اتش بعبووووووووو.....ر..... اصدى اتش دبوووور

ارغمتنى الظروف انى ادخل فيلم اتش دبور غصبن عنى و الله حتى اسألو بووه و اوس اوس و مونمون.......وشوفت مواطن جديد من حثالة المجتمع و طبعا سينما الشوربة المصرية الاسوأ انتاجا و توزيعا و تسويقا نطت بيه و عملته دكر السيما او بطل بالمفهوم العملى
لمبى جديد...جربان بس استايل....شعره منعكش و كله تراب.....بس الفرق بينه و بين الليمبى انه من شريحة اجتماعية اخرى
و اللى بيجمع بينه و بين الليمبى ان الاتنين شخصيات عشوائية
بس ظروفهم الاقتصادية مختلفة بعض الشئ
لما ظهر اللمبى بتاع محمد سعد السينما المصرية اتقلبت ....و ارتفع اجر حتة صعلوك من كام جندى لكام ارنب
نجاح كبير كيييييك نط بحتة ممثل بيدور على اى دور سنيد الى نجم الايرادات الاول
و من حسن الحظ ان التاريخ مبجددش نفسه مهما حصل....فها هو لمبى جديد تم استنساخه و سمى نفسه اتش دبور
بس يا رب الجمهور المصرى ميتلدغش من لمبى مرتين........ايه الحكاية يا جماعة؟؟؟؟
ظهور اللمبى فى السينما عمل صدمة اجتماعية علشان كدة حقق نجاح كبير ..... علشان لفت الانظار لناس من الجتمع الفقر طلع ميتينها فعاشت على هامش المجتمع ..... شريحة من الناس كنا بنحس بيها بس مكناش بنفكر فيها ....العالم السريحة اللى بيسكنو فى البيوت العشوائية و اللى ممكن يعملو اى حاجة للى يدفع .......اما الشريحة اللى نطلنا منها عم دبور فهى مختلفة.....بتعبر عن الناس اللى اصابهم ثراء غير متوقع او مفهوم فى فترة اقتصادية بيقولو اسمها مرحلة الانفتاح....حيث طفت شريحة لتحتل مكانة ليست لها اجتماعيا و تفرض سلوك شديد الفقر و الركاكة و الخشونة و العباطة فى تصرفاته و ثقافته زى اللى بنشوفهم فى الحتت دى زى كارفور و سان ستفانو ...
ما تيجو نشوف ازاى عم دبور ده طلعلنا
التقط صناع مسلسل تامر و شوقية شخصية هيثم دبور من نماذج شبابية يرونها و قد اعجبهم منظر الشخصية من غير ما يدورو على اصلها و فصلها ....و اكتفو بان استايله استرانج...بيقلد الشباب الامريكى الروش اصدى صيع امريكا او شباب الرابرز و العصابات
و بيتكلم شوية اجنبى على عربى و بيستخدم لغة الطرطرنت.....و كانت شخصية لافتة لدرجة ان الزعيم عادل امام و الحاج يوسف معاطى اخدوه معاهم فى فيلم بتنجان احمد بتنجان ...علشان يكون نموذج لشاب فى جامعة خاصة....و اول حاجة فكرو فيها يبينو ان ابوه حرامى بنوك و مسجون .....و جالنا فيلم اتش دبور على طريقة ارشميدس((((وجدتها )))) ....ليقدم صناعة احمد مكى دبوور و احمد فهمى و محمد معتصم صاحبى مهمة التأليف و سرقة الافيهات و احمد الجندى عملنا عم المخرج .....فيلم معفن عن شاب بيحب يحلو بشوية روشنة امريكانى ...... والده كان حتة عامل وبعدين بقى صاحب اكبر شركة تجميل و اتسجن مفهمتش ليه و طبعا جسد الدور ده حسن حسنى فى اضافة جديدة لادواره الهابلة .......و يصبح عم اتش ملوش مكان يعيش فيه و يروح يعيش فى حى شعبى زى اللمبى بس بمظهر ديفرنت و الفاظ اجنبية مش لوكال ....و كوم بيبى كوم .....يا حسرة علينا..مش قضيتنا
على فكرة الفيلم فى حتت تضحك خاصة فى حركات احمد مكى و و الافيهات البذيئة اللى بنستخدمها على الموبيلات و فى النت....و اللى يبدو ان الرقابة مش فاهمة حاجة منها واصل نظرا لانهم بيهتمو بالمناظر اكتر
بس طبعا ده ميمنعش ان الفيلم ممل فشخ فى كل حاجة فيه و كل الممثلين الى فيه تحت المستوى...
المهم بقى....هو مبقاش فيه حاجة ممكن تضحكنا سوى العباطة و ولاد الشوارع اصحاب السلوك الزبالة لفظا و حركيا .......معتقدش.....بس يا رب يكون اتش دبور نهاية لظاهرة اللمباوية

