بداية جديده...................

بسم الله الرحمن الرحيم

ازيكم يا شباب ..بقالي مده شايف ركود في المنتدى و المواضيع اللي بتنزل اما مواضيع لعب او مواضيع حب و الكلام بقى مكرر ..و ده ادى ان في ناس كتير كانت فعاله و نشيطه معانا بدات انها توجه نشاطاتها في اماكن اخرى او قد اصابها ملل او كسل و بناء عليه فانا كنت عايز من كل واحد كان بيشارك او لسسه جديد معانا يرجع تاني ينشر مواضيعه ...
اكيد في منكم هايقولي ايه لزمه الكلام ده دلوقتي و كنت فين من زمان؟؟

يا جماعه المنتدى ده جه عليه فتره كان كل الاعضاء و المشرفين كانو شغالين فيه بنشاط و كان سبب في تغيير حاجات كانت سلبيه في حياه ناس و انا منهم
لكن دلوقتي المنتدى بيقتصر على كام واحد بيحط مواضيع و معظمهم مشرفين يعني منتدى مفهوش غير مشرفين و خلاص
طيب نيجي للمطلوب....المطلوب من كل واحد انه يبدا في نشر مواضيع من اول وجديد و بنشاط و اللي اهم من ده كله انه يكون في تنويع في المواضيع
عشان مايكونش في تكرار في الكلام او المواضيع يعني انا عايز يكون في مواضيع نقاشيه زي ما في مواضيع ترفيهيه...
و في النهايه اتمنى اني اللاقي تفاعل في المنتدى ووقتها هايكون المنتدى بدا بدايه جديده

CEO & CHAIRMAN

سبقتني يا احمد لكتابة التوبيك ده
و يمكن انا افضل ان الموضوع ييجي مني
فانا هضيف توبيك تاني في البوابة
فيه واحد اتنين تلاتة
هنعمل ايه لتعديل المنتدي
و الكلام اللي هيتقال فيه ده
اعتقد انه هيكون مصلحة للجميع
و شكرا ليك تاني يا سيمبا
و بجد اثبتت انك اخويا الكبير و عن جدارة

كلامك ذى الفل
وصح من هنا لبكرة
أحنا بقينا مجموعة من المشرفين
بنشرف على بعضنا
أنا عن نفسى إن شاء الله
من نحيتى إن شاء الله أنعش منتدى الموبايلات من جديد
بس أحب أقول
و الكلام مش موجه لحد معين
مش معنى انك مشرف
و بتقدر تشوف الروابط من غير متحط رد
ان ده يحقلك أنك
تستخدم الخاصية دى
حط رد عشان تقدر ألى كاتب الموضوع
عشان لما تكتب موضوع
تلاقى حد يقدرك
و يا ريت يورى يلغى الحكاية دى
محدش يشوف الرابط غير كاتب الموضوع بس
وشكرا أوى يا سيمبا على الموضوع
لأنه مهم جدا بالنسبة لمستقبل المنتدى

مشرف الاسم : سمسمه الكلية : هندسة

بجد كل كلمه قولتها عندك حق فيها
المنتدى لازم يكون ليه اثار ايجابيه لينا كلنا
والمفروض الكل يشارك
وباذن الله نبدا بخطوه وتكون صح