تخاريف بنج\ ولا تخاريف....................

زائر

سلام على ارخم منتدى واحلى عيال

احب احكلكم حكايه واحد وهو فى البنج

متخفوش هو دلوقتى بقى كويس

وراح المستشفى اللى فى المعموره

اللى ميعرفهاش يروح يجربها

يروح لمحطه المشاريع اللى بتروح المعديه ورشيد

ويروح لبتاع المشروع ويلعبلو عنيه ويقله انا عايز اروح المعموره وهو حيفهم و يوديك على طول

ايه ده scratch

احنا كده تهنا من الموضوع
المهم صاحبنا وهو فى المستشفى والاولنيه وهو فى البنج

كان بيخرف قبل ما يفوق ولان الكلام فى البنج جميل اوى اسئل مجرب

ولان سعات الناس مبتتكلمش الحقيقه ومبتقلش الصح غير وهى فى البنج

فتعالو نخرف مع بعض ..................بس دى تخاريف بنجيه محدش يفهم غلط

عمنا بقا ده لما كان فى البنج قال شويه كلام ميه ميه........كالاتى

ابتدى منين .... ابتدى منين....!!!

كان يا ما كان فى سالف العصر والزمان.......

لالالا دى بدايه قديمة اوى.!!

طيب اقول ايه...ايه...ايه....!!!

فى يوم من الايام وانا جالس فى الظلام دخل على رجل........

لا برده بدايه مش حلوه خالص..!!

الصراحة انا محتار اكتب منين او ابتدى ازاى ...!!

اصل المستشفى هنا فى سكون شديد اوى...

بعد انتهاء وقت الزيارة....

وبعد ان يسدل الليل ستائره السوداء.

السكون يعم المبنى ...لم اسمع اى صوت.!!

ممكن من حين لاخر اسمع صوت نعال احدهم يأتى من بعيد..

ثم يعلو تدريجيا ثم يتلاشى مره اخره..!

او صوت ناموسة وهى تحوم حولى وتدور وانا اتربص بها..

وكأنى انصب لها كمين ..

وأحاول ان اضربها ولكنها تطير بعيدا وتنجو بحياتها..!!!

ويأتى صوت النعال مرة ثانية ويعلو تدريجيا...

ولكنه هذه المرة يقترب...ويقترب.....

انه يقصد غرفتى...

وانا احدق بعينى ناحية الباب قلت.....مين...

ما هذا ...!!!

انه رجل كبير السن ذو لحية بيضاء طويله كثيفة...

يبدو عليه ارهاق الزمن.

قال: السلام عليكم.

قلت : وعليكم السلام.

اى خدمة ...عاوز منى حاجة.

شكرا يا ابنى انا جاى ادردش معاك شويه بس ....
اسليك يا سيدى.

قلت: اتفضل .

وجلس بجوارى على السرير.

قلت: من انت .

قال ...بصوت رنان يتجاوز الاذان بسهولة...

انا الواقع.

تعجبت كثيرا..!!

وتمالكت نفسى ونظرت اليه وقلت..!!

انت باين عليك كبير فى السن اوى

قال: يا بنى الزمن الى عمل فى كده .

وظهرت على وجهه ملامح كئابة غير عادية..!!

حبيت اغير الموضوع..نظرت اليه وقلت.

تحب تلعب معايا شطرنج..!!

بس خد بالك انا مش بتغلب بالساهل..

نظر الى وهو مبتسم ابتسامة خفيفة وقال.

بس انا هلعب بالقوانين بتعاعتى انا ...!!

وانشوف مين الى هيغلب..

تعجبت ولكنى قلت ....موافق.

وأحضرت الشطرنج من جوارى.

وبدأنا اللعب

ايه ده انت بتلعب بطريقه عجيبه..

ده مش من قوانين اللعبه

منا قلتلك القوانين اتغيرت...وده الى بيتلعب بيها الايام دى

استنى بس الملك بيتحرك خطوه واحده بس

يا ابنى ده كان زمان الان بيتحرك زى ماهوه عاوز.

وعمره ابدا ما يكش... ولا يموت.

وانت ليه مش بتحرك الوزير.

ده مش بيتحرك الى بعد سنه
على طول فى مكانه..

لا بيتحرك ولا بيتغير..

طيب والطابه...

مش مش بتعيش كتير..!

ليه بس.

الى بيمشى فى خط مستقيم بيموت بسرعه.

انا بسأل وهو يرد واحنا بنلعب.

بصيت كده لقيته موت كل العساكر والطابة والفيل والوزير

والحصان....كله

قلت: انت موت كل جنودى بالملك انت مش بتحرك غير الملك.

قال: هو الملك كل حاجة يعمل الى عاوزه .

يموت ده...يسجن ده...يعزل ده..برحته.. مين يقدر يقول له

لا...؟؟

سكت لحظة وطأطأت رأسى الى اسفل..

وحسيت بدوخه فى رأسى....

وقلت: انا تعبان اوى ممكن نكمل فى وقت اخر...!!

يااااااااااااااااااااااااااريت بلاش نشغل الحاجه اللى ملهاش لزمه اللى فرسنا دى ونفهم الموضوع غلط
احنا كل الموضوع بنخرف سوا

CEO & CHAIRMAN

انا فاهم قصده
الراجل ده معاه حزام اسود في الشطرنج

انا صراحه مش فاهم حاجه
اذاي اسمها بنج وهما بيلعبوا شطرنج ومين الواقع ده انا بدات اخاف
هههههههههههههههههههههههههههههههههههههههههههههههه

موضوع حلو قوىىىىىىىىىىىىىىىى

منا عارف انه حلو
هههههههههههههههههه