مع اني بنت بس الموضوع للرجال فقط!!!!!!!!!

طرق العكننه علي الزوجه


الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انت ؟ ولو حاولت

ترجع تنام تانى قول لها مادام صحيتى حضري الفطار بقى





اذا كنت بتتفرج على التلفزيون وهى عايزة تغير القناة 00 قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب



( ملاحظة : اغلب النساء ذو ثقافة كروية ضعيفة )



اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة





طبعا يراعى ترك اثار سمنة على الارض مع ترك التلاجة مفتوحة وقشر

البيض فى الحوض





فى عيد ميلادها زينلها تورتة عيد ميلادها بخمسين شمعة ولو سألتك لية

خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة



لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها





متنساش رأيك فى طبيخها لو عاملة لحمة قول لها حلو اوووى الفراخ دى 00ولو طبخة بامية 00 جميلة اوى الملوخية دى حطة عليها اية يا حبيبتى ؟؟ ولو عملة كيكة قالها انا بحب اشرب شاى مع البسكويت الحلو دة !!









لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !









لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية





لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى

دى فين ؟؟







وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبك تقعد تستريح جنبك بصلها وقولها حبيبتى معلش ممكن كوباية مية علشان ضهرى بيوجعنى !!
منقووووووووووووووووووول

فى البدايه انا لسه مجوزتش ومش ناوى
بس حبه حاجات حلوه بس مكلفه انا عايز اقرفها ده ان وجدت باقل مجهود مش اشترى حلويات واكل بيض كمان ووسخ حلل وادفع لا لا لا لا
انا مينعنيش الحوارات ديه
بس حلو فى انتظار المزيد

يلا عشان نهيس شويه بس انصح البنات والسيدات انهم يلزموا الهدوء التام

يا بنتى دول لو بس فكروا يعملوا حاجه من دى هيبقى اخر يوم فى عمرهم
امال السكاكين والاكياس البلاستيك هيتعمل بيها ايه؟؟؟؟؟؟

عندك حق لازم يحذروا

طيب انا جهزت السكاكين
هاتى انتى الاكياس البلاستيك
بس هاتيها جامده اووووووووووى عشان تستحمل

يعنى انا غلطانه انى بقول اكياس بلاستيك وجامده كمان
انا فعلا غلطانه انى خايفه على ما تبقى من اشلاء الرجاله
بلاش اكياس بلاستيك خالص
واحتج براحتك
البقاااااااااااااااااااااااء للاقوى

لالالالالالالالالالالالالالالالالالالالا انا قلبى ضعيف مش استحمل المنظر فى الكبه يعنى افرض وانا مشغله الكبه لقيت عين طلعالى اعمل ايه انا ساعته
لا انا مستمره فى موضوع الاكياس البلاستيك وممكن نشيلها فى الفريزر وبعدين نطلعها ونشويه وتتاكل برده وهبقى عامله ريجيم

وانت عرفت منين ان هى بتبقى تحفه
اكيد جربتها قبل كدا

يا حول الله يارب وعلى كده بقى جوزها رجع ولا لسه مختفى

لا مشفتهوش لغاية دلوقتي[b]

صح موضوع الكبه ده مش مظبوط أفردى النور أطع هتعملى أيه أنت تضربيهم فى الخلاط أضمن

كده الخلع حيكون قريب ان شاء الله