الموضوع ده بجد جدا ومش هياس !!!!

بدا البث التجريبى لاول قناة للدفاع عن الرسول على تردد _عمودى _10911 او 10917
ياريت تكون ليها فاعليه يارب

امين

أمييييييييييييييييييين

ربنا يزيد ويبارك ويكرن ليها دور ايجابي تقدر تصحي بيه الضمير النايم وندافع عن حبيبنا محمد صلى الله عليه وسلم
واللي الناس بتعملو ييجي بفايده ......... وكل اللي احنا نقدر نعملو من مكانا ان احنا ندعي ربنا انو ينتقم اشد الانتقام من السفله ربنا يحرقهم جميعا ........... امين

فعلا انشاء القناة دى حركة ايجابية من جانب الاعلام العربى

بس مين بيتفرج على النايل سات من الغربيين

و لو اتفرج يا ترى حيفهم حاجة من اللغة العربية اللى مسيطرة على القناة

CEO & CHAIRMAN

انا عندي عطل في سوفت وير الريسيفر
بس بمجرد اصلاحه يبقي هشوفها باذن الله
شكرا يا علاء

mid0 كتب:: ربنا يزيد ويبارك ويكرن ليها دور ايجابي تقدر تصحي بيه الضمير النايم وندافع عن حبيبنا محمد صلى الله عليه وسلم
واللي الناس بتعملو ييجي بفايده ......... وكل اللي احنا نقدر نعملو من مكانا ان احنا ندعي ربنا انو ينتقم اشد الانتقام من السفله ربنا يحرقهم جميعا ........... امين

ايه انت داخل ترد على الموضوع بتاعى ومشوفكش تانى فى المنتدى انا مشاركاتك ياض
وشكرا على الردود بتاعتكم يا شباب

زائر

فى قنوات اسلاميه وكويسه جدا بس
مفيش شباب بيتفرجوا عليها
يبقى حيبقى فى اجابيه ازاى
اراهن اذا كان حد فيكوا بييقعد ويسمع اللى بيتقال
متضحكوش على نفسكوا بكلام فى الهوا
اه م انتوا مبتدفعوش فيه فلوس

الاسلام مش حيتنصر طول ما المسلمين مهيسين

CEO & CHAIRMAN

مش فاهمك
هو انتي(انت) داخل(ة) تشكك(ي) في معتقداتنا الهياسية
المنتدي ده معمول للهياس و سيظل كذلك للابد
اهلا بيك بس انتقدي هياسنا لو مش عاجبك
انما تنتقد الهياس اصلا
يبقي ملهوش معني لان المنتدي ده هدفه الاساسي التخفيف علينا من اعباء الحياة مش اننا نرزي نفسنا بكلام الجرايد

انا معاك يا يورى انت رأيك ده صح
المنتدى معمول للتخفيف من اعباء الحياه

زائر

انتو يمكن معاكوا حق ان انتوا عملين المنتدى ده للهياس والتخفيف عن نفسكوا
بس فى حاجات مينفعش تتاخد بالهياس او التطنيش
انتو عملين المنتدى ده للهياس اوك ماشى
بس عملتو قصادوا ايه جد
يتاخد ليكو مش عليكوا
ايه اللى عملتوه تفخروا به
ومستنيين لامتى
بكره بعدو
انت و انتى ضمنين تعيشوا لبكره
....................عيشوا حيتكوا وعملوا اللى تعملوا بس متنسوش اللى
فيوم من الايام حيحسبكوا على كل حاجه عملتوها وكل كلمه قلتوها

