بجد و انا بشوف الدخلتين صعبو عليا جدا
بجد لاول مرة احس انى مشفق عليهم و صعبانين عليا و انا شايف فشل ورا فشل و تفوق كاسح لالتراس اهلاوي فى كل شئ
الحقيقة اللى هما بيحاولو يخبوها ان التراس وايت ناجتس كاسم مش معروفة اصلا الا فى منتداهم المعاق اللى مفيهوش غير شوية اطفال بيردو على بعض
يطلع عم الطفل يقول احنا احسن التراس فى مصر يخشو الاطفال يغنو و احنا معاه
و ادينى فى الهيافة
مش هتكلم غير على شئ واحد بس
الضربة الساحقة الفنية اللى اضربت يوم الدربى الاخير
مش هقول بايرو شوز و لا هقول اقوى و اكبر تيفوهات ولا هقول سيطرة و مين التراس بجد لان كل دا محسوم ومفيش مخلوق عاقل ممكن يتكلم فية الا لو كان مبيفهمش
هتكلم بس على دخلتين ادام بعض و انا بتفرج عليهم فى التليفزيون فى بلد غريبة وسط ناس لا فاهمة يعنى اية التراس ولا فاهمة يعنى اية دخلات
بس كفاية انى اكون وسط بشر لما شافو دخلة الاهلى انبهرو و قالو مستحيل دا يكون فى مصر و بجد كنت فخور و انا شايف تيفو مرسوم بحرفية عالية جدا و لاول مرة فى التاريخ دخلة مبنية على الفن الفرعونى و استكمال لمقولتنا المشهورة احنا مصر
بنصور ان الدم المصرى دايما متفوق و دايما متسيد من قديم الازل
و الكلمة بتحرق قوى يا جماعة كفاية الكسفة اللى الناس اتريقت على الزملكاوية لما قرو اليافطة 7000 سنة من السيطرة و تستمر الاسطورة فى ناس كانت عايزة تدفن نفسها صاحية و خصوصا وسط ناس مش مصرية و دا احساس رهيب رهيب
اما الكوميديا فالكاميرا برضو قالت نبص على جمهور الزمالك
مش هقول غير صباح الكوميديا لما الكاميرا جت عليها و صباح الضحك الناس مبقتش عارفة دا رسم اطفال فى ابتدائى ولا حضانة ولا دى صورة من عيل بيرسم على الحيط و اية الهرتلة و جنية الجيوانات دا فعلا يتقال علية تلوث بصرى
و شرايط فشل فى رصها و كلام اهبل قال السيناريو المنطقى
منطقى اية يخرب بيت ام الكوميديا انتم اللى زيكم انتحر و دفن نفسة من سنين
اللى زيك يتكسف يفتح بقة
ضحكو عليهم الناس و صباح التريقة بجد
اول مرة اشوف ناس تجيب التريقة على نفسها بهبل و هما فرحانين
بالظبط بالظبط كانك جايب عيل فاشل بيطلع الاخير على المدرسة وطلع وقف ادام المدرسة و قالهم السيناريو المنطقى انى اخش كلية طب !!!
