للبنات وبس,يعني الولاد مايدخلوش

اولا هاي عليكم كلكم يا مهيسين
نظرا ان انا لسه جديده في المنتدي ودي اول مشاركه ليا انا نزلت الموضوع ده وهمتكم معايا بقي بس يا ريت تقروا الموضوع بتركيز وتستفيدوا منه
انا كنت عايزه اديكم نصايح عشان الشعر والبشره وهكذا ويلا بينا نبتدي
اولا الشعر:
انتي تروح الكوافير وتتعبي نفسك كوي وفرد وسشوار مع ان في وصفه ميه ميه ,حطي علي شعرك شويه بدره عفريت وحتلاقي شعرك ذي الحرير يهفهف ويرجع يطير ولو منفعتش يبقي شوحه حمض خليك اقولك علي حاجه اسهل احلقيه يا شيخه بلا وجع دماغ واهو تبقي موضه ويبقي تغيير
ثانيا البشره:
حطي علي وشك خلطه متكونه من ميه نار علي شويه خل علي شويه ليمون ولو لقيتي اي حاجه في طريقك حطي اهه كله بينفع وانتي حتلاقي وشك افتح ونور
ثالثا الموضه:
عشان تلبسي علي الموضه هاتي الجيب او البنطلون اللي حتلبسيه وقطعيه من حتت مختلفه ولو لقيتي اي قماش ذياده في بيتكم رقعيه بيها بس لازم تبقي الوان مختلفه واللون الموضه السنه دي هو اللون البحلقي وياريت تبقي قلوانك كلها مش لايقه علي بعضها
دي شويه نصايح ويا ريت تبقوا تدعوا لي بعد ما تقروها
ويا ريت تبقوا تقولوالي رايك فيها ويلا سلام بقي

اقتباس :

دي شويه نصايح ويا ريت تبقوا تدعوا لي بعد ما تقروها

ايوة يا بنتي عندك حق ده احنا هندعي عليكي دعا

هتتظبطي

ايه يا بت الخفه دى
ينيلك

ليه الاذى دا انتى داخله تخليص حق ولا ايه؟

ابقوا جربوا بس وانتوا تصدقوني

ايه اللى جابك المنتدى انتى جايه تشوهينا ولا ايه

ايوة عليكى يا مرمر انتى باين عليكى مجربه كل الحاجات دى وبوظتى نفسك خالص وعايزة تتطلعى ده علينا خليك تبوظى فى نفسك بس ملكيش دعوة بينا

ليه بس يا جماعه الميول العدوانيه دي دانا غرضي شريف

اولا اهلا بيكى معانا ثانيا انتى لازم تنزلى لينا البوم كامل فى صورك وده مجرد تطبيق لنصايحك الغاليه اللى قدمتيها لينا طبعا بس والله عجبتنى نصايح الشعر وشكلى كده هنفزها قريب بس ادعيلى

ربنا معاكي بس ابقي ادعيلي, اخيرا لقيت حد معايا