فانوس رمضان

ايه الاسئله الغريبه دى يا ميلانو مش فاهمه نصها بس هجاوب وخلاص معلش بقا الصيام مأثر عليا

1-اول فانوس جالى بقا كان فانوس


2-بابا هو اللى كان جبهولى
3-كان شكله فانوس عادى بردو بس انا شايفه ان مفيش منه دلوقتى هو مكانش بشمعه ولا قديم بس كان فيه حاجات مميزه متلاقيهاش دلوقتى كان البلاستيك بتاعه ملون وكان نازل منه حاجات حلوه هلالات ونجوم ملونين بردو وكان بينور طبعا وكان بيغنى بس مش فاكره كان بيقول ايه بالظبط عشان هو دلوقتى مش بينطق الحقيقه بس لسه موجود يعنى كتر خيره بقاله تمن سنين
4-كنت فرحانه بيه اكيد بقا
5-كنت بنزل بيه الجامع واقرف الناس وهما بيصلوا بقا وكانت ماما بتصحينى بيه للصحور وكنت ساعات باخده معايا تحت البطانيه ينور فى الضلمه
6-هو الفانوس اللى بحكى عليه دا لسه عندى وكل سنه بجيب فانوس بس مش بيعيشوا اوى معرفش ليه بس انا بحب اجيب فانوس عشان احس برمضان ومش بعتبره شغل عيال ومعرفش ليه فى ناس شايفه كدا بس اانا بحب اعمل الحاجات اللى اتعودت عليها ومش بحب ابطل حاجه اتعودت عليها يعنى