اساسيات الحب الحقيقى

بسم الله الرحمن الرحيم ..

- اساسيات الحب الحقيقى ..
مناقشة موضوع زى ده هتكون معقدة وهيتطور المجال فيها لأن الشباب عصبى فى موضوع الحب ده زيادة عن اللزوم لو محبش ميقدرش يعيش ..
مش هأرجع لورا وأقولكم حرام وإلا حلال خلونا نتناقش فى إطار إجتماعى لتققيم الموقف بأمر سليم ..

- أولاً الإرتباط شئ جميل جداً وأسمى عاطفة خلقها الله تعالى هيا عاطفة الحب لكن للأسف الإنسان مسابش حاجة إلا لما بوظها ولوثها وخلى شكلها وحش حتى الحب بقا فيه غش وخداع وخيانة ومصلحة وحاجات كتير أوى ..
كل يومين فلان حب فلانة وإرتبطوا وكمان شوية ده طلع ندل ودى طلعت مش عارف إيه وهو يرتبط بعديها بيومين ببنت تانية صاحبتها عشان يغيظها تقوم هيا متغاظة ومرتبطة بالود أنتيمه وهلم جره وكل شغل مياعة وضحك ع الدقون وتلاعب بإسم الحب وخلاص ..
لازم نعترف إن 99% من حالات الإرتباط فاشلة وده بسبب الطرفين سواء الولد أو البنت ..وخلونا نقول الولد طالب فى جامعة والبنت زيه هيتخرج مش لاقى يآكل هيروح لأهلها ويرجع أفاه يأمر عيش وهى فى الوقت ده هتكون بنت بابا وماما المطيعة اللى بتسمع الكلام وتقوله خد الدبدوب بتاعك وهات حاجتى بلا وش وتتجوز وهو بعديها بسنتين وإلا اكتر يتجوز وممكن يقابلوا بعض وميعرفوش بعض .. ومن ده كتير وممكن نقول 100 قصة ورواية ..
أول شئ يا شباب الخير لازم تعرفوا إن الشئ اللى بيتولد فى الضلمة عمره ما هيخرج للنور أبداً والشئ اللى بيبنى على أساس ضعيف بيفشل فى أغلب الأحيان لأنه مع الزمن بيضعف أكتر ومبيقدرش بعد كده يقف على رجليه ..
يعنى لو هنبدأ مسألة الحب لازم يكون فيه شرطين :

1- أن الحب ده يكون فى النور .. مش فى سينما وإلا كافيه من إياهم ..
2- أن يكون بمعلومية أهل الطرفين .

-خلينا نناقش المبدأ الأول :

البنت لازم تكون فاهمة كويس إن الولد اللى بيحبها وما إحترمهاش زى اخته يبقى مبيبحهاش حب صفى نقى وطاهر .. يعنى لو هيمسك إيديها ويحط إيديه على كتفها وناقص يشيلها ويمشى بيها فى الشارع (ما الواحد بيشوف كتير ) الولد ده لسا بيعيش سن مراهقة وبيحكمه الشهوة وليس الحب .. ونحسبها كويس إسأل كل الشباب المرتبطين عن إخواتهم البنات وقوللهم ترضى أختك ترتبط أو زى ما بتمسك إيد فلانة ترضى فلان يمسك إيد أختك .. طبعاً الجواب محفوظ وكل واحد فيهم هيعمل شمشمون وهيهد المعبد على اللى فيه لو حد مس شرف أخته بكلمة .. طاب البنت اللى إنتا بتحبها دى مالهاش كرامة وإحترام وقلب لازم تحافظ عليهم .. وإلا الحب بقا كلام فى التليفونات وخروجات ووقت المسؤلية .. كل واحد يجرى يشوف سكته إحنا مننفعش لبعض .. يبقى متجيش بنت تقوللى لو ممسكش إيدى هيبقى مش بيحبنى .. والولد كمان يقوللى كد عشان ده ذنب ممكن يؤدى والعياذ بالله لجرم .. يعنى من سماحة القرن ال 21 سايب كل الشباب يحب وينبسط بس على الأقل الشباب دول يحترموا آدميتهم ودينهم ونفسهم عشان مشوارهم ينتهى على خير ده إذا كانوا فعلاً بيحبوا بعض ما هياش شوية مراهقة إشباع عاطفى والسلام ..

