انواع البنات على النت

العاقله


لما تفتح متكلمش حد.. تستني الكل يرحب بيها وهي تبتسم وتقول شكرا..
واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه اووي تحط ثلاث ابتسامات.




المصلحجية


متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده
ساره اختي كل يوم تفتح واوصيها تبلغك السلام لاني مشغووولة في الدراسة..
وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني


الرسميـة


ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او
رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت..
ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.ههههههههههههههههههه



المجنونه


دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه


الغلسه


تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان ههههههههههه.



البطــــة


طباخة ممتازة وتحب تتكلم عن الاكل.. ودايم جعانه.. ونقطة ضعفها الجالاكسي والمكرونة الاسباجيتي.. وقبل معاد العشا بساعه يكون مزاجها مش رايق ..
ولما ينادوها للعشا تقفل بسرعة البرق.. ههههههههههههههه..
ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.


البريئــة


عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟
تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك


الكذابة الهابلة


اسمها الحقيقي فردوس .كريمه.زينب . فتكات .. وتجي على النت وتقول اسمي نانسى او هيفا او بيرى.. ودايما تنتقد و مايعجبها العجب.. واذا شافتك مشغول
الرد بيكون هوالشتايم
ههههههههههههههههه


تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها..
.. ماتعرفش تجامل ولاتمدح الا نفسها.. دايم توصف نفسها بالجمال والرشاقه

بس كده.

تعرف يا جوكر لو بجد الكلام دة بيحصل معاك كل اما تدخل علي النت
يبقي اللي بيكلمك دة اكيد ولد وبيشتغلك
وبطلوا تهاجمونا بدل ما حنزل توبيك ما تقدروش تردوا علية
ان كيدهن لأعظم

يااااااااه احمد مش جوكر شكرا يا ايمان مش مشمشه
اسو انا مستعد للحرب ونزلي التوبيك اللي انتي عاوزاه
مع الجوكر مش هتقدر تغمض عينيك

انتظر بعد الميد تيرم وعليك خير

ايوه انتظروا مفاجاتنا بعد الميد التيرم
ده انتوا حتشوفوا ايام
بيييييييييييييييييييييييييييييييييييييييييضه
نفضلكم بس
وحنعلن عليكم الحرب

وانا معاكم يا بناااااااااااااااات واحلى هجوم هيتم قريب ان شاء الله

ههههههههههههه حرب ايه وبتاع ليه اللى انتوا بتقولوا عليه كده كده الولاد يكسبوا طبعا مش محتاجه يعنى هتعيطوا ف الاخر

بكرة تشوفوا
coming soooooooooooooooooooooooooooooooooooooon

ههههههههههههههههه
coming soooooooooooooooon
ليه يعني هو فيلم الصيف ولا ايه

لا دة حيبقي مسلسل مش فيلم

ههههههههههه
اشطه عليكي كام جزء بقي ومين الابطال والمخرج

عضوات المنتدى هما الابطال واعضاء المنتدى هما الضحايا

وانا اللى حخرج ان شاء الله عشان طول عمرى نفسى ابقى مخرجه

اصبروا بس علي اللي حيحصل فيكم بكرة
ونبقي نشوف مين اللي حيعيط

وانا هكلملكو السبكي في الموضوع ده

انت لو جبتم فى القيلم جوليا روبرتس وانجلينا جولى وكل الفنانات اللى من الماركه بتاعتهم
هتتغلبوا برده
بالسلاح السري الخطير بتاعى

لا يا مان انا اول ما هشوف انجلينا جولي هرفع الرايه البيضا علي طول واعلن استسلامي

اه اكيييييييييييييد
ولا عندك شك