف بيحصل مني بفكر قبله لو كانت دي اختي كنت هاحب انه الموقف ده يحصل معاها ولا لا و انا دايما بتعامل مع زمايلي البنات انهم اخواتي مش اكتر و لما بشوف منهم اي موقف مش بيعجبني بكلمهم كاخ لاني عندي يقين ان بنات الناس مش لعبه و مش تسليه وكما تدين تدان

برافو عليك يا سيمبا
ده المتوقع م شخصيه محترمه زيك
بصراحه فى ولاد بارضو كويسين
هما قليلن قووووووى بس موجودين
وبقول الكلام ده عن تجربه
فى ناس فعلا بحس انهم اخواتى بجد وتصرفاتهم كلها بتدل ع كده
بس فى ناس الصراحه معندهاش دم ولا ضمير
ربنا يبعدنا عنهم

والله يا مشمش كلامك كلللللللله ميه ميه
البنت هى اللى ف ايديها كل حاجه مش الولد
هى اللى بتفرض عليه وع اللى حواليها كلهم انهم يحترموها

من امتى يا مقصوفة وانتى بتنزلى مواضيع حلوة اوىىىىىىىىىىىىىى كدة
حلو اوى الموضوع
سيمبا ومشمش بصراحة قالوا اللى عايزة اقوله
بييييييييييييييييييييييييييييييييس عليكى

ده طول عمرى يا منيله ع عينيك
وبعدين امشى متكلمنيش
فينت يا جماعه الردود فين باقى البشر
عايزه ردود كتير

بصراحة انا هكمل عشان معنديش اخوات بنات

موضوع حلو اوى يا انجروالبنت هى الى تقدر متخليش حد يتكلم عنها نص كلمه
وكفايه عليكى كده انا لقيتك حتعيطى ان حد يرد عليكى فصعبتى عليا

يا سلام يا كيمو
مش شرط يكون اخواتك ممكن ولاد خالتك ولا عمتك مش دول اخواتك ده اولا
ثانيا يعنى انت حتكمل عشان انت معندكش اصلا اخوات بنات طب ما هى ممكن تردلك فى حاجه تانيه ولا ايه
ثالثا منور المنتدى
ماشى يا ساره انا كنت حعيط
ميرسي يا لولا انا مبسوطه ان الموضوع عجبك
بس انا شايفه انها مش بتبقى حلوه خالص للبنت اما تمشى مع واحد طبعا وده عشان العرف والتقاليد والدين طبعا قبل كده
وعشان سمعتها كمان
واديكى انتى االى قولتى اهو حيبقوا مع بعض ف الكليه مش حيبقوا عايزين يسيبوا بعض
وده اللى بيحصل
وبتبقى النتيجه ان الطرفين بيخسروا اصحابهم عشان بعض وبيتخيلوا مثلا ان الدنيا مفيهاش حد غيرهم
وع فكره ممكن يبقوا انانين قوى
لانهم ساعتها بيحسوا انهم مش عايزين غير بعض
ومع الوقت بيبدوا يزهقوا ويسيبوا بعض بس بعد ما يكونوا خسروا اللى حواليهم
وراىى ان ده لان اصلا الموضوع بدا غلط

و تأييدا لكلامك يا انجر انا شفت ناس كتير فضلو يحبو بعض من اعدادي لغايع ما اتخرجو و على اتفه الاسباب اتفركشت العمليه و ما كسبوش غير ان البنت الناس اتكلمت عليها و الولد كل ما يقابل حد صاحبه يقوله ايوه يا عم مظبط امورك انت .. وبعدين في حالات كتيير فيها بيتغير اسلوب التفكير عند الطرفين فبيشوفو حاجات ماكنش شايفنها قبل كده فالحاجات دي اوقات بتكون سبب في الفركشه

لو حصل كدة فعلا يبقى مش كان حب خالص
اللي اعرفه ان الحب الحقيقي بينتهي بالارتباط الا لو سبب قهري
ان مثلا اهلها اختلفوا مع اهله او اهلها او اهله مش موافقين والا يكونوا مش مقتنعين انهم بيحبوا بعض
دة كدة يبقى مش كانوا بيحبوا بعض دة كله عشان كلام الناس بس

يعنى معنى كده ان معظم قصص الحب بتاعه الجامعه حب صح
لانها معظمها مش بينتهى النهايه الطبيعيه

انا مش قلت صح انا قلت قبل كدة ان مادامت الظروف تسمح بالارتباط الجد من الاول يكون احسن والا مش يكون حب يبقى تسلية او صداقة و كل واحد عايش بوهم انه بيحب التاني و التاني بيحبه

يا سلام يا دكتور lola
قول كمان