استفتاء شبابي اوي

انا من رايى الزواج عن حب انجح من الزواج التقليدى

صح يا برنس الحب دة شي بيجري و راة كل الناس منهم الي بيلاقية و منهم الي مبيلاقيهوش و في الاخر الي ربنا يعوزو هيكون

الجواز عن حب بيبقي جميل اوى بس علي طول المشاكل بتبقي موجودة فى اى جواز سواء حب او تقليدى
واحياناالجواز التقليدى بينجح علي زواج الحب

بصو يا جماعا الزواج عن حب ده من افشل انواع الجواز وده مش كلام وخلاص ,لأ انا هقنعكو:-
الي بيحب حد ما بيشوفش عيوبه خالص لان الحب اعمي زي ما احنا عارفين وبعد الجواز عن حب تبندي مشاكل الحياه و المواقف المختلفه الي تبينلك عيوب حبيبك وتبتدي المشاكل ,لان تصرفات (عيوب)حبيبك مش عاجباك ,وهو عمره ما هيتغير علشان سواد عيونك وحتي لو عايز يتغير مش هيعرف يغير الي اتربي عليه طول حياته
وتدومــــــــــــــــــــــــــــــــــــــــــــــــــــــــــ المشاكل

يا جماعه اهم حاجه في اختيار الزوج او الزوجه المناسبه مش الحب ,اهم حاجه هى مدى توافق الاراء حتى لو كان الرأين غلط بس توافق برضه
لكن غلط ان الواحد يأخد الحب هو الاساس في الجواز(الحب ده ياما عمل مشاكل للناس)

يا جدعان كلامكو زي الفل

بس الأهم من ده

كل واحد فينا لية تعريف عن الحب غير التاني؟؟

فكان من الأوله الأول نسأل أية تعريفك للحب

ومع ذالك مش شرط أن الواحد يتجوز عن حب وقصص وما ألي ذالك
عااااااااادي يعني بس الأهم من ده أنه يكون في توافق بنسبة كبيرة
[b]

اية يا يوري مش مهم برنس و لا برنسيس فاهمني يا عبد ربة

الحب ده شىء جميل جدا بس اللى يلاقيه بجد ومش ينفع اى حد يدور عليه اوى يشغل نفسه بيه زياده عن اللازم
واللى فى سننا لو حسوا بأنجذاب لاى حد مش شرط يكون اسمه حب وممكن يكون حب بس الاهم انه مش يتسرع ويروح يكلم اللى بيحبه لان احنا دلوقتى بنحبوا من اجل الحب فقط يعنى مش ينفع واحد يروح يقول لواحده انه بيحبها ونفسه يتقدم لها ويتنه لازق فيها فى الكليه الاتنين فى وش بعض طول اليوم ويبأه خلاص الاتنين متعلمين ببعض
انا حاسه انى روحت لموضوع تانى خالص بس مش مهم
المهم مش شرط ولازم وضرورى ان اى اتنين يكونوا حبوا بعض قبل الجواز لان فى اوقات كتيره الجواز التقليدى وفى اغلب الاحيان هو اللى بينفع
بس لو توفر الحب قبل الجواز وكان بجد صادق وبجد الاتنين فاهمين بعض يبأه مبرووووووووووووووووووووك
وده رأيى المتواضع بس مش قولت كل افكارى
وعلى فكره انا افكارى بتتغير كتير واحنا كلنا كده

صحلا عندك حق يا اسراء بس في حاجة الانسان لما يبقي شاف و احد و حبة من اول مرة يبقي دة اسمو اعجاب مش حب و الحب الي بجد هو الي بين اتنين ممكن يكون مع بعض فترة طويلة و مش اي ولد و بنت يكونوا مع بعض علي طول يبقوا بيحبوا بجد و الي انا شايفة ممكن ان الواحد يشتفاد بية من الحب الي بجد ان الحب الي بجد هو الي يستاهل ان الواحد يتغير عشانة ......................................................................................امضاء بهاة كورسات اعدادي و مدني

كلامك حلو اوى يابهاء وانا نتفقه معاك

انتى كلامك كله صح يا مشمشه
وفعلا كلنا ملالنين عيوب
واللى بيحب حد مش بيشوف فيه عيوب اساسا
هو ممكن يلفت نظره لحاجات عشان هو عايزه يبقى احسن حد فى الدنيا
وفى كل الاحوال الجواز عن حب احسن كتيييييييييييييييييييييييييييييييير

بص أنا حجبلك من الأخر الحب كل شئ و البرهان أن أبنة عمتى كانت بنت عمتى كانت بتحب واحد معاها فى كلية الهندسة
المهم العيلة عارضوا الفكرة و رفضو تمسكت بيه لغاية
متخرجوا و الحمد لله هما متجوزين دلوقتى و منتظرين بابى
أهم حاجة الحب ميأصرش على المستوى الدراسى لأن ده بيكون سبب أساسى فى فشل العلاقى
لأن متفهمنيش حد حيحب حد أكبر منه فى السنة الدراسية و كمان المديلر حيخاف و حيتحرج

من وجهة نظري
انا ممكن اعيش حياتي لوحدي بس متجوزش واحده انا معشتش معاها ايام حب قبل الجواز
لان بعد الجواز مبيجيش الحب
بالعكس لما الجواز بيكون عن حب الحب دا بيضيع مع الوقت (على حسب كلام الناس
ما بالكم بقى بالجواز اللي مكنش في قبله حب اساسا ,,, حيبقى في ايه بعد الجواز ؟؟؟؟؟؟؟؟؟ظ
بس انا في رأيي ان مفيش حاجه اسمها ان الحب بيضيع بعد الجواز
يمكن هو بيتغير شكله للتعود والعشره سوالارتباط بين الاب والام والولاد
لكن مبيضعش بيفضل موجود وبيزيد كمان وكمان
وربنا ينول كل واحد اللي هو عايزه في الخير
واللي ربنا كاتبهولنا حنلاقيه
المهم نسيبها على الله
ونعيش يومنا
ومنشغلش بالنا
وقت ما حيكون ليك نصيب تلاقي الانسان المناسب
حتلاقي الظروف رمته أدامك من غير ما تحس (عن تجربه

وعلشان مطولش عليكو
سلام

الزواج عن حب احسن اكيد بس يكون حب صادق من الطرفيين
عشان فايده الحب فى الزواج انه بخلى فيه وح للتفاهم بين الطرفيين

اجمل حاجه في الدنيا الجواز عن حب عشان بيكون ظهور احلي حاجه في الدنيا قدام الكل
وبتتخلص من الخوف والذنب ألي بتكون حاسه
وبتكونوا حلال لبعض
بس مش أي حد يعرف الحب بجد عشان كده في كتيررررررر بيفشل عشان محبش بجد أو تكون ألي بيحبه من بيئه يغصبوا عليها وتتجوز واحد تاني
وتكون دي نهايه مشاعره وتتحول من جوهره مدلله إلي خادمه تعيش من واحد بدون أحساس
وممكن تكون بتحن للتاني ودي خيانه
وربنا يستر علينا وعليكوا
ايه رأيكوا صح ولا
مستني ردكوا؟
الإمضاء: lost angel[b]