ايه معني الدموع

و ادي قصيده زجليه جديده هي عباره عن حكايه ويارب تعجبكم

ايه معني الجراح
ايه معني الدموع
ليه ابكي علي اللي راح
في دنيا ما فيهاش رجوع
لما الحب يهون
توفي لحبيب يخون
وصاحب عمره ما يصون
ايام عشناها سوا
يبقي ايه معني الدموع

معرفتش حد غيره طول عمري
كان صاحبي طول حياتي وكل عمري
يشكيلي واسمعه يضعف واشجعه
وهو كان زي واكتر بيهمو امري
وتفوت علينا سنين
واحنا اقوي منها
ايام وحاجات كتير
مع بعض عيشينها
وف يوم قابلتها هي اللي قلبي حبها
ومحبش حد غيرها
وبان عليا وطال سهر لياليا
وقالي صاحبي ايه اللي بيا
قولت له دوبت في هواها
من يوم لوقاها وعنيها جات في عنيا
و روحت وقولت لها
جاوبت بعنيها ولمسه ايديها
اللي كانت بين ايديا
ما فكرتش لحظه وانا معاها
كان عمري كله فدي هواها
وسامحت ياما وعديت ياما
عشان افضل حاضن هواها

ولما حسيت انها هتضيع مني
روحت لصاحبي وقولت له
ما اقدرش ثانيه تغيب عني
ولا البعاد هتحمله
وقالي خلاص انساها
وانسي حكايتك معاها
وعمرك لازم تكمله
صدقته وقولت اجرب
ابعد ولا مره اقرب
وابدا مشوار من اوله

ما قدرتش انساها ولا انسي هواها
وقولت لازم اروحلها
لاقيته واقف معاها
وعرفت انه دايب في حبها
وخلاني ابعد عنها
عشان يفوز هو بقلبها

اتاريها حبته واتفقو يجرحوني
وهي اللي خلته يلعب بقلبي وظنوني
وقدرو ببساطه يكسبو وقدرو يكسروني
وهونت عليهم انا وهانت دموع عيوني

هو ده معني الدموع
هو ده معني الجراح
ان صاحبي اللي عشاني
يبعني ويكون اناني
وحب عمري اللي ضحيت له
يهون عليه حبي في ثواني



معلش نكت عليكم شويه بس عايز اعرف رايكو