موبايلك تحت المجهر

مشرف سابق الاسم : سوكا

بدون مقدمات انا كنت شوفت فكره كدا فى منتدى تانى وعجبتنى قولت اجبهالكم عشان نسلى مع بعتينا شويه والفكره دى بتتلخص فى الاتى
هنختار عضو عشان نفحص موبايله
واول عضو انا اللى هختاره بعد كدا العضو اللى انا اخترته هيختار عضو تانى يبعتله رساله خاصه يبلغه فيها ان هو تم اختياره لوضع موبايله تحت المجهر ودى الاسئله اللى مطلوب من العضو المختار انه يجاوب عليها بصراحه تامه واللى كلها بتخص موبايله طبعا
1-ماهو نوع موبيلك؟
2-ما اخر صورة تم التقاطها ؟( ويتم طرحها طبعا وليس وصفها)

3-كم رقم مخزنـ عندك ؟
4-ما اخر رسالهـ تم تلقيها ؟
5-ماهي الرسـالهـ رقم 4 بالتحديد ؟
6-من ضمن الاسماء في جوالك هل يوجد اسم غريب

او مضحك لاحد اصدقائك,, اذكره لـنا ؟
ماهي أعلى فاتوره قد تجاوزتها ,,

و كمـ هو حدك الائتماني ؟
8-ماهو اسمك بالبلوتوثـ حالياً ؟

9-من حادثت في آخر مكالمة صادره ؟

10- ماأكثر ماتستخدمهـ بالجوال مثلا: المنبه ,
الحاسبه , البلوتوث , ؟

11-آخر بلوتوث استقبلتـه ماهو ؟
12-كم عدد الرسائل بالصندوق الوارد ,,
وكم عددها بالصادر ؟

13-رسالة لن تقوم بمسحها أبداً ولماذا ؟
14- ماهو الأسم رقم { 15 } المخزن عندك ؟

15- ما آخر رسالهـ قمت بأرسآلها ؟
16-رنتك اية ؟
17-اية الكول تون بتاعك ؟
18- مين اكتر حد بتتصل بية ؟؟
19-من اكتر بيتصل بيك؟
20-مين اكتر حد بتبعتلة رسايل؟
21-مين اكتر حد بيبعتلك؟
22-مسمى باباك ومامتك اية على الموبيل
وحاطتلهم نغمة اية؟
23-- كاتب ايه فالميمورى؟
وبس كدا كفايه عليكو يارب بس الفكره تعجبكوا والان نسيبكم مع العضوه اللى انا مرشحاها وهى
ريتاج
RETA

نوع موبايلى نوكيا 6680
اخر صورة تم التقاطها هى صورة كنت رسمتها وكانت لتامر حسنى ومش هينفع انزلها لان كابل الوبايل ضاع ومعنديش فلاشا
عندى 55 رقم
اخر رسالة استلمتها من واحدة صحبتى وكان مضومنها toz dont b angry.......
طبعا انا هقولك الرسالة رقم اربعة دلوقتى مش من اول مجبت الموبايل وهى(الباص مشى ومحدش اعد جمبى وفى موز كل شوية يبصلى )
فى اسم غريب حبة وهو weza
تقريبا اعلى رقم كانت خمسين جنية باين وانا كارت مش خط
ههه اسمى فى البلتوث هو nona
اخر مكالمة كانت لاخويا
اكتر حاجة انا بستخدمها الgalleryوبالنسبة للاختيارات بتعتك يبقى البلتوث
اخر بلتوث استقبلتة كان اغنية اديك عرفت ل اليسا
رسايلى 15 لانى بمسحهم على طول وفى الصادى 30
الرسالة هى اتصلحنا وهسبها علشان هذل بيها واحدة
الاسم رقم 15هو halola
اخر رسالة هى ازيك وحشتينى اوى خالص موت جدا
انا حاطة رنات مختلفة بس صحابى حطلهم تيتانيك
مش حاطة كول تون
يعنى ممكن اقول koka
اكتر حد بيتصل بيا ماما
اكتر حد ببعتلة رسايل واكتر حد بيبعتلى رسايل weza
بابا (بابى )وماما(مامى)حبة دلع وبابا حطالة اغنية خد بالك عليا وماما حطالها اغنية لمحمد فوزى اسمها ماما
سايبة الميمورى زى ماهية لذيذ التوبيك دا وفضحنى وانا برشح شادى

مشرف سابق الاسم : سوكا

اوك مرسيه اوى على الصراحتك يا ريتا بس المطلوب منك دلوقتى تبعتى رساله خاصه تبلغى فيها شادى انه يدخل يجاوب على نفس الاسئله

