نفسك في ايه

يا جماعه طبعا اكترنا كان نفسه في قسم معين اول مادخل الكليه ودلوقتي بقي نفسه في قسم تاني يا تري ايه الاقسام اللي كنتوا واللي انتوا بتتمنوها يا ريت تردوا انا حاتستني ردودكوا ضروري اما عني فانا كان نفسي في كمبيوتر وبقي نفسي في عماره وانتو

انا طبعا مش ينفع ارد ع التوبيك ده بس هرد غتاته يعني
بس انا مش عارفه الاقسام بتاعتكم هقول بقي علي كليتي
‏_احصاء
‏_اقتصاد
‏_سياسه

اه مش عندنا غيرهم
‏ السياسه جامده موووت طبعا
هو انا نفسي ادخلها بس لسه مش قررت اوي بس يعني الاحصاء والاقتصاد يمكن يبقي ليهم مستقبل احسن

أنا نفسى فى 2
كيلو كباب

اولا ده نورك يا يوري بس انا كان نفسي اعرف انت مانفسكش في قسم ايه؟ اما مينو فربنا يا رب يكرمك وتدخلي سياسه ذي مانتي عايزه اهو قسم برده يعني مابعدناش عن الموضوع. وعلي فكره يا ميلانو انا اسمع ان ميكانيكا قسم جامد طحن هو والكيميا واخده بالك انتي يا مشمشه

منورانه يا مون لايت واهلا بيكى معانا فى منتدانا المهيس
وبالنسبه للموضوع بتاع الاقسام ده هو صعب شويه انى قدر احدد بس اهى كلها افكار وياعالم هندخل ايه فى الاخر
انا بأه فكرت فى حاجات يامه اولها كهربا
وبعدين عجبتنى اوى فكره الحاسب الالى
وبعد الامتحانات عرفت انى بحب مدنى وهو مستقبلى
بس بجد انا كنت اتمنى حاسب
وفى الاخر كل اللى يجيبه ربنى كويس

وعلى فكره يا ميلانو القسم مش بالمجموع
لان مثلا ميكانيكا مجموعه صغير مش عشان هو وحش
لا انا اعرف ان ميكا ده كويس جدا بس هو صعب مووووووووووووووووووت

انا الحمد لله كليتى ديمقراطيه جدا
ليا الحق انى ادخل اى قسم انا عايزاه حسب ميولى الاقتصاديه السياسيه الاحصائيه
يعنى لو طلعت باقتصاد عادى جدا ممكن ادخل اقتصاد السنه الجايه
نحن نختلف عن الاخرين

غير كمننا
مش عارف انا فى الاول كنت ناوى على ميكانيكا الاسم بتاعها جامد كده فيه شموخ
بس بعد قلت ممكن كيمياء والكلام ده بعد التيرم العظيم
بس انا دلوقتى ماشى على نظام اللى يجيبه ربنا كويس

esraa كتب:

وعلى فكره يا ميلانو القسم مش بالمجموع
لان مثلا ميكانيكا مجموعه صغير مش عشان هو وحش
لا انا اعرف ان ميكا ده كويس جدا بس هو صعب مووووووووووووووووووت

ربنا يبشر بالخير ده انا لو دخلت القسم ده هخش ابيع عيش او لب حسب السوق يعنى

الموضوع جميل اوى يا مون لايت انا في الاول كان نفسي كهربا بس بعد الامتحانات اتراجعت وبعديها ميكانيكا بس في ناس كتير خوفتني منة وقالوا انة للصبيان بس
وعلي فكرة يا ميلانو ميكانيكا دة تالت اعلى قسم في الكلية بعد كهربا حسب تنسيق السنة اللى فاتت بجانب انى اسمع ان فرص شغلة كتير

انا اصلا كان نفسى فى مدنى بس مش موافقين عندى فى البيت بيقولوا ان كيمياء احسن للبنات عموما انا نفسى انجح وخلاص