يا ريت كل واحد يقول احسن واوحش حاجه حصلتله ف حياته

وبصراحه

زائر

اكتر حاجة وحشة حصلتلى انى بقول كلام بحسن نية بيتفهم بشكل تانى خالص
انا تقريبا كل مشاكلى بتحصل بسبب الموضوع دة

بصراحه الموضوع ده جاااااامد
بس الاختيار صعب
احلي حاجه فرحتني ان انا كنت عارف ان مجموعي في ثانوي كان ميدخلنيش هندسه
بس بزكائي كنت ناسي اجمع المستوي الرفيع عليه وبكده جبت مجموع هندسه وفرحت اوي
واوحش حاجه بجد مش عارف بجد

اوحش حاجه حادثه كانت حصلتلي .. كنت بلعب كوره والجون وقع عليا .... وافتكروني مت .... وشفت الحزن في اهلي عليا

واحلى حاجه ............ مش هقول علشان سر

يا جااااااااااااااااااااااااامد
اوكى
احلى حاجه عندى اصحاب كتير وكلهم بيحبونى
اوحش حاجه
بلاش احسن

هو كله مش عايز ياما يقول احلى حاجه او اوحش حاجه محدش بيقول الاثنين ما علينا وتمام عشان الموضوع عجبكوا شكرا ع التجاوب ويا ريت كله يشارك

اممممممممم احلى حاجة واوحش حاجة طيب متقول انت كدا وتشجعنا

iamlegend_200010 كتب:: هو كله مش عايز ياما يقول احلى حاجه او اوحش حاجه محدش بيقول الاثنين ما علينا وتمام عشان الموضوع عجبكوا شكرا ع التجاوب ويا ريت كله يشارك

عايز ايه ياض
مش كفايه ا ناحنا تعطفنا عليك وكتبنالك ردود
بس بصراحه الموضوع عحبني علشان خلاني اعد افكر في احلى حاجه
وبرضو الله يخربيتك علشان نكدت عليا وفكرتني باوحش حاجه

زائر

انا عارفة يا انجر اية اوحش حاجة حصلتلك

يا مان شكرا ويا ريت تقول احلى حاجه و احسن انى فكرتك باوحش حاجه هى دى اوحش حاجه الجون وقع عليك انت بتحور هههه وبعدين يا ريتا انا مستنى كلوا يقول بس انا اكيد هقول على نفسى مش انا اللى بدات الموضوع ويا اسو متفتنى على انجر وتقولى هههههههه

بحور ليه يا ابني
اصل انت معشتش الايام دي
عارف يعني ايه يفتكروك انك مت
عارف يعني ايه تشوف الحزن في عينين اهلك
انا اهون عليا اي حاجه في الدنيا إلا اني اشوف دمعه واحده في عينيهم
مهما حكيتلك مش هتحس
وخلاص غير الوضوع علشان انت ضايقتني بجد

ايه ده يعنى الموضوع ده حصل بجد سورى يا مان كنت فاكرك بتهزر والله

لا يا عم بجد
يا ابني عرضه كلها جون كله حديد . يقع على دماغك

طب كويس انها جت سليمه الحمد لله وسورى تانى يا مان

تعيش وتخد غيرها ان شاء الله

ولا يهمك يا عم سوري على ايه
عدى وفات

انا احسن يوم لما طلعت النتيجه ودخلت هندسه واوحش يوم من اول يوم ليا فى هندسه(المخروبه)ه لحد دلوقتى ههههههههههههه (انا احسن حاجه ليا صحاب كتير مخلصين وكان ليا صاحبه زى اختى بس اوحش حاجه انى من ساعت لما دخلت المخروبه وانا مش على اتصال اوى بيها وبصحابى اللى فى الكليات التانيه برضه عشان الوقت وحاسس انى ندل معاهم واوحش لحظه لما جدى اتوفى عشان كنت قريب منه اوىىىىىىى وفى حاجه حلوه تانيه ابقى اقولها بعدين (مش هريسه على فكره هههههههههه)؟

فين بااااااااقى الناس متشاركونا يا جماعه (

زائر

الظاهر الناس دى مفيش حاجة بتحصل في حيا تهم
قول انت بقي اية احسن تانى حاجة حصلتلك واوحش تانى حاجة حصلتلك

والله فى موقف لسه حاصل من كام يوم زعلنى اووووووووى لان الواحد لما يحس ان فى شله صحابه اوى وواحد منهم يستندل معاك بتبقى بايخه و فعلا اتصدمت لانى كنت معتبره من وبقول من اقرب الناس ليا بس هو حصله حاجه مهمه اوى مقليش ولا قال لصحابى وبقيت الشله وقال لناس تانيه المفروض انهم جيران بس مش صحاب وكان فاكرنى مش عارف بس انا كنت عارف وعامل عبيط وحاولش ولا مره يقول مع ان كانت فى فرص كتيير يقول و(مش تانى احلى حاجه لا دى ممكن تكون احلى حاجه بس يا ريت تحصل وبعد كده اقولها) الناس متهيالى تشارك بعد الميد ترم لما يخلص لان مش كل الناس فاضيه وفاشله ومورهاش حاجه زينا هههههههههههه

أحسن حاجه فى حياتى ان انا اتولدت فى مصر
واوحش حاجه فى حياتى ان انا اتولدت فى عهد الريس

أحلى حاجة فى حياتى كلكم عارفينها.
وأوحش حاجة حصلتلى برضه كلكم عارفينها.

احسن حاجة حصلتلى انى جبت 96فى تالتة ثانوى واوحش حاجة انى جبت 73فى تانية هههههه تناقض كنت بستهبل فى تانية واحلى حاجة ان ىدخلت المنتدى دا واوحش حاجة ان فى ناس فكرانى بتخانق بجد مع ميدو كفاية بقى ...

ايه اللى كلنا عاريفنه يا مشمشه لا لا لا انا عايز اعرف واتخانقى براحتك يا ريتا منتوا هتتدفنوا من اول بكره متقلقيش ههههههههههه

ههههههههه خلاص هتدفنا يا يعنى الحق افرا الفاتحة على روحى ولا اية النظام