2- المبدأ الثانى :

البنت اللى مبتحترمش أهلها ومبتقدرش ثقتهم فيها تبقى مش هتحترمك ولا هتقدر ثقتها فيك .. إحنا عايزين نحط للإرتباط إطار إجتماعى موثوق يبقى ماشى فيه .. عن طريق الأهل عشان ميبقاش شئ تافه زى ما كله بيقول .. يبقى إنتى تقولى لوالدك ووالدتك ( شايف حد هيكتبلى فى الرد أهلى صعايدة مش هيوافقوا ) أظن إحنا دلوقتى فى زمن مفيش ولد أو بنت بيتجوزوا غصب عنهم إلا ما يندر حدوثه .. يعنى بمعنى أصح إذا كان شاب كويس ومتدين وبتحبيه وماله لو تقولى لبابا أو ماما الأقرب ليكم وتعملوا حاجة قدامهم أحسن ما يكون من وراهم وأكيد هما هيحترموا رأيكم ومشاعركم وإحترامكم ليهم قبل كل شئ .. نيجى للناحية التانية خايفة تقول لباباها دلوقتى لأحسن هو عصبى وممكن يقعدها فى البيت . . طاب يا حلو البنت اللى مالهاش شخصية وخايفة تقول لباباها وإحنا لسا على البر أومال جوا هتعمل إيه ؟؟
برضه لازم يكون فى إحتياطات يبقى والدها عارف ظروفك وإمكانياتك عشان متآخدش بمبمبة فى الآخر وتقول يا ريت اللى جرى ما كان .. طاب هو مش عايز يقول لمامته لأحسن مامته عايزاه لبنت خالته .. يبقى ولد معندوش شخصية والمفروض يآخد الرضعة من مامته قبل ما ينزل وبعد كده يبقى يقول أنا عايز أرتبط وأحب حب بجد ..

الموضوع له ملابسات كتير أكيد هتبان من الردود وبينا كده نتناقش لحد ما نوصل حل نقفل بيه مشروع الإرتباط الودى ونبدأ مشروع تانى ناجح وبنسبة أكبر إسمه مشروع الإربتاط الموثوق ..

بإنتظار أرائكم وردودكم ..

CEO & CHAIRMAN

يا علاء احنا بنتكلم علي المرحلة السابقة للارتباط
مرحلة الهاي و انك تعمل منتدي و تدعوها تدخل عليه و تستني زي الاهطل عشان تدخل بلا فائدة

يا عيني يا يوري اللي على راسه بطحه بيحسس عليها
بس الموضوع جميل يا عيلاء وهو دا اللي اعتقد ان انا ماشي بنفس المبدأ
وشكرااااااااااااااااا

زائر

التوبيك دة جامد جدا وبصراحة انا عجبتنى وجه نظرك اوىىىىىىىىىىىى وعلى فكرة الكلام دة كله صح ومحدش يقدر يغلطك

على على فكره يا عيلاء والله انت شخصيه محترمه اووووووى لو انت بتنفذ الكلام دة فعلا او دى مبادئك ومش قابله للتغير
وانا احترمتك قووووووووووى فى كل اللى انت قلته
وكل كلامك صحيح مليووووووووووووووووووووووووووووووووون الميه from a to z

