يااااا رب اللى ما يشارك يجيلوا زغطه

لآ
بصراحة كلامكو مش مقنع يا ال عجبكو الحال
إحنا الحمد الله كويسين و امان عن دول تانية كتيير
ولكن
قيس التقدم من سنة 81 لغاية 2008
27 سنة
تقدم بسيط بالنسبة لعدد السنين ولضخامة الموارد وتنوعها و زخر القوة البشرية
شوف محمد على عمل من مصر قوة عظمى فى كام سنة
الوضع ما بدأش يشم نفسه غير فى اخر كام سنة
و النمو مش بيأثر تأثير مباشر فى حياة الناس
و موضوع الحريات المدنية ده ضايع طبعا و ال بنسمعه فى الجرايد عن التعذيب و الإعتقالات خير دليل على كده
وموضوع الإخوان ده انت ظلمت الناس فيه لأن انت عممت وحكمت عليهم كلهم مع بعض حطه واحده
اكيد فى ناس كويسين كتيير فى الإخوان بدليل انهم صابرين على الإعتقالات و مصادرة اموالهم وده مش سهل خالص ومفيش حاجه تجبرهم على كده غير رؤيتهم ان فى كده صلاح للبلد ده غير معارضتهم للحكومة و ال خلى الحكومة تخاف تعمل حاجات انيل من كده خوفا من إثارة الإخوان للشعب عليها وليهم رؤية لابد من إحترامها ومؤثرة جدا فى الشارع المصرى وليها رموز كبيرة محترمة جدا زى الدكتور زغلول النجار و الدكتور يوسف القرضاوى ودول ناس لا غبار عليهم
و معلش يعنى يا يورى ما شفناش حد من الحزب الشيوعى بيعتقل او بتتصادر امواله و بيتبهدل زى الاخوان ومعناه ان الحكومة عارفه ان الحزب الشيوعى ده مش قوى و مالوش تاثير يذكر فى الشارع المصرى و إلا كانت بهدلته زى الإخوان
و طبعا بعد الكلام ده حتقولو انى إخوانكى
بس طبعا لأ بس هى دى الحقيقة و انا مش بقول انى مش إخوانكى عشان هما ناس وحشة
ولازم اتبرا منهم لأ لأنى فكرى غير فكرهم بس لازم نحترمهم لتضحياتهم فى سبيل إصلاح الوطن بالأسلوب ال من وجهة نظرهم
ورأى فى الشيوعية:
انها مش كويسة كمنهج وإلا كانت نجحت فى روسيا ورغم انها براقة فى موضوع العدالة فى توزيع الثروة و التكافل إلا انها لا تناسب الفطره البشرية و ده سبب سقوطها فى روسيا
مش معقولة تقنع راجل مهنته متعبة وعايزه تخصص زى مهندس بترول مثلا انو ياخد زى بائع فى محل مثلا و توهمه ان ده العدالة فى توزيع الثروة على سكان البلد او انو يعيش فى تقشف و والدولة توزع البضائع و المنتجات على الناس كلها زى بعضها زى ما كان بيحصل فى الإتحاد السوفيتى
وده مش منطقى
وده سبب هرولة الروس حول الاموال فى ظل الحكم الشيوعى و ده سبب تسرب المعدات النووية
بعد سقوط الإتحاد السوفيتى بعد ما الجنرالات باعوها بحثا عن النقود ال إتحرمو منها
و برده المافيا الروسية الشهيرة قويت بسبب تقييد الاموال على الناس إلا بالقدر الذى تسمح به الحكومة وده راى فى الشيوعية وممكن تشرحنا وجهة نظرك فى الشيوعية و إيه ميزتها
لأنى تاكيدك على انك شيوعى إستفزنى بصراحة
وانا شايف ان احسن الأنظمة فى دينا وهو
الراسمالية الإشتراكية يعنى رأسمالى و كل واحد بياخد على قد ما بيتعب و حسب قانون العرض والطلب و ال بيفتح الباب للإستثمار و ان كل واحد يحاول يعمل مشروع ليه ويتعب فيه و هو مطمئن ان الربح حيعود ليه لأنه هو ال تعب و كونه بكل عدالة و فى نفس الوقت إشتراكى و جعل واجب على الحكومة إعالة الفقراء و الأيتام والارامل ورغب جدا فى الصدقات وكفالة الايتام ومساعدة المحتاجين
وده النظام الملائم لفطرة الناس
وانا شايف ان السبب فى تخلف بلدنا جزء كبير منه بيعود للشعب يعنى الموظف ال بياخد رشوة ما هو من الشعب و ال بيسرق ماهو من الشعب و نقص المرتب مش مبرر للسرقة و الحرام
و ال بيغش فى البضاعة وال بيحتكر عشان يعلى مكسبه والبيعاكس البنات و بيقل ادبه ماهو برده من الشعب و ال بيبلطج على الناس إلخ إلخ إلخ...........................
مش كل المصايب ده بنلمسها فى حياتنا و موثرة تأثير مباشر فى حياتنا و سببها الشعب
إحنا لازم نصلح نفسنا الاول قبل ما نرمى اللوم على الحكومة و خلاص
وياريت يا يورى تشرحنا وجهة نظرك فى الشيوعية ال انت مقتنع بيها اووى كده
وموضوع جميل ومعلش طولت عليكو بس اصل انا خفت من الزغطه ههههههههههههههه