انا والله مبقول شعرات ولا كلام جرايد ... انا بس صعبان عليا حلنا

مع إحترامى لشخصك الكريم يا ahlawy 4 ever .
كلامك معناه سامى وجميييييييييييييييييييل جدا جدا جدا.
بس انت (ى) بتقول (ى) اننا بنهيس طب وعملنا إيه جد واحتمال نموت فجأه وتراهن(ى) ان ماحدش فينا بيسمع الكلام ده.
طيب كويس.
حد فى الدنيا يعرف انا ولا فلان ولا علان بيفكر فى ايه؟؟؟
ولو بتتكلم (ى) على العلاقة بربنا..مافيش مخلوق يعرف علاقة التانى بربنا شكلها ايه.
تعرف(ى) منين ان الناس اللى وجهتلهم السؤال ايه الجانب الجد فى حياتهم؟؟؟؟؟
احنا بندخل هنا عشان ننسى شوية الروتين والخنقة اللى حوالينا.
اكيد حضرتك بتهزر(ى) فى البيت او مع أصحابك..صح؟؟؟
وهو ده اللى بيحصل هنا.
شوية فكة.
شوية release.
وعادى راجعين تانى لحياتنا اللى غصب عننا كلها جد.
انما ايه اللى بنعمله مع ربنا دى علاقة خاصة جدا بين البنى ادم وربه مش المفروض ينشرها.
ومش معنى انه بيدخل مع اصحابه وزمايله على منتدى يفصلوا شوية عن يومهم انهم غافلين

زائر

معلش يا بشمهندس النوايا دي ربنا وحده الي يعلمها كون انك تحكم علينا وتحكم كمان علي تفكيرنا من غير ماتعرفنا
فاسمحلي اقولك هو انت (استغفر الله)
ربنا؟؟؟
طبعا لا
يبقي متحكمش علينا من غير متعرفنا
اوك
وبعدين يعني الحياه مش كلها تجهم وجد
الرسول (ص) نفسه كان بيلعب مع احفده ويشيلهم علي دهره ويمشي بيهم علي ركبته وعمره محب المسلم انه يكون عابس طول اليوم
ولاانت بقي في نظرك ان الي ميتكلمش في الدين ليل نهار
لازم يكون تافه
ومش مثقف ومش عارف الي بيحصل في بلدنا ونظامن
مش شرط وعلي فكره ممكن انسان يكون بيهزر عند ربنا احسن من واحد جد
لان في خبايا كتيييييييييييييييير ربنا وحده هو الي يعرفها
Cool

واهلا بيك في مندانا Cool

CEO & CHAIRMAN

بما اننا منتدي ديمقراطي فانا اعلن اعجابي بالاراء اللي اتحطت علي الجانبين
بس هو انا عندي تعليق لاهلاوي
الفكرة ان من تجربتي اليسارية
استفدت كتير بمفهوم فصل الدين عن الدولة و بتطبيقه في حياتي
بنجح اكتر و اكتر
بمعني
ان دينك في قلبك و لربك من مسجدك او سجادتك للسماء محدش ليه كنترول عليها
و لو عايزين نتكلم في الدين
فمش احنا للي هنفتي
انا مش عامل المنتدي ده للدين
لاني لو عملته للدين
يبقي لازم اجيب ناس من الازهر يتكلموا عشان ميبقاش افتا و السلام
و بما ان المنتدي معمول للهزار
فاعتقد ان ممكن بعد كده ابقي اعمل منتدي للجد بس قدام شوية
بس ده ميمنعش ان لو موضوع اتحط هنا جد كلنا هنشارك فيه
انا شخصيتي يغلب فيها الهزار
بس لما بتحط في موقف جد ببقي مركز جدا في الجد و ده الصح للمذاكره او الحياة السياسة
اما الدين فهو في قلبي و مش هيطلع بره منه لا علي منتدي و لا علي جثتي الا اذا كان قدامي رجل دين

زائر

حضرتك فهمتنى غلط
انا مش حتدخل فى علاقه حد بربه علاقتك انت بربنا لا انا ولا اى حد تانى لى علاقه بيها
انا قصدى بس ان ممكن يتعمل حاجه جماعه نساعد بيها دينا نعمل حاجه نوصل بيها احسسنا نفوق الناس اللى لسه عايشه فى الضلمه لانهم لازم يصحوا
المنتدى اكيد بيخشوا ناس فيهم الايجابيين وفيهم السلبيين
ممكن بجانب الموضيع اللى بتعملوها
تهتموا شويا بالجانت الدينى توعو بعض تحثوا بعض ان يبقى عندكوا ايجابيات فى حياتكو
مش حيحصل حاجه
مش حيبقى المنتدى دموا تقيل ولا حاجه بالعكس حيبقى كويس وحيجذب ناس اكتر
انا راضيا زمتك شوف مشاركتكوا فى الاقسام التانيه والقسم ده