الوله ده أنا ما بقبلوش خالص

NO COMMENT YA MILANO

هو الفيلم مش قد كده

وبعدين الرقابة استحالة تكون فهمه الحجات ديه

بس احسن واحد عجبنى فى الفيلم الولا سامح حسين

مسخرررررررة

( دولة حبيبي )

زائر

عندك حق في كلامك كله
برافو عليك
وانا معاكم الرقابه دول شويه جهله مش بيفهموا حاجه

هو احمد مكى كويس واستايله جديد ولذيذ
وسعت منه قوى انه يعمل فيلم لوحده هو ممكن يطلع كده زى السلطه جانب الاكل بس ميبقاش هو الوجبه الرئيسيه
وانا مشفتش الفيلمك عشان اقدر اتكلم عليه

انا لسه مدخلتش الفيلم
بس نيس توبيك
كلامك صح يا واد

زائر

ايه يااااااااعم داخل فى الراجل شمال وهوه معملكش حاجه
انا شايفه ان زيه زى غيره
ما كل يوم يطلع علينا ناس غريبه وبتعمل حاجات اغرب
فمجتش عليه

وبعدين المهم ان الناس تدخل وتضحك وتفك عن نفسها

ولو مش عجباك قصه الفيلم

اذا كان اصلا حياتنا عباره عن قصه فاشله ملهاش لازمه اش حال بقى فيلم كل غرضه يجيب فلوس يسد بيها الاقساط اللى عليه عشان عليه حكم 7 سنين بسبب شيكات من غير رصيد ب5تلاف جنيه

ولو على الكلام فمش كل اللى دخل فهم الكلام
انا بقترح كل واحد يدخل يجيب مترجم معاه لان انا نص الفيلم مفهمتش بيقول ايه

CEO & CHAIRMAN

يخربيتك يا علاء
هو انت اتعديت من اتش دبور ولا ايه
يعني بتلومه و انت الفاظك في التوبيك
ميصحش يعني
ماشي ماشي
و بتعايب عالرابرز
و انت نفسك تيجي معايا جافا تشوف التحدي بتاع الرابرز
و نفسك تعمل فريق راب
بامارة مكنت مستنيني النهارده عشان تجيب صاحبك كوستا و تيجي عشان نكون الفرقة
هههههههههههههههههههههههههههههههههههههههههههههههههههههههههههههه
ماشي يا علء
مصيرالدنيا كلها تضحك عليك زي ما بتضحك علي الواد الغلبان اللي اسمه احمد مكي

مهيس جامد الاسم : مصطفى

a7a وخد فطيرك ملت الشارع

انا مشفتش الفيلم عشان احكم
بس انا بحب اسلوب احمد مكى
بس على شرط ميسوقش فيها
وتبقى مصيبه لو عمل زى اللمبى
انا مش بكره ممثل ولا شخصيه فى فيلم
قد مابكره محمد سعد ده
يييييييييييييييييييييييييييييععععععععععععععع

حرام عليكوا على فكره بصوا انا مشفتش الفيلم بس شكله لذيذ اينعم اكيد هايف بس لو على الهيافه كله تقريبا كدا وبعدين انت فعلا داخل تضحك وتهزر لو عايز افلام كويسه وليها قصه عندك برضوه مش حرمينك من حاجه وميما بقولك ايه كلوا اللى محمد سعد دا زى العسل احذرى بقى منى انتى لو تعرفى شخصيته الحقيقه متقوليش كدا دا راجل محترم جدا وبيس عليكوا