مش حاجه غريبه؟!!

انا ملاحظه حاجه غريبه اوي في الناس بتوع الاجيال القديمه عندهم مبادئ كتير مش صحيحه وردود افعالهم مش سريعه يعني احنا لو مكانهم بيكون لنا ردود افعال اسرع واذكي وبنقع في مشاكل كتير ونعرف نحلها بمنطق سريع وعقل كبير واحنا باصين لقدام وعارفين العواقب كويس اوي لكن هما مع انهم كبار بس في حاجات كتير بيعملوها غلط
تعمل ايه لو الكبار هما الي بيقولك انك تعمل حاجه ممكن تازيك وهما مش واخدين بالهم ومفكرينها صح مع انك ممكن تكون شايف المستقبل اوضح منهم لانك عارف نفسك وعارف الي يسعدك
تحس ان في ناس كتيره مع انها كبيره بس بتتصرف بغباء تفتكروا ايه الحل مش شرط انهم يامروك بالشرك بالله بس ممكن تكون حاجات مش بتسعدك بس هما شايفينك هتكون سعيد نقولهم انهم غلط ونمشي بدماغنا ولا نسمع كلامهم في قرارات مصيريه ونعيش احنا مدمرين
حاجه غريبه اوي احنا بقينا في زمن غريب الصح والغلط فيه مش واضحين خالص كلهم مختلطين ببعض الحياه بقت صعبه اوي ونادر لما تلاقي الي ينصحك بما يرضي الله

موضوع مهم فعلا
هو انا بصراحه طول عمرى بمشى بدماغى
بس المشاكل اللى بتحصلى من كده كتيرة جداااااااااااااااااااااااا

يلا يا جماعه عايزه اعرف ردودكوا بسرعه

هو انا كان نفسي اسال سؤال محيرني موت هو ايه المواقف اللي بتقصدي تتكلمي عنها والجيل اللي انتي بتتكلمي عنه ده جيل ابائنا وامهاتنا ولا جدودنا

ممكن يكون يوري قرب شويه
ميرسي علي ردودكوا

على فكره ساعات الناس الكبيره بتبقى شايفه احسن مننا على اساس انهم عندهم خبره فى الحياه ومش شرط الحاجه اللى احنا شايفانها صح تبقى صح ساعات انتى بتقنعى نفسك ان هى صح هى اصلا غلط وعشان كده ساعات الكبار هم اللى بيكونوا صح

ممكن نكون احنا صح وهمه غلط والعكس كمان صحيح بس مفيش حد صح على طول الجط او غلط على طول برده
بس عن نفسى انا عندى وبحب امشى على دماغى حتى لو كل الناس شايفه ان اللى انا بعمله غلط بس من وجهه نظره متخشش ذمتى بتعريفه

أنا شايفة إن كل إنسان له مدخل.

وأهالينا طبعا أكيد كل واحد فيهم فى نقطة تلاقى بيننا وبينه.

ممكن تكون انت لسه ما عرفتهاش.واعذرنى دى غلطتك.بس أكيد هاتعرفها فى يوم من الأيام.

انا هاتكلم معاكم بصراحة جدااااااااااااا.يمكن تصدقونى.

انا وانا صغيرة شوية كنت دايما باختلف مع والدى...بنختلف فى كل حاجة تقريبا.

بعد فترة...بدأت انا اهدى شوية وأفكر.

وبعدين...كده الموضوع مش هاينتهى..وده والدى وانا باحبه جدا ولازم اكسبه.

بدأت أدرس مداخله،،،وواحدة واحدة بدأت المشاكل دى تقل عشان بقيت أكلمه من منطلق خلاص انى بقيت عارفاه كويس وهو كمان عارفنى.

دلوقتى أنا وبابا أصحاااااااااااب جدااااااااااااا وتقريبا الحمد لله مش ممكن نختلف.

اللى كنت عايزة اقوله ان احنا الأصغر وان احنا المفروض اللى نفضل ندور على حلول وما نزهقش ولو ما نفعتش طريقة نجرب غيرها ( ده لو كنا عايزين العلاقة تتحسن بجد ).

يمكن تحسو انى مبسطة الأمور.

بس انا كنت حاسة بكده وقلت طب ماتتعبى شوية يمكن تتحل....

والله العظيم هاتلاقى نقطة تلاقى بينك وبين أهلك .... وهاتلاقى مدخل .... بس انت دور كويس.

ميرسي كتييييييييييييييير علي ردودكوا