المتطفل ...

موضوع: المتطفل ... الثلاثاء أبريل 08, 2008 7:58 pm

هما كلمتين و الله حزقنى و ماعرفتش اكتبهم فين ..
و بما اننا شعب بيشجع الضحكه الحلوه و بننحاز للهلس و الهرتله ,,
فقولت اتكل على الله و ارص الكلمتين اللى خنقنى و زى بعضه يعنى
الحكايه و مافيها
ان البنى ادم دا نمرود
يبقا هيموت على حاجه وصاحى نايم يحلم بيها
ويوم لما ربنا يفتحها فى وشه ويحصل حوار و تبقا فى ايده
يتنك بقا و يتعوج
وينسى هو كان عامل ازاى ع الحاجه دى
مش دا الموضوع دلوقتى
الموضوع انى نفسى ارجع تانى زى الاول
نفسى اشتاق للحاجه دى تانى
بس مش عارف
زى ماكون اخدت منجايه كدا بس اتغبيت عليها وفجأه مالقتش الا البذره فى ايدى
لو حد فاهمنى
او حصل له الحوار دا
مايبخلش عليا
انا مستنى و النبى
سلام

مع كل الاسف عزيزي العضو كلامك اكبر من مستوي تفكيري المتواضع ....
رجاء المحاوله مره اخري مع تغير نمط الكتابه....
ولكم جزيل الشكر

محدثكم من بيتنا:الجوكر

انا فاهمه كلامك بس على فكره الموضوع ده كنت ممكن تكتبه فى منتدى فضفض وقول اللى فى نفسك
المهم ردا على كلامك الموضوع ده اكيد يعنى داخل كل الناس الواحد بيكون هيموت على حاجه واما تجيله يزهق منها والحل هو انك تبعد عن الحاجه دى لغايه ماتشتاق لها تانى ولو مشتأتلهاش يبأه سيبك منها ودور على حاجه جديده

انا فهمت الى حد ما بس ده ايه علاقته بالعنوان؟؟؟
على فكرة الشعب بتاعنا كله كده.
يبقى متحمس للحاجة فى الأول جدا....وبعد كده يبرد خلاص.

زائر

بص يا سيدى اللي بيبقي عايز حاجة اوىىىىىىىىىى لما تجيلة عمرة ما يتمرد عليها ولو انت غصب عنك عملت كدة يبقي لازم تصلح اللي انت عملتة باى شكل وتنسي خالص موضوع الكرامة

خلاصة الكلام يا مان
انت تبعد عن الحاجه دي لفتره انت تقررها لنفسك
وتشوف احساسك
لو اشتقتله بجنون يبقى الاحساس اللي انت كنت فاقده رجعلك
لو لقيت العمليه مش فارقه معاك . يبقى انت كنت شايف حاجه عاجباك ونفسك تجيب منها .. ولما جبتها جربتها يومين بعد كدا غيرت رايك او مليت منها
زي العيل الصغير اللي بيشبط في لعبه ويعد يلعب بيها يومين تلاته بعدين يروح مكسرها ويقول لباباه اللعبه اتكسرت ... هاتلي واحده جديده ........ ويروح مختار حاجه تانيه

انا شايف ان اللي يرفس النعمه
بتروح من وشه
واي انسان يجري ورا حاجه واول ماتجيلي يرميها
يبقي دا انسان اناني مش بيحب غير نفسه وبس ومش بيقدر الحاجه اللي معاه
او يبقي مريض نفسي كل همه انه يمتلك وخلاص مش مهم هو محتاجها فعلا ولا لا
وبتسال لو كان حد حس بالكلام دا قبل كدا
اكيد طبعا انا حسيت بس مش انا اللي عملت كدا
لا حد عمل معايا كدا
وبييييييييييييييييس عليكم

فى حاجات بتشدنا فى حياتنا كتير وبنتمنى ان احنا نحصل عليها بس المشكله لما بنجيبها او بناجدها بندا نضيعها عشان مش عارفين قيمتها ولما بتضيع نضرب اخماس فى اسداس
انت لو حاسس انك مش عايزها
مضيعهاش
حاول تكسب كل حاجه وكل الناس عشان ممكن يجى عليك وقت وهتلاقى ان مفيش حاجه معاك
اتمنى انى اكون فهمت صح وكمان رديت صح
واهلابيك فى المنتدى معانا