نصايح مهمة لشعرك

ورررررررررررررررجعتلكو تانى
والله وحشتونى مرة مرة
وكل سنة وانتو طبيبن

طبعا السنة الدراسية الجديدة بدأت
واحنا خارجين من الصيف
وفى بنات كتييييييييير شعرها مدمر من المصيف
واللى مش مدمر من المصيف هيدمر من الدراسة
الحمد لله احنا محجبات...واللى مش محجبة ربنا يكرمها قريب بإذن الله
فشعرك طوووووووول اليوم متغطى وحراااااااان جدا
وده بيخليه يضعف ويقع ويتكسر...طيب نعمل ايه؟؟؟ تعالى انا هقولك

- وانتى بتربطى شعرك قبل الإيشارب...بلاش عملية الإغتيال أرجوكىىىىىى
انا بشوف بنات بتمسك شعرها زى مايكون بتقطعه وتحط ستين توكه وبجد بتجبسه.
كده طبعا هيتكسر ويقع
حطى توكه واحدة بس وتكون صغيرة ولو لسه بيتفك حطى دبوس واحد بسسسسسس

- أحسن إيشارب هو القطن طبعا بس بيتكرمش بسهولة ومش حلو أوى يعنى
فممكن تلبسى حراير وقماشات بتخنق شعرك وتحرره
البسى بأى تحت الإيشارب باندانا قطن وتبقى مش باينه عشان تمتص العرق من شعرك

- خلاص الحمد لله رجعتى من مشوارك؟؟؟؟ أول حاجة تعمليها..فكى شعرك بسرعة وسيبيييييييه.
طول مانتى فى البيت خليه يتنفس..مش خنقة جوه وبره.

- طيب أغسل شعرى ازاى؟؟؟
مش كل يوم..عشان تدى فرصة للغدد اللى بتفرز الدهون تشوف شغلها.
يعنى كل 3 ايام يبقى كويس اوىىىىىى

طيب أغسله بإيه؟؟؟ بأغلى شامبو طبعا
لأ ده كلام مش مظبوط
مش لازم الشامبو الغالى اوى يكون هو أحسن شامبو ليكى
فى بنات الدوف والهيربل إسينسيز بوظ شعرهم
فانتى جربى الشامبو المناسب ليكى...ولما تيجى تجربى اشترى عبوات صغيرة
عشان لو مكانش كويس..ماتبقيش لبستى الشامبو كله عالفاضى
وحطى الشامبو على شعرك مش على فروة راسك

- لازم لازم لازم بلسم بعد الشامبو
عشان ده بيغذى شعرك
وبلاش تجيبى الأنواع المصرى التعبانة

- برضه لازم حمام كريم عشان برضه يقوى شعرك ويمنع التساقط
وبتعمليه مرة واحدة بس فى الاسبوع كفايا اوى
بس المهم جدااااااااااااا انك تلتزمى بالوقت اللى مكتوب عالعلبة
يعنى الوقت اللى هتسيبيه على شعرك
لأن لو سبتيه على شعرك أكتر..بيعمل نتيجة عكسية ويوقع الشعر
وبرضه حطيه على شعرك مش على فروة راسك

- خلاص غسلتيه الحمد لله؟؟؟
نشفيه بالراحة..اوعى تعصريه بالفوطة
وبلاش نتشفيه بالمجفف(السشوار)..لأنه برضه بيضعف الشعر
طيب غسلناه...هانرجع نكومه تانى؟؟؟ لأ سيبه مفكوك عشان يتهوى

- الزيوت بأى دى كارثة
مش حلوة خالص للشعر
يعنى الأفضل انك تستعملى كريم
وبلاش نسترخص وبلاش المصرى
جربى نوع كويس يناسب شعرك واشترى عبوات صغيرة لحد ماتوصلى للنوع اللى يعجبك

- آخر حاجة بأى
لو شعرك فى مشاكل
تلفان يعنى
ممكن تستعملى سيرم (Serum)
معلش هو ملوش اسم بالعربى
ده عشان الأطراف الجافة والمتشققة او الأجزاء البايظة فى الشعر
وكمان ممكن تاخدى فيتامينات بتقوى الشعر بس طبعا بعد ما تستشيرى دكتور

بيييييييييس عليكم

جاااااااااااااااامد التوبييييييييييك يا مشمش انا الطرح وانتى الشعر بيييييييييييييييييس نايس توبيك بجد والله استفدت