زائر
زائر
 | موضوع: حاجه تشَل  الثلاثاء مارس 18, 2008 12:18 am | |
| =======
1- أوعى: تخيل لو مرة حبيت تجيب هديه لخطيبتك او حبيبتك من غير سبب علشان تبينلها قد ايه انت بتحبها , يالهوى يومك هايبقى اسود وهاتنزل الاتهامات بقى عليك وعيش يامعلم وكأن الى يجيب هديه من غير سبب يبقى اكيد عنده سبب...وعجبى
2-عروسه المولد: اليومين دول بقى تشوف ايه, تشوف نص بنات مصر كل واحده خارجه حاطه نص كيلو مساحيق على وشها لما الواحد بيحس انها شبه العرايس الى فى الموالد وكأن الفرصه الوحيده للبنت الى بتكون خدودها حمرة من غير مساحيق تجميل لما بتتكسف , والله حاجه تكسف
3- المساوه: كل بنت تقولك لازم يكون فى مساوه بين الراجل والمرأة عادى ماعندناش مانع انما المساوه عنهم فى الحاجة الى بتعجبهم بس انما مثلا مايقدروش يقولوا فى مساوه فى الجيش انما المساوة عندهم فى اشمعنا هوا يطلقنى وانا لأ, اشمعنى هوا يشتغل وانا لا لحد ماجابولنا الخلع الى خلع الشنب من وش الراجل وحطه للست
4-الكدب: الكدب عند المرأة اسهل حاجه وخصوصا فى حوار عندها كام سنه وتحديدا قبل سن 18او بعد 30 وكمان استاذه فى الحجج لما تيجى تنزل تقابل البوى فرند وفكرنى ده باعلان رايحه فين يافاطمه..رايحه اجيب أومو
5-صوتى ياأنشراح: مافيش بنت فى الكرة الارضيه مش صوتها عالى مهما كانت رقيقه, البنت من دول لو عدى جنبها قطه تصوت وتلم الشارع كله وتقولك مانا اتخضيت!!ياسلام يعنى تصوتى وتخضدى 100 غيرك وتخلى الناس تبصلك بصه وحشه
6-مين حبيب أبليس؟..هيا: ابليس بيموووت فى المرأه علشان لسانها الى جايبا لورة بسبب النميمه وكمان لانها ممكن تغرى اتخنها راجل عالأرض بجمالها وطبعا مش هاننسى كليوبترا الى وقعت مملكتين فى بعض
7- تامر حسنى: اشمعنى تامر معرفش بس اخر حفله حضرتها لتامر كرهت تامر وكرهت البنات , ايه الهيافه دى, الاقى بنت بترمى نفسها فى حمام السباحه علشان تروحلة وواحده تانيه تصوت ويغمى عليها وواحده تالته تجرى عليه وتحضنه وتبوسه كأنه مثلا ابوها ولا جوزها..أيه القرف ده , عاوز اعرف ايه يخلى بنت يغمى عليها لما تشوف ممثل او مطرب مشهور غير انها بنت هايفه
8- الاستقطاع: فى بنات كتير تستغل ان الولد مابحبش يمشى مع بنت وهيا تحاسب وده وهيا ماتصدق واستقطاع بقى على ودنه و انا جاعانه ماتيجى نتغدى,الله الفستان ده تحفه وخد من ده لبكره
9-عانس مع سبق الاصرار والترصد: يقولولك نسبه العنوسه زادت وتيجى تشوف لما ولد يروح يخطب بنت ايه الى بيحصله: هات شبكه ماعرفش بكام,لازم يكون عندك شقه وطبعا عربيه ولا هاتبهدل البنت فى الموصلات , ده غير الفرح والمأذون والمقدم والمؤخر, وغير كمان هدايا العيد الصغير والكبير وعيدين الحب وعيد ميلادها وعيد يوم ماتعرفتوا على بعض ناقص كمان فى عيد العمال وتحرير سينا.. على اساس ان الولد بيتخرج يشتغل رئيس مجلس أدارة... وربنا عالظالم
10-موززز: البنات اليومين دول بتعاكس الولاد وتقول عليهم موزز وانا فاكر ان مرة واحده صاحبتى قالتلى انت موز استغربت قالتلى لأ دى المذكر بتاع موزة ولا تعليق
http://photos-d.ak.facebook.com/phot...10863_7893.jpg
