إزاي تعرف انك في فيلم عربي؟؟؟

زائر

إزاي تعرف انك في فيلم عربي؟؟؟

عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن.. كده بالسهولة دي.. هو واخد حبة البركة ولا ايه؟
*******
عندما يصل البوليس الي موقع الجريمة دون ان يبلغه احد تقريبا المخرج هو اللي بلغ علشان يصور.. أمّال هيصور ايه
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه وتلاقي البطلة في الفيلم مصيّفه
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل وغالبا بيكون يوسف شعبان
*******
عندما تفاجئ باغنية مالهاش أي لزمه في نص الفيلم مش عارف ايه العلاقة بين الاغنية والفيلم
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******
عندما يسكر البطل فتجده يصب كوب ممتلئ على آخره.. بيسكر بعصير قصب
*******
عندما يخرج الطبيب من غرفة العمليات يرد جملة من ثلاث جمل اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا يخلص المشهد من غير ما حد يشرب حاجة تقريبا علشان هيتصور بالمشاريب دى فيلم تاني
*******
عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
*******
عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه
*******
عندما تجد مقر العصابة ملئ بالقش والبراميل الخشبية
*******
عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو

لا بجد جامد الموضوع اوى خاصه بتاعت عصير القصب ديه
وحوار العربيات
يا عم فى فيلم لفؤاد المهندس كان فيه عربيه كارو بتعمل صرير وبتفرك وكمان بتطلع لمريكانى وخد ديه
كانت اتوماتيك مش مانويل

CEO & CHAIRMAN

ليه حمارها كام سيسي
هي بي ام كارو
شفتها في نفس الفيلم
حتي كان دفع حماري
و فيها فتيس شي حا
و بتمشي علي برسيم 95

لا برسيم 92
ايميها مكانش فيها برسيم 95
اتفرج على الفلم تانى

CEO & CHAIRMAN

خلاص انا عندي الفيلم مسجله علي حدوة حصان هبقي اتفرج عليه في الراديو

موضوع جمييييييييييييييييل يا مينى بوب

مهيس

ههههههههههههههههههههههههههههههههههههههه
لابجد فيلم عربي

بس اعتقد طوروها بقت عربيات 129

مهيس جامد الاسم : اعدادي هندسة

ياجماعة اللي كتب الموضوع دا نسى يحط اهم مشهد لازم يحصل في الافلام العربي وهوا ان البطل لازم يكون مظلوم في الاول لكن في الاخر بيطلع اقوي من الظروف ويرجع لحبيبته ودا اللي هيه البطلة وطبعا دا كلوا بيحصل بعد ما يكون طلع عينه في الفيلم على شويه حركات الهجص م اللي احنا عارفنها بس وكدا ينتهي الفيلم واهم تعليق بقى على كدا انه لما يستضيفوه بطل الفيلم بقي بعد كدا لازم يقولك احنا قدمنا موضوع جديد السنة دي

زائر

شكرا يا ردالة

على الردود ديه

ونورتت المحكمه يا حج موديز

ومنورين كلكو

لا يا جماعة بس في فرق بين الافلام العربي القديمة و الجديدة زمان كان لما واحد يقنل و احد كام البوليس بييييجي متاخر اما دلوقت البوليس بييجي قبل ما بتدخل السينما و يقولك طلع الي في جيبك يا حبيبي و ممنوع التدخين في السيتما

CEO & CHAIRMAN

اشطة عليك يا معلم بهاء
و الله منورنا
هو فعلا البوليس بييجي قبل الفيلم
و دلوقتي حفاظا علي المواعيد
بطل الفيلم بيبقي غالبا من البوليس عشان ميقعدش يستني كتير و يتصرف بسرعة

very cool

زائر

ألفين سلام وتحية على الردود ديه

وبييييييييييييييييييييس عليكو