مع ان فى الاقسام التانيه فى مواضيع اديمه ومتكرره وملهاش لزمه
وبرضوا يعتبر ترفيه لأنكوا مش حتخسروا حاجه

CEO & CHAIRMAN

و الله لو ده قصدك يبقي كده كلامك ميت فل و عشرة
هو فعلا كلام كويس
بس هو المشكلة اننا محتاجين حد يكون فاهم هو بيكتب ايه مش بيفتي و خلاص
لو حد من النوعية ده موجود يا ريت تخليه يدخل بجد عشان دي فكرة مش بطالة
بس هو لسه المنتدي اصلا مشتغلش
يعني كل ده لسه مرحلة تجريبية
احنا لسه هننزل محاضرات السنة كلها
و لسه هنعمل دعاية في الكلية بعد شراء الدومين
يعني لسه قدامان كتير
و شكرا لاقتراحك المتميز
و لو عندك اقتراحات اكتر
نزلها في صندوق الاقتراحات

انا شايفه ان هى رايها سليم ميه الميه وانتوا هجمتوها من غير ما تعرفوا هى عايزه تقول ايه
بس فى موضوع ان احنا ماثرين ايوة ماثرين حتى ممكن تعتبرونى بتكلم عن نفسى واحنا اهنا الرسول اما بعدنا عن سنتته
واهلا بيكى عضوة معانا

اللهم انصر الاسلام واعز المسلمين

انا بشجع راي منمن من حيث انها بتقول ان مفيش حد اليومين دول بيتفرج على قنوات الدين اوحتى الاخبار احنا يدوب ذي ما انتو شايفين مش فالحين غير اننا نشترك في منتديات ونتكلم عليهاوخلاص انا مش شايف حل لمشكلتنا دي بس اكيد في حل بس انا معرفهوش

شكلك مركز يا حسام.
انا شخصيا هابقى مبسوطة اوى بأى حد يبقى هدفه إنه يساعدنا ويرتقى بينا فى أى إتجاه خير.
طول ما إحنا بعيد عن الفتوى وبنعامل الناس بالحسنى يبقى ربنا يكرمه او يكرمها يعنى.
انا اعتراضى فى الأول كان على شئ معين.
بس بعد توضيح وجهات النظر...
بيقى بييييييييس عليك.

اشهد ان لا اله الا الله وان محمد رسول الله

يا رب فعلا تكون القناه دي تقدر تعمل حاجه

الموضوع ده بجد جدا ومش هياس !!!! 1712401162354737vs5

يا ريت القناه تعمل على اد نوايا اللى عملوها وراى منمن ميه ميه فعلا

وانا بضم صوتي لصوت منمن ان العمليه متبقاش كلها هياس و بس لا لازم يكون في جزء و جزء كبير كمان ايجابي في حياتنا لان احنا متخلقناش عشان نهيس. احنا اتخلقنا عشان نعبد ربنا بكل انواع العباده زي الصلاه والصوم و العمل اللي بيتلخص في مرحلتنا دي في المذاكره ده بالاضافه للعبادات التانيه و مع الكلام ده كله ممكن يكون في جزء هياس بس شرط ان احنا نتحكم فيه عشان ميطغيش على الحاجات التانيه"اللي هي العباده" و يكون كل حياتنا وللاسف هي دي مشكلتنا حاليا ان معظمنا مش عارف يعمل كنترول على حياته...و في النهايه بتمنى انه لو القناه كان هدفها خير فيوفقها ربنا و يعين المسلمين على نصره الدين

لا اله الا الله محمد رسول الله

وانا عن نفسي باضم صوتي ل (simba....monmon)
و السلام عليكم