11-تثبيت: البنت من دول تفرح قوى لو الولد قالها انتى حلوة قوى النهارده حتى لو بيجاملها وتكره الى جبوه لو ماعبرهاش
12-الى انت عملته ده عادى ممكن اى حد يعمل: الولد يطلع عينه علشان يرديها وهيا تقوله ايه ده الى انت جبته او الى انت عملته عادى يعنى
13- هيافه: لو جبلها الدنيا كلها وماقلهاش بحبك تقول انه مش بيحبها مع انه ممكن يهريها بحبك كل خمس دقايق ويكون بيشتغلها..بس تقول ايه بقى
14-مايملهاش غير التراب: البنت بقى قاعده مع شويه شباب زى الورد وبعنيها بقى تبص لده ولده..والمصحف البنت بتتعرف على ولاد جديده وهيا اساسا قاعده مع ولاد
15-البرفيم: البنت بقى تغرق نفسها ماء توليت وتلبس الجيب القصيرة والبدى الضيق وتمشى فى الشارع تقول ايه الولاد دى حاجه تقرف مابقاش فى احترام طول مانا ماشيه باتعاكس..رد انت ياعم
=============
حركات ربع كم:
=============
1- أنا ميهمنيش أى حاجة ولافلوس ولا حاجة فى الدنيا المهم أنت وبس أنا راضية بجحر المهم أكون معاك
(وبعد اسبوع واحد اتفرج يامعلم)
2-لو فضلت زعلان منى كده انا حموت نفسى
(ابقى قابلنى..ال اموت نفسى ال)
3-حستناك طول العمر يا حبيبى مهما حصل
(والواحد يسافر وهوا مطمن يرجع يلاقيها متجوزة وعندها عيلين)
http://photos-d.ak.facebook.com/phot...10863_7893.jpg
4-انا جيلى عريس ومش عارفة اعمل ايه حيلى معهم فى البيت خلصت
(وهيا أساسا ماحدش معبرها غيرك)
5-النهاردة أسعد يوم فى حياتى
(يوم ماعرفته , يوم ماخطبها , يوم.... على اساس ان حياتها كلها يوم واحد)
6-أنا روحى بتتسحب منى لما بفكر أننا ممكن نسيب بعض
(معظمهم بيسيبوا بعض ومسمعناش عن حد منهم مات)
7-ماتصلتيش بيا ليه ياحببتى ...ماعيش رصيد
(بتلمحله علشان يشحنلها)
8-ماردتيش عالتليفون ليه ياحببتى..كنت قاعده مع ماما
( اكيد منفضاله ومش عاوزه تكلمه هاتغلب يعنى لو قامت من حنبها وردت عليه)
9-هاتتقدملى امتى
(بتتقال بمعدل 19 مرة فى الدقيقه)
10-انا بغير عليك
(تخنقه وتكره فى حياته وفى الاخر بحبك وبغير عليك)
11--كنت مع مين انا كلمتك وماردتش
(ممكن يكون فى الحمام او ماسمعش بس وش انت كنت مع واحده تانيه)
12-ايه رأيك فيا النهارده
(سؤال كل يوم)
13-انا هاقفل الموبايل بقى علشان دخله انام
(تشغل الشريحه التانيه وتكلم الواد الجديد الى اتعرفت عليه)
14-طب الموبايل هايفصل شحن سورى ياحبيبى سلام دلوقتى
(اقفل بقى غرمتنى ..دى كلها مكالمه)
15- طب سلام دلوقتى اخويا جيه
(افف ايه الرغى ده خرمتلى ودانى)
16-على فكرة .. انت اول ولد اعرفه و اديله تليفونى و اخرج معاه .. انا عمرى ما عملت كده ابدا
(ياراجل...أشمعنى)http://photos-c.ak.facebook.com/photos-ak-sctm/v156/177/124/534281717/n534281717_597530_3816.jpg
17-انا مش فاهمة ليه الولاد بتبص للشكل و الجسم بتاع البنت ؟؟ بجد الولاد دول عينيهم زايغة اوى و سطحيين موت
(وهيا تلاقيها 24 متنحه فى صورة احمد عز)
18 - انا لما اتجوز لازم اشتغل .. مش بحب قعدت البيت (علشان ماتطبخش ياريس)===========
حيره ايام الخطوبه :
===========
1-اذا حاولت تبوسها .. تبقى راجل قليل الادب , و اذا ما حاولتش تبقى مش راجل اصلا
