تعالو ندردش

اولا اهلا بيك فى المنتدى يا احمد ويا رب تكون مبسوط وطالما انت عايز ردى يبقى استحمل اللك بتاعى بقى
اولا طموحى انى ارضى امى وبابا وانى ارضى نفسى بعدهم وقبل كل ده رضا ربنا وان ربنا يكرمنى بانسان كويس وكده يعنى
اما بالنسبه للقسم فبلاش نتكلم فى الماضى عشان لو فتحت حقيبه الذكريات مش هتخلص
لما اخلص نفسى اكون حاجه امى تفتخر بيها اوى وتحس انها عرفت تعمل حاجه فى حياتها وطبعا بابا برضه حتى ولو كانت الحاجه دى مش مريحانى اوى وطبعا انسى كل قرف الكليه والمدرسه وره ضهرى
اكتر حاجه عجبتنى فى الكليه لعبى مع صحابى وسلم المدبلرين والمكان بتاعنا فى شارع كهربا واكتر حاجه بالتحديد لما كنت بفلس على صحابى بين قوسين مش بستر مجالى
اما طلبه الكليه بقى فدول انواع بدعى ربنا يبعدنى عن النوع اللى كلكوا عارفينو ده النوع بتاع مصلحته الخنيق اللى بيحسسنى انى فاشله وغبيه اما النوع التانى فده زى معظم اللى فى المنتدى معانا هنا تحس كده ان كلهم اخواتك


يارب اكون مش رخمه وانا بفتتح الموضوع الجامد ده

مرسيه جدا على مرورك
و انتى ما كنتيش رخمة خالص بالعكس ردك جميل جدا

اكيد طبعا
بس ما إستحملتكش ولا حاجة
لأن ردك كان زى النسمة على قلبى
و بتمنالك التوفيق من كل قلبى
على فكرة انا عارفك
انا فى سيكشن 9

اهلا بيك يا احمد
انا خالد
ما بلاااااااااااااااااااااااش تخلينى اكلم انا بفتح وهطول عليك
بس خليك فاكر ان انت اللى قولت
وانا قولتلك بلاش

بسم الله الرحمن الرحيم
بص يا سيدى بقى انا طول عمرى كان الكلام ده فى دماغى .... ما تسألنى ايه الكلام ده؟؟؟؟؟؟
انا اقولك انا طول عمرى عايز اجمع بين كل الحاجات ..... ما تقولى يعنى ايه؟؟؟؟؟
انا اقولك يعنى نفسي اكون علاقتى كويسه مع ربنا واكون شاطر فى دراستى .... ما تقولى وايه كمان؟؟؟؟؟؟؟؟
انا اقولك انا عايز اكون عايش حياتى برده يعنى اخرج والعب واهزر واهيس وكده
اصل انا على طول كنت بلاقى ان فى ناس بيلعبو ويهزرو وبس ومش ناجحين فى حياتهم وانا مش عايز كده انا عايز اجمع بين كل ده زى ماقولتلك قبل كده ..... انا عارف انك عايز تقولى (يا عم انجز انت هتحكيلى قصه حياتك)
ماشى هنجز انت كنت بتسأل على ايه تانى؟؟؟؟ اه اه على القسم اللى نفسك تخشه
انا خلاص دخلت كهربا الحمد لله وما تفتكرش انى قولتلك خش كهربا علشان كده لا بالعكس كهربا من اصعب الاقسام اذا ماكانتش اصعبها باستثناء الكمبيوتر
بس انا قولتلك مش مهم الصعوبه احنا عايزين نكون ناجحين فى حياتنا ونشتغل كده علشان نتجوز .........ولا انت مش عايز؟؟؟؟؟؟؟؟
اما بالنسبه انا عايز اعمل ايه لما تخلص انا نفسي اشتغل كده فى مكان كويس واكون مرتاح كده واجوز واخلف واجيب عربيه وعيالى اول ما تشوفنى داخل عليهم يجرو عليا ويشوفو جبت فاكهه ولا لأ زى ما بنعمل دلوقتى ههههه
اما بقى اكتر حاجه عجبتنى فى الكليه فهي المبانى بتعتها وخصوصا اعدادى واصحابى طبعا الحلوين كده اللى زيكو وربنا يبعدنا عن النوع التانى اللى قالته رورو