نوع موبايلي نوكيا 7610
صوره جدي(الله يرحمه) وبصراحه مش عايز اعرضها
عندي 102 رقم
اخر رساله استلمتها من خالتي
انت10 %ورد 20% ياسمين و كدا يعني
الرساله رقم اربعه كانت من بنت خالي وبتقول
في ناس كل يوم بنشوفها وعيونا تنساها وكدا برضه يعني
اسم غريب اه فيه كتير
احمد الفار و اسلام امريكا ومحمود فلافيلو وعلي وصله
اكتر مره شحنت فيها في شهر واحد كانت بحوالي 270 جنيه
واعلي حد ائتماني هو لحد مالمصروف يخلص
اسمي في البلوتوث هو
hdjs-8mjs
واللي ها يعرف معناه هاديله 10 جنيه
اخر مكالمه صادره كانت النهارده وكانت بنت خالي
بصراحه باستخدمهم التلاته كتير ومعاهم برنامج ريال بلاير
اخر بلوتوث استقبلته اغنيه سميه انت حياتي
عدد الرسائل في الوارد190 بعد الحذف
وفي الصادر66
رساله عمري ماهمسحها ابدا لحد لما اتجوز
ومش هاقولها لكم
الاسم رقم 15 هو
احمد مجدي اخويا
اخر رساله بعتها كانت لينت خالي وهي
لا تلوم اللي يحبك لو اسي مره عليك
وبرضه كدا يعني
رنتي اغنيه ورده
عد اوراق الشجر
اخر كول تون كنت حاطه اغنيه عمرو دياب يا نور علي نور
كان فيه حد هو اكتر واحد بنكلم بعض وبنبعت لبعض رسايل وبس
اسمهم بابا وماما
ومش بحط لحد اغنيه خاصه خلاص كله نفس النغمه مسميها
the safe
وانا برشح اسراء
eso

زائر

موبايلي نوكيا 3110
اخر صورة هى صورة واحدة صحبتي بحبها اوى
where r u?اخر رسالة

الارقام المسجلة58 رقم
اخر مكالمة اسماءصبحتى
الرسالة رقم 4هى انتوا حتحضروا المحاضرة؟
يوجد اسماء كتير غريبة مش حينفع اعدهم

الرسالة اللي بحبها كانت من صديق وغيرت حاجه مهمة جدا في حياتى
الاسم رقم 15 هو essro
اكتر استخدام هو المنبه
اخر بلوتوث استقبلتة كان the nice girle

عدد الرسايل المستقبلة 120 والصادرة 75 بس انا بمسح حاجات كتير

اخر رسالة بعتها كانت ana mashia deloa2ty
رنتى عمرو دياب محسيتش ان لية حياه
اكتر حد بيتصل بية مروة
اكتر حد بتصل بيه اسراء مدوخانى دايما
اكتلر حد ببعتلة رسايل بردة اسراء واكتر حد بيبعتلى صديق
بابا dady ,وماما mamy دة دلع بس مش اكتر
كاتبة eso
اخيرااااااااااا خلصت

نوع موبايلي n70
كانت صوره مع اصحابي في معمل الكيمياء
150 رقم
رساله تحويل رصيد دي اخر رساله
الرساله رقم 4 {كنتاكي ومراته نزلوا البحر كنتاكي ماك ومراته ناجتس من الغرق}
الاسم الغريب الهيتمي
اسمي بالبلوتوث ياما hossamاوmido
اخر مكالمه صاحبي عمرو
البلوتوث طبعا
اغنيه مهانش عليك لمجدي سعد
عدد الرسائل في الوارد 30 وفي الصهدر 0علشان بمسحهم اول باول
افضل رساله{واحد لقى صحبه مخنوق ومضايق قاله مالك ؟ قاله شيبسي في حالي ....... قاله ليز؟ قاله ابويا كرنشي من البيت .......قاله يا راجل قلبظ دماغك}
الاسم رقم 15 واحده قريبتي
اخر رساله بعتذر لواحده صاحبتي عن موقف
رنتي يا عالم لاليسا
مش حاطت كول تون
اكتر واحد بتصل بيه عمرو
واكتر واحد بيتصل بيا الهيتمي اصلوا معايا في السيكشن
اكتر حد ببعتله رساسل صديقه واكتر واحد بيبعتلي عمرو صحبي
baba وmama عادي وكلهم نغمه واحده
كاتب في الميموري mido
ودلوقتي اخترت انجرengr

6630
كانت صوره لاسراء عيسى ومون لايت وبوه واسو
اخر رساله
دكتور سمير اخد الغياب النهارده فى المحاضره
110رقم
رقم 4
كنت بسال واحده صحبتى علينا فى الرسم
ردت قاللتلى الاسكتش وتسلمى لوحه25
اه اسم بووووووووووووووه بتاع اسو بوه
pooooooooh
اسم البلوتوث
engrineering
اخر مكالمه كانت اسو