2-اذا غازلتها تبقى خلبوص و ما لكش امان , و اذا ما غزلتهاش تبقى اعمى و معندكش نظر
3-اذا زرتها كتير تبقى تقيل و لحوح , و اذا ما زرتهاش كتير تبقى مش مهتم بيها
4-اذا لبست شيك تبقى بتاع مناظر و مقطع السمكه و ديلها ,و اذا مالبستش شيك تبقى معفن
5-اذا جبتلها هدايا كتير تبقى بتحاول تشتريها بفلوسك, و اذا مجبتش تبقى بخيل و جلده
6-اذا غرت عليها تبقى قفل , و اذا ما غرتش يبقى دمك بارد او معندكش دم اصلا |
|
ThEgAmE
BOARD MEMBER
الاسم : Mohamed
الكلية : هندسه
السنة : مدبلر
القسم : بيقوله عام
السيكشن : 55
| | موضوع: رد: حاجه تشَل الثلاثاء مارس 18, 2008 12:45 am | |
| ايه انت داخل جامد اوى بس زى الفل
الى الامام
عايز المنتدى يولع
موضوع شديد جدا | |
|
YURI
CEO & CHAIRMAN
| | موضوع: رد: حاجه تشَل الثلاثاء مارس 18, 2008 12:50 am | |
| تمام كده يا عم
و صح يا جيم
لما مبلانو يدخل هتتبسطوا اوي مع بعض
شكلك هتظبطنا
| |
|
milano
VICE-CEO
الاسم : ميلانو نورتون على سليم
الكلية : اللى ادام المستشفى
السنة : تانية اعدادى
القسم : انا مبدخلش اقسام
السيكشن : مش فاكر ( اصلى مبحضرش سكاشن)
| | موضوع: رد: حاجه تشَل الأربعاء مارس 19, 2008 1:07 am | |
| لا بجد الحوار كدة قفش جامد
البنات مبتحبش الحاجات دى
انت ناسى و لا ايه
بس لو دخلو الحرب معانا
تاكد انى حكون كتيبة اعدام لوحدى | |
|
meshmesh
PRIME-SECRETARY
الاسم : مشمشه
الكلية : هندسة
السنة : الأخيرة بعون الله
القسم : Chemical Engineering Dept.
السيكشن : مش فاكرة
| |
rodi
مهيس جامد
الاسم : اعدادى
الكلية : الهندسه
السنة : اعدادى
القسم : انشاء الله مدنى
| | موضوع: رد: حاجه تشَل الأربعاء مارس 19, 2008 2:08 pm | |
| انت اخد فكرة وحشه اوى عن البنات وعلى فكره مش كلهم كدة | |
|
engr977
مشرف سابق
الكلية : هندسة
السنة : اعدادي
القسم : اعداااااادى
السيكشن : 31
| | موضوع: رد: حاجه تشَل الأربعاء مارس 19, 2008 5:36 pm | |
| يا بنى يعنى احنا وحشين قوى كده وانتوا اللى ملائكه نازلين من السما ما انتوا بارده ليكوا حركات وحشه زينا ولازم كل واحد يعدى للتانى عشان المركب تمشى
بس انت عندك حق فى موضوع تامر حسنى ده انا بجد والله بتشل اما الاقى بنت بتعمل كدة وببقى متغاظه منها قوووووووووووووووووووووووووووووى
وموضوع الطلابات الكتييييييييييييييييييير بتاعه العريس اما يجى يتقدم بارده عندك حق قووووووووووى
بس مش كل البنات كده والله فى ناس كويسه قوووووووووى
وفى ولاد مش بيتقدموا اصلا ومش عايزين ندخل فى حرب اوكاااااااااااااااااااش | |
|
be coool 3la toool
مهيبر
الاسم : بوحسن
الكلية : الهنسه
السنة : اولي
القسم : عماره
السيكشن : ربك وحده يعلم
| | موضوع: رد: حاجه تشَل الأربعاء مارس 19, 2008 10:50 pm | |
| جـــــــــــــا مـــــــــــــــــــد يا مـــــــــــــــــــان الموضوع عجبني  | |
|
زائر
زائر
| | موضوع: رد: حاجه تشَل الجمعة مارس 21, 2008 12:51 am | |
| هههههههههههههههههههههههه
حرب ومالو
ميضرش
منورين أبل أي حاجة |
|
.
