سوف نظل اغبى شعب فى الكون

مش عارف اقول ايه بس افخر انى احط اول توبيك فى هندسة مهيسة
و بلاش كلام كتير علشان الموضوع اللى بكتبه ده جد مش هياس
ندخل فى الموضوع
ما بين لاعب رفعه المصريين فى السما و اعطو له اكتر من حقه و ديكتاتورية نادى أرف دماغنا بالقيم و المبادئ و الاخلاق و الذى منه , و هبل و عبط شوية قنوات فضائية عقلها فى الكوتشيهات و الجزم اللى لابسينها.....تصادف هروب اسطورة حراس المرمى مع موت عالم جليل بصورة درامية , و طبعا بكل تسطيح و تفاهة و بلاهة فردت الفضائيات و الجرايد و المنتديات المساحات و الحوارات و الجدل للسيد عصام الحضرى , و تجاهلت تماما الدكتور صوفى ابو طالب عميد كلية الحقوق و رئيسجامعة اسكندرية و رئيس مجلس الشعب و رئيس مصر مؤقتا فى احرج ايامها ....كل المناصب دى مشفعتش للراجل عند الفضائيات و المنتديات و الجرايد علشان تهتم بيه و تديله المساحة اللائقة .. بل لم يشفع للراجل الجنازة الرهيبة و حضور السيد الرئيس محمد حسنى مبارك رئيس الجمهورية علشان تلقط اهمية الحوار و تتعامل معاه بشكل محترم و بمنظر يليق بمكانته و عطائه لمصر.... وسائل الاعلام المصرية اللى بتدبح كل يوم فى الحكومة بدم بارد و مش لاقية اللى يحاسبها على انها لا تقوم بأقل ما يمكن لوظيفتها و هى كدة بتكرس الفوضى و التسطيح و الغباء و بتقول للجميع انها بلد المناصب و ان اى صاحب منصب ميسواش نكلة تانى يوم بعد ما يخلع من منصبه و خاصة لو مكانش تبع المعارضة اللى مقضية حياتها طبل و زعيق على الفاضى و المليان ... المرة دى بقى ظبطنا وسائل الاعلام و المنتديات متلبسة بفعل فاضح بينما كانت الحكومة و النظام عند مستوى المسؤليه فى الاحتفاء برجل اعطى عمره لهذا البلد .....
كدة بقى الراجل مات فطيس اعلاميا بين ارداف الحضرى و هى تهتز على انغام (( ارقص يا حضرى ))
مشكلة دكتور صوفى انه ظل بيستخد عقله فى زمن الجزمة
انى افخر بأنى احمل جنسية هذا الرجل العظيم
و أفخر ايضا بأنى اعطيت له مساحة من منتدانا العزيز تكريما له
و لا افخر بأنى من افراد هذا الشعب الغبى التافه
رحمه الله عالما جليلا و دكتورا عظيما
(( فقد عاش رجلا و مات رجلا ))
ميلانو نورتون على سليم
milano_norton @ yahoo .com

[b]اهلا بيك با بشمهيس علاء
و انت هتدخل معايا ادمينستراتور
انا بجد برخب بيك
و بجد بقدر مشاركتك دي
الراجل ده بجد مخدش حقه
و المفروض كلنا
نعرف الراجل ده
الراجل ده هو اول واحد بجد ازعل علي موته من المفكرين من بعد عبد الوهاب مطاوع و احمد فراج
الله يرحمه
اهلا بيك

مشاركة إيجابية جدا يا ميلانو.
أنا فى رأيي إن الإعلام بقت وظيفته دلوقتى إنه يغيبك.
معظمه طبعا...99% ولا أكتر كمان.
بيحصرك فى إتجاهات معينة.
مش عايزك تشوف ولا تسمع غيرها.
والهطل ده بقى على افا من يشيل.
يا راجل ده حتى يوم فرحتنا بكاس الأمم ده.
فى قناه لقيتها جايبه الفريق الكاميرونى كله بالمدرب بتاعه.
ومشغلالهم أغنيه أطفال هبلة كده بتقول(معلش ماتعيطيش يا كميلة).حاجة كده.
يعنى أنا ما شفتش بلد بتفرح بالتخلف ده.
اللى قصدت أقوله ان دى سياسة اعلام كامل الهدف منها نفصل الشعب عن المفيد والقيم والمحترم.

عندك حق فعلا انا الموضوع قرأته بالصدفه فى عمود مش فى خبر كمان واتضايقت فعلا
بس السطحيه بقت صفه من صفات المجتمع والعرب كمان
الله يرحمه

اهلاااااااااا
مرحب بيك يا عيلاء
ولو اني مش عارفاك بس حفظتك خلاص

والله انت عندك حق انا غن نفسي شايفه اننا موضوع الحضري ده اكتر بكتير من حقه لانه مكانش يستاهل ده كله و اسفه جدا علي الرد المتاخر ده