الرجل القوس

و رجعتلكم تانى بعد غيبة طويلـــــــــــــــــــــــــــــــــــة
معلش بقى اعزرونى
المهم ...... بعد مشاورات و مناورات و اتصالات و خناقات و بناءا على طلب الجماهير الغفيرة
اختارنا انه يكون برجنا التالت برج

القووووووووووووووووووووووووووووووووووووووووووووووووووووس
و طبعا كالعادة حنبتدى بالرجل القوس نظرا لان الرجال قوامون على النساء
البشمهيس القوس :
طبعا مش حنخنلف على ان القوسيين عندهم الصراحة و الاخلاص و الطيبة و الاندفاع طريقة ميقدروش يعيشو من غيرها
و البساطة طريقتهم فى الحياة
و ده ميمنعش ان لسانهم مبيرحمش ( اللى فى قلبهم على لسانهم )
بس برضه حنرجع و نقول دول عالم طيبين و زى الفل
طبعا الراجل القوس من الناس اللى هى بتتعصب جامد بس بيكتم عصبيته جوة نفسه
و بيرسم احلام كبيرة ....... هو اه بيوقع كتير فى حياته , بس حظه حلو و مبيقعش جامد ( ده بس من كتر مبيساعد الناس )
المهم بقى ان الواد ده مصلحجى طحن...... و مصلحته عنده فوق كل شئ
و لما بيتحرق مبيبينش للناس انه زعلان بس بيكتم الغل فى نفسه و لما بيتعصب جامد بيجرح الناس بكلامه ( عن قصد ) نظرا لانه بيحب يبعد عن العنف و مالوش فى الخناق و سلاحه الوحيد لسانه اللى عايز القطع
الجدع ده بقى مسالم جدا و مبيحبش يتحشر فى تفاصيل الاشياء , بس بيحب يتباهى ادام الناس بما يمتلك من تحف بقى و يتمنظر بالحتة الفرعونى اللى عنده على المكتب و كدة يعنى
ده انا حتى لما بتعامل مع ولاد برج القوس بستغرب منهم و بقعد اسأل نفسى
هل الواد ده عبقرى بالصمت ... و لا بيغلف غباؤه بقشرة من الدبلوماسية ؟
مش قضيتنا.....خلينا فيه ذات نفسه......الراجل ده قليل اوى مبيتعصب فى شغله و لما بيتعصب بيكتم فى نفسه و هو دايما بيتحرك و و عامل زى الاراجوز.......نظرا لحبه للاضواء و هو ده اللى بيخليه ميهتمش بجوهر الاشياء....نظرا لحبه للمظاهر
بيتمسك بالتقاليد جدا ( شاب بيضة ) و بيحب يلفت النظر شكلا و الكلام استماعا
مع انه مبيعرفش يتكلم....او طريقته فى الكلام مبتغريش الناس انهم يسمعوه......الا انه بيفرح اوى لما حد يسمعله
اد ما هو جد جدا الا انه بيحب الهياس و بيحب يسمع النكت و التسالى
اجتماعي , يحب الاختلاط بالناس , يحافظ علي أناقته , يهتم كثيرا للبرتوكول ويحرص علي القيام بالواجبات علي أتم
وجه , وهو كدة بينجح في اكتساب احترام الآخرين الذين قد يضعون له هالة
الرجل القوس بيحب الثقافة و بيهتم جدا بنفسه و عاشق لذاته
لو دخلنا فى علاقاته العاطفيه..... نلاقيه بيخاف جدا انه يفشل فى الحب علششان كدة بيسارع انه يخطب حبيبته ......و تلاقى معظمهم بيتجوزو بسرعة علشان ميخسروش اللى بيحبوهوم
بس احلى حاجة فيه......انه بيدى اللى بيحبها حب اكبر من اللى بتديهولو....يعنى كل ما تحبيه اكتر حيحبك اكتر و اكتر
نصيحة ليكى.......لو حبيبك برج القوس متبقيش فى ظله على طول و سيبيله دائرة من الضوء
علشان حيريحك جداااااااااااااااااااا


تو بى كونتينيود

كلامك ذى الفففففففففففففففففففففففففففففففففففففففففففففففففففل