سنه جديده...و مصيرية

بسم الله الرحن الرحيم

اولا ازيكم يا شباب .. و حابب اقولكم طبعا كل سنه و انتو طيبين النهارده الخميس و طبعا بعديه الجمعه و الطبيعي انه يكون بعديه السبت .. و طبعا كلنا عارفين السبت ده فيه ايه .السبت ده يا باشمهندسين المفروض انه هيكون بدايه حياتك طبعا كل واحد مستغرب من الكلام يعني ايه بدايه حياتي؟؟
انا هبتدي القصه اياها اللي انتو عارفينها من الاول الواحد بيبتدي حياته الدراسية من اولى ابتدائي و طبعا امل اهله فيه انه يطلع دكتور ياما ظابط يا اما مهندس مش فارقه معاهم المهم اي حاجه من الحاجات الكبيره دي من اللي تخلي الواحد ماشي و ابنه جنبه كده و هو نافش ريشه هو و ابوه المهم عشان ماطولش عليكم...بتخلص الابتدائي و بعديها الاعدادي و منها للثانوي و نييجي لبدايه المصيير ....
الواحد من اول ما بيدخل تانيه ثانوي و منه لتالته و المذاكره في حياته هي رقم 1 و طبعا اهله عندهم الاستعداد انهم يدفعو من جنيه ل الف في مقابل انهم يحققوا حلمهم والولد يدخل كليه من كليات القمه طب انت فين دورك من الكلام ده ..اهه انا بعمل اللي يقولي عليه اهلي و عشان ابسطهم...المهم ..بتقعد تذاكر و تدخل الامتحان و يوم النتيجه بيكون اهلك فبلك على اعصابهم يارب تجيب مجموع المهم يطلع المجموع تبقى مش عارف هتدخل ايه و معظمنا بتكون العمليه معاه مش فارقه اهه ادخل اي حاجه اخد منها شهاده و السلام..المهم جاتلك هندسه و صرت مهندس
.......
من هنا طريق حياتك و مستقبلك بدا يترسم و عرفت انه سلمه اللي هتطلعها
المهم دخلت اعدادي و طلع عينك و دخت شويه ودخلت الامتحان وهب طلعت النتيجه و منها التنسيق
و عرفت انت دخلت قسم ايه يعني انت بقيت مهندس كذا يعني بدايه من هنا اكتملت صوره مستقبلك....

طيب انا بقول الكلام ده ليه؟؟ انا يقوله شان اوصلك
انك قبل كده كنت بتذاكر عشان اهلك عشان تفرحهم عشان تخلص من زنهم كل شويه ذاكر ذاكر
لكن دلوقتي انت لازم تذاكر عشان نفسك عشان تحقق ذاتك قبل كده كنت بتذاكر و مش عارف اخره المذاكره دي ايه لكن دلوقتي انت عارف انت ايه و في النهايه هتكون ايه

يا جماعه الكلام اللي بقولهولكم ده عن تجربه اللي انت هتعمله لنفسك دلوقتي هتلاقيه بعد كده ..ارسم لنفسك صوره شوف عايز تكون ازاي لما تتخرج و على اساسه اشتغل لو عايز تكون مهندس كويس و ناجح يبقى لازم تذاكر دلوقتي لكن لو عايز تقضي الايام كده في الكليه كلها هياس في الاخر صدقني هلتبس مقلب جامد في الاخر و هتقول ياريت اللي جرى ما كان

خلاصه الكلام
اولا كل سنه وانتو طيبين الدراسه السبت
ثانيا السنه دي مش سنه عاديه هو ده الاساس اللي هتعيش عليه باقي حياتك لغايه ما ....
ثالثا لا تقتصر على المذاكره فقط و لكن حاول تفتح مجال للحوار مع الدكاتره بتوع القسم لان دول اللي هيعلموك و لو وصلت انك
تاخد منهم المعلومه غصب عنهم
رابعا ارجو الموضوع يتاخد على محمل الجد و مايكونش اهه كلام بيتقرى في و السلام
و في النهاية ارجو لكل واحد فيكم التوفيق و النجاح في حياته كلها

نيس توبيك يا سيمبا
بجد والله ربنا يكرمك وكل الكلام ده ميه ميه

جميل جدا وشكرا اوى على الكلام الحلوه وان شاء الله حنخده بجد
وانت شكلك تفكيرك جامد وان شاء الله ربنا يكرمك وتكون زى صورة الشرف الى رسمتها لنفسك
وربنا يوفقك ويوفقنا فى الكلية والسنة الجديدة ان شاء الله Very Happy

CEO & CHAIRMAN

تمام يا سيمبا
ربنا يوفقك و يوفقنا
و يوفق الجميع
و علي طول متميز يا اخي

كلامك صح يا سيبما وبجد ياريت نقدر نحققه ميرسي ليك

كلامك صح أوى يا سيمبا
سنين التخصص دى موضوع مختلف تماما
وكمان التدريب الصيفى بيخليك تحتك بالشغل بجد وتشوف تطبيق اللى درسته عملى
يعنى ناس كتير بتعرف تضرب شهادات التدريب دى وهيا قاعدة فى البيت ومرتاحة
بس صدقونى بتخسر كتير
فانتو ان شاء الله هتبدأو من بعد سنة أولى التدريب الصيفى
ياريييييييييييييييييييييييييييييييييييييت ما تضيعوهوش حتى لو هيجيلكو ممضى لحد البيت
نيس توبيك يا سيمبا ربنا يباركلك

مشرف الاسم : سمسمه الكلية : هندسة

ربنا يوفقك ويوفقنا كلنا يامهندسين تحقيق الذات مش صعب بس عايز اصرار وصبر نيس توبيك