طبعا الفقرة الكوميديا خلصت و طيب الله مساءكم
و كانت كوميديا بمعنى الكلمة
دخلاتنا مفيش واحد نساها و محفوظة فى عقل كل اهلاوي و كل كلمة بنقولها بتكون كشعار
من اول اللى خايف يروح ايام الرابطة لحد احنا مصر و الستة واحد و حاليا 7000 سنة من السيطرة و تستمر الاسطورة
كلام معبر وواقعى عشان كدا بيعيش
عكس الكلام الكوميديى و الاهبل اللى مبيجيبش الا التريقة لصاحبة الاهبل
و احب بس اعلق على شئ
الاخوة عندهم عقدة نقص رهيبة ... يعنى مثلا عيل بيئة خارج من عشوائيات نفسة يعيش الدور و يعمل فيها ابن ناس عمال يقولك "باش" ياخى باش ستين نيلة انت عشان قابلت واحد مغربى هتعملى فيها معووج لسانك و انت اصلا لا فاهم يعنى اية فرنساوى ولا فاهم يعنى اية لغتهم و يقولك اصلة لما يتقلب يعنى اهتراض
يا عم روح ادفن نفسك صاحى يا عم المحدث يا اهبل
اللى بيعترض يعترض ساعة الماتش
يعنى الى اعرفة ان الاعتراض دا بيكون اعتراض على العلن مش قبل الماتش ب4 ساعات متعلق بالمقلوب و بعدين وقت الحدث تعدلة
دا ان دل على شئ يدل على العقلية الهبلة الى بنواجهها و انهم ناس محدثة و عندهم عقدة نقص و المستوى الاجتماعى فارق معاهم فعايزين يقولو انهم ابو على وش الدنيا و بقو يعرفو يتكلمو كلمتين مغربى على كلمة فرنساوى على كلمة ايطالى و صباح الكوميديا
و نسيت اعلمهم شئ ان قلب البانر مش بس اعتراض لا قلب البانر كمان تريقة و استهزاء زى مشفتو علمكم متعلق فى مدرجنا بالمقلوب ايام مكنتو لسة مش فاهمين يعنى اية و لما سالتو حد كبير فهمكم ان دا قمة الاستحقار و الاستهزاء و كان دا من زمن قبل متيجى دلوقتى يا محدثين تقولو بق تبرير لفشلكم
دخلة فاشلة و فكرة افشل و غير واقعية و غير معبرة
تيفو اهبل و رسم تحس انة مرسوم بالرجلين
شرايط سودا متفهمش اية علاقتها بالدخلة و فردتها زبالة طبعا
الدور الفوقانى كان المفروض فية استكمال للدخلة لكن جمهورهم الاصيل احسن جمهور فى مصر على رائيهم هو احسن جمهور يشجع فريقة فى التكييف اصل كراسى الاستاد بتقرصهم و القعدة وسط الناس دى بتقرفهم
اخيرا مش عايز اى اهلاوي يناقشهم تانى و سيبوهم على هبلهم و خليهم عايشين فى انهم احسن ناس فى العالم زي مهما شايفين ان فريقهم احسن فريق فى العالم
خلاص هما مبسوطين
انتو فى بلدكم يوم مبيتقال التراس الناس بتقول اية؟؟؟ صحافة اعلام جرايد حتى على القهوة
حد بيقول وايت ناجتس؟؟
حد يعرفها؟
شوفو برامج التليفزيون و الصحافة شفتو مرة حد جاب سيرتهم ولا حت نطق وايت ناجتس؟؟؟؟
دول يوم مبيقولو رابطة الزمالك لازم تكون بعد كلمة التراس اهلاوي حتى مذيعين كتير يبقولو التراس زملكاوي و دا ان دل على شئ يدل على جهلهم بيهم
خليهم عايشين فى الجيتو بتاعهم و خليهم فرحانين بنكش الفراخ اللى بيعملوة و ادعولهم ربنا يرزقهم كدا بحد يديهم قرشين بدل الفقر الى عايشين فيه و الشحاتة بالتليفونات و كفاية اننا عندنا رجالة كل شئ اكتفاء ذاتى بمجهودات رجالتنا و رجالة بتدفع بجد و بتشتغل بجد و ناس بتحب فريقها بجد و مش هما الى بيتكلمو لا الناس الى بتتكلم
خشو على مواقع النت شوفو اشادة الناس بيكم
انزلو الشارع شوفو الناس بتقول عليكم اية
خليهم هما يشكرو فى نفسهم و يشكرو فى جنينة الحيوانات بتاعتهم
و خلي الحقد ياكل قلبهم لما ملقوش كلمة يقولوها قالو فى قطع فى التيفو
شوفو كام واحد علق على دا الا الفشلة الناس كلها انبهرت بالشكل العام و القطع مكانش مؤثر الا على الحقودين الى هيموتو بغلهم و عارفين انهم فاشلين فاشلين
يقومو يعملو اية
خش يلا افتح توبيك قول احنا احسن ناس فى مصر
يخش الاطفال وراه و احنا معاه
و تستمر الكوميديا
و فعلا
اضحوكة من 1911 و اضحوكة للابد
الثلاثاء أغسطس 19, 2008 3:31 pm