مرسيه جدا لردودكم

بس انا كنت مستنى مناقشة و حوار و جدل يولع فى التوبيك و لا ايه يا جماعة ؟؟؟؟؟؟

الولاد زعلو من كلامى و حبة منهم حب يعمل عم الحلو و يقوللى انا بعمل كدة بالضبط

و البنات فرحت بكلامى علشان احترمت آداميتها لا غير

فين المناقشة يا جدعان

CEO & CHAIRMAN

انا لم انضم لاي من الطرفين
كلامك مضبوط
بس انا عمري ما دخلت لمرحلته
لسه في مرحله اني اعمل منتدي

لو عمل المنتدى يعتبر مرحلة من مراحل الحب

كان كل الناس عملو منتديات

زائر

انا مش فاهمة انت عايزنا نتناقش في اية؟
يعنى مثلا عايز تعرف وجهة نظر كل واحد في الحب ولا اية؟
ياريت توضح

لا
قصدى ان كل واحد يقول وجهة نظره الشخصية ( من غير تحوير )
علشان اكيد كلنا بنختلف فى وجهات النظر
و كمان مش كلنا بنمشى على الشرطين اللى انا قولتوهم
اكيد لكل واحد آراء مختلفة......و اللى عنده اضافة....يبقى اهلا وسهلا برأيه

اصل يا ميلانو انت كلامك كله سلييييييييم ميه الميه
مش حينفع نتناقش لانك ع الحياد
وانا بصراحه موافقه ع الشرطين
يعنى مثلا مينفعش نتاقش فى حاجات الناس كلها متفقه فيها زى مثلا ان الصلاه دى فريضه
سواء كانا كلنا بنصلى ولا لا
بس احنا متفقين ان الصلاه فرض
متاهيئلى بارده كلنا موافقين ع كلامك سواء بنفذه او لا

الموضوع جااااااااااااااااااااااامد يا علاء.
انا شايفة ان الموضوع كله ممكن يتهرش من الأول يعنى...
الولد عايز ايه؟؟؟؟بيبان يعنى.
اصل انا قلت رأيي ده قبل كده...بس نقول كمان.
واحد جه لواحدة قالها انا عايز اتجوزك...تمام؟؟؟؟ البنت تعمل ايه؟؟؟؟؟
تجرى تقول لمامتها....لو ما عملتش كده....يبقى ده بداية الغلط...طب وماما هاتعمل ايه؟؟؟؟ أكيد ماما هاتتفهم.
طب ماما مش ها تتفهم....ندور على حد تانى...أخويا؟؟؟ واسعة شوية؟؟؟؟ والله ممكن ليه لأ.
أى حد كبير ينزل يقابل الراجل ده.
اكيد انا عارفة كويس عيلتى...وفى حد قريب ليا ينفع يكون أمين وعاقل ويسد فى الموضوع.
يروح يقعد مع اخينا ده...ويتكلم معاه ويشوف سكته ايه...وبحكم سنه وخبرته هايعرف هو أخره إيه.
صح؟؟؟؟
أظن كده الموضوع إتلحق قبل بقى الحب والغرام والكلام ده كله.
يعنى لو طلع نصاب بسهولة هاينفع اسيبه عادى...وأعتقد ان اى عيلة فيها على الأقل واحد مناسب للعملية دى.
والله طلع راجل ومحترم كان بها ونكمل ونشوف الموضوع هايمشى ازاى ونبدأ نعرف الناس واحدة واحدة.
ده فرضا انه عنده ظروف هاتخليه مش يقدر يتقدم على طول وهانستنى شوية.
ويا سلام بقى لو الولد هو اللى طلب انه يشوف حد من أهلها ويتكلم معاه...ويا سلام لو عرفها بأهله.
كده هو بيعززها.
والله ده الترتيب الوحيد تقريبا اللى انا باشوفه للحكاية دى.
عشان البنت تبقى فى السليم.
لو الولد بقى هرب من الحاجات دى يبقى معلش بيستهبل.
والبنت لو ما ترجمتش الحوارات دى على انها هروب تبقى تستاهل كل اللى يجرالها.
ده رأيي.

تمااااااااااااااااااااااموز كلامك زي الفل