اكتر حاجه بستخدمها البلوتوث
صوره
عددالرسايل بالوارد
97وبسمح كتيييييييييييييييير
الصادر72وبسمح كتير بارده
رساله مش حمسحها ابدا
والله مافى
رقم 15 اسراء عيسى
اللى هى esraa
اخر رساله
كانت لواحده صحبتى كنت عايزه اعرف هى فى البيت ولا لا عشان كنت عايزه اكلمها
رنتى اغنيه تامر حسنى
عدى عليا ورمانى بنظره عين
اصلى بحبها قووووووووى
مش حاطه كوووووول تووووووون
اكتر حد بتصل بيه اصحابى بس مش عارفه مين اكتر من التنانى
امتر حد بيتصل بيه ويبعتلى رسايل
سمر مون لايت
اكتر حد ببعتله رسايل
سمر بارده برد ع رسايلها
بابا مسمياه بابتى
وماما omy
ماما كل القصايد بتاعه مروان خورى
اصل كل حاجه حلوه فى حياتى بسسب امى
وبابا الاصلاتى هو اختارها لنفسه
اه
كاتبه سموره
واختار مشمشه

صباح الخييييييييييير.
نوع موبايلى Motorola V3i
آخر صورة صورتها: ده فل صورته آخر يوم فى إمتحانات الميدتيرم فى الكلية عند الملاعب.

موبايلك تحت المجهر Aaa13

98 رقم.
آخر رسالة جاتلى: Confirmation message لخدمة جديدة عاملاها الشبكة.
الرسالة رقم 4: سافل...تافه...منحط..ولايسوى...التليفون من غير رسايلك ولا رناتك.
engr977-eso_2008-eso_pooh-moon_light-soka.....بس دى مش أسامى غريبة دى أسامى جميلة.
أعلى فاتورة كانت كارت بصراحة ههههههههههههههههه 100 جنيه.
انا مش عارفة يعنى ايه حد انتمائى اصلا.
لو حد عارف اسمه ايه بالإنجلش يقولى والنبى.
اسمى بالبلوتوث: meshmesh
آخر مكالمة كانت لمامتى.
اكتر حاجة باستخدمها المنبه.
آخر بلوتوث كان أغنية مابتعلمش بتاعة أنغام.
عدد الرسايل بعد الحذف 44.
والصادر..zero.باشيل على طوووووووول.
رسالة مش هاشيلها:
لا اله الا الله محمد رسول الله never erase it,this is to protect you from any harm that may hurt you.
رقم 15 هى واحدة صاحبتى اسمها اسماء.
آخر رساله بعتها: أنا مش جاية الكلية انهاردة. sorry.
وكانت لواحدة صاحبتى
رنتى عبارة عن بنوتة صغيرة بتغنى للعب بتاعتها والعجلة بتاعتها وبتقولها انها بتحبهم وكده...اسمها honey butt
ومش باعمل كول تون.
اكتر حد بيتصل بيا...مامتى
مين أكتر حد بيبعتلى رسايل...الشبكة لما رصيدى يقرب يخلص.ههههههههههههههههههه
ماما ( Mum )
وبابا (Dad)
وحاطالهم موسيقى عمر خيرت.
كاتبة فى الميمورى meshmesh.
خلاويييييييييييييييييييييييص lol!

خلى يورى ييجى يعترف بقى هنا.
بس ياريت يكون مش مشغول.
ميرسى ياسوكة على اللعبة الجميلة.

CEO & CHAIRMAN

متشكرين عالسياح يا مشمش
اما نشوف الاسئلة بقي
1-نوع موبايلي Nokia N70 Blue Edition
2-اخر صورة كانت لينا في حارة اليهود في حلقة هياسية جديدة من حلقات المهندسين المهيسين و اسمها الشلة كلها تقعد علي رجل الدفراوي
و ادي الصورتين

3-عندي 79 رقم عالموبايل
4-اخر رسالة وصلتني كانت من نمرة عجيبة معرفهاش بتقوللي
قابلني عربجي في الشارع و اداني شوية برسيم و قاللي ابعتهم في رسالة للبهيم
5-الرسالة رقم اربعة كانت بتقول
محمد بيعبي شنطته طوبو ناوي يهريك بيهم
6-اسم غريب كتييييييييييير
poppo
linky
hitch
modyz
boogy الحلاق بتاعي
و غيرهم اكتر
7-اعلي حد للفاتورة كانت كارت شحن ب مية و تاني اسبوع بمية و اللي بعده بخمسين و اللي بعده بعشرين
يعني متين و سبعين
8-