YURI
CEO & CHAIRMAN
 | موضوع: ψE m p y r i u m ψ امبريم الموسيقي الحقيقية EMPYRIUM ... THE REAL MUSIC  الأحد نوفمبر 02, 2008 2:47 am | |
| Empyrium باند ألماني بدأ مسيرته الفنية سنة 1994 على أساس انه باند Dark Symphonic Folk Metal واللي تأسس بواسطة Markus Stock أو Schwadorf وده اللي الاسم المشهور بيه..و Andreas Bach و Nadine Moelter
و Empyrium كانت بدايتهم مع البوم ديمو – كالعادة – وهو Die wie ein blitz von himmel fiel واللي كان نزوله غير مؤثر بشكل كبير ل وضع الباند وإن كان على المستوى الفني كان عالي بالمقارنة بأنه أول اصدار ليهم...انما بداية Empyrium الحقيقية كانت ايضا تمثل بداية للشركة المنتجة لالبوماتهم productions prophecy والبداية كانت مع البوم Wintersunset وكان احد اهم اسباب نجاح الشركة على الرغم من انه كان اصدار ديمو الا انه كان كافي جدا لإنه يعلن لجمهور الـDoom Metal عن ظهور باند انا بعتبره – في رأيي الشخصي – احد أروع باندات الـDoom على الإطلاق .
من أول انطلاق الباند وكان واضح انه باند همه الاول والاخير هو توصيل
رسالته وموسيقاه بغض النظر عن العائد المادي وده هايتضح من البوماتهم
والمفاجأت المستمرة اللي بتحملها لجمهورهم
البداية كانت مع البوم A Wintersunset
سنة 1996 الالبوم ده اعتمد على التعامل مع الجمال الساحق للطبيعة حيث اكد
اعضاء الباند ان الطبيعة هي مصدر الهامهم الاعظم ...فكانت رسالتهم في
الالبوم تحويل الجمال ده لموسيقى استخدموا فيها طبقات عالية جدا من
التناغم الموسيقي بواسطة جيتار الكتروني و اكواستيك مع درامز كخلفية ,
وصوت Clean Vocal عميق بطبقة أقرب للطبقة الاوبرالية ..وفي غالب تراكات الالبوم الايقاع بيكون بطئ في الاول وبيسرع تدريجيا .
وفي عام 1997 كان الموعد مع تاني البومات Empyrium وهو Songs of moors and misty fields وكان اعمق من الاول خاصة لى مستوى الكلمات واللي ألفها Schwadorf
واللي بتدور حول الخيط الرفيع اللي بينا عالمنا الداخلي والكون الكبير
واللي بتحسسك بمدى ضألتك وعدم قدرتك على موجهتها ولا مواجهة غضبها
...وموسيقى الالبوم ركزت بشكل رئيسي على الفلوت والبيانو ..بإحساس روح
القرون الوسطى بشكل ممكن فعلا يفصلك عن الواقع تماما ..وده كان بيحصلي
كتير بالذات مع الالبوم ده .
وبحلول خريف 1999 تم اصدار الالبوم الثالث Where at Night the Wood Grouse Plays واللي اعتبره الكثير مفاجأة لجماهير Empyrium
لإن الالبوم خلا تماما من اي استخدام لجيتار الكتروني ..وكان التركيز
بالكامل على الاكواستيك جيتار والفلوت ..وايضا التركيز الكامل على الـClean Vocal من غير اي Brutal Vocal
مما سبب صدمة للكتير من المعجبين ..على الرغم من كده الا انه كان تأكيد
على ابداع وعبقرية الباند حيث انهم شكلوا محاكاة رائعة بين الجيتار
والفلوت والتشيلو من ناحية والتركيبات الكورالية من ناحية اخرى محققين
انسجام لا يوصف واشكال موسيقية تشبه الى حد كبير التركيبات الموسيقية
الرومانسية الفرنسية القديمة الي جانب القصائد الغنائية ذات الافكار
الفلسفية المستمدة من الطبيعة والصراعات داخل النفس البشرية .
بعد الالبوم ده وفي سنة2001 انفصل عن الباند Andreas Bach واللي أسس الباند مع Schwadorf وايضا انفصلت عنهم Nadine Moelter واتجوزت Schwadorf وانضم لـ Schwadorfالعضو اللي كمل مع الباند للنهاية Thomas Helm
وفي عام 2002 كان عشاق Empyrium على موعد مع اروع وآخر البومات هذا الباند العبقري Weiland
واللي كان بيأكد مدى تمكن اعضاء الباند من أدواتهم وان كل اللي فات مش
مجرد البومات ونزلت وخلاص ..بالعكس كانت الالبومات السابقة عبارة عن اعمدة
اتنصبت عشان يتبني عليها التحفة الابداعية دي المسماة Weiland , خمسين دقيقة من مايمكن ان يسمى ( النموذج المثالي لجمال الموسيقى في شكلها المجرد ) ..حد فهم حاجة ... لو
مافهمتش اسمع الالبوم ده بس بعد ماتكون سمعت الالبومات اللي فاتت ...
لماهاتسمع الالبوم ده هاتحس وكأن في أمامك عرض مرئي لضوء القمر على
الاشجار ,وموجات ناعمة على سطح البحر .. شئ عمرك ماهاتقبله ف حياتك الى مع
موسيقى من ابداع Empyrium ..الالبوم أولا مكون من 3 فصول الفصل الأول moormood وهما عبارة عن أول 6 تراكات وبيمثلوا وصف مذهل لهدوء وجمال الطبيعة وتناغم الانسان معها...الفصل الثاني عبارة عن التراك السابع Waldpoesie...حكاية ملحمية من 14 دقيقة لامجال فيها لملل أبدا ..تدور حول الغابة ..بكل مافيها من عظمة وجمال وخوف وظلام ....الفصل الثالث Die Schw!ne im Schilf. عبارة عن 4 تراكات تدور حول مياه الارض وخلفية موسيقية معتمدة بشكل رئيسي على البيانو.
من الاخر الالبوم ده يمثل مايمكن ان تفعله الموسيقى حينما تتكلم ...
وبعد اصدار البوم Weiland اعلن Empyrium انهم انهوا مهمتهم ووصلوا الرسالة الخاصة بيهم لجمهورهم ..وأعلنوا انفصالهم سنة 2002
أعضاء الباند
Ulf Theodor Schwadorf ------ Vocals, Acoustic guitars, Bass, Mellotron, Drums & Percussion
Thomas Helm (Andreas Bach)--------- Vocals, Piano/Keyboards
Andreas Bach -------- Synthesizer
Nadine Moelter -------- Flutes, Cello ,session
صور الباند :
التحميل
ضع ردا لتري الروابط
| |
|