انا عارف انى طولت عليك بس انا قولتلك من الاول بلاش انا انت اللى مسمعتش الكلام هههههه


يارست ماكونش طولت او ضايقتك

لا يا عم ما ضايقتنيش ولا حاجة
بس هوا كل واحد يسيب رد يقولى مش عايز اطول عليك
محسسنى إنى بكلمكو على الموبايل
يا جماعة عنوان الموضوع (تعالو ندردش)
يعنى موضوع للدردشة مع بعض
مش كلمتين و خلاص
مستنى ردردكو

طب ما تعرفني بنفسك انا في سيكشن 10

طيب يا عم انت اتنرفزت عليا كده ليه
اشمعنا انا ولا هو علشان انا مليش ضهر فى المنتدى ده
اهئ اهئ اهئ اهئ اهئ

طب ما تزعلش يا
khalooood
انا مش قصدى

انا عن نفسى
من و انا صغير كنت بحلم اخش هندسة (ما كنتش اعرف ال حيحصلى فيها)
انا كنت بحب الرياضيات و كنت فاكر هندسة حتبقى كلية جميلة و الدراسة فيها زى مادة الرياضيات ال انا بحبها
المهم دخلت هندسة و طموحى انى ابسط ابويا و أمى بيا و افرحهم كل نتيجة زى ما انا معودهم دايما فى اى سنة زى الكلام ال قالته رورو بالضبط
عشان كل واحد حاسس ان امه تعبت اوى معاه و ابوه طبعا (بصراحة مش قوى)
انا كنت عايز اخش قسم مدنى لأن والدى مدنى و اصحاب والدى ال انا شوفتهم كان معظمهم مدنى و حببونى فى القسم
و الحمد الله نتيجة الترم الاول ظهرت و جبت تقديرات كويسة ممكن تدخلنى كهربا لو انا عايز
ودا بصراحة خلانى متحير جدا
مدنى و لا ميكانيكا ولا كهربا كلهم حاسس انى ميال ليهم بس كتبت مدنى فى الرغبات و قولت لما اكون فى نفس مجال والدى إن شاء الله يكون الموضوع اسهل
و خصوصا ان انا عايز اسافر اشتغل برا زى والدى
و طموحى ان لما اكبر اكوون شاطر فى مجالى و خبرة فيه
و اعمل شركة متكاملة مش بس مقاولات مع اصحابى ال حيخشو اقسام تانية يا كهربا يا ميكانيكا
و تكبر يوم ورا يوم إن شاء الله
و اكتر حاجة عجبتنى فى الكلية شارع كهربا و الأفيشات ال كانت بتحصل فى الإمتحانات مع أصحابى و طبعا بيبقى الكل خايف بس بنطلع كله فى الهزار و الضحك
ولازم طبعا اقول اكتر حاجة كنت بكرها ( الفيزياء ) طبعا
ورأيى فى طلاب الكلية انهم كانوا هما ال محلين الكلية
اقصد اصحابى لانوع الخنيق انا ما كنتش بكلمهم اساسا
و معلش طولت عليكم ههههه

ايه يا عم اللك ده كله
هو السؤال ايه طموحاتك يبقى هما كلمتين ورد غطاهم مش هنعد نتكلم كتيـــــــــــــــــــــــر
ولا هوعلشان انت اللى عامل الموضوع

انت طبعا عارف ان انا بهزر

ههههههههههههههههههههه

انا تابعت ردردك على المواضيع ال قبل كده
و كلها بتنتهى ب
ههههههههههههههههههههههه
و كاها إجابات غريبة شوية
بصراحة اول مرة تقول كلام عدل يا كابتن حسام
بس انا عايز اعرف إيه حكاية ههههههههههههههههه معاك
يعنى مرض يعنى ولا الكى بيورد بيزغزك و لا انت كده لوحدك
و شكرا جدا على الرد يا كابتن حسام
اه كنت حنسى
ههههههههههههههههههههههههههههههه

يظهر ان كابتن حسام إتعصب شوية
هدى نفسك دا انت ضحكتك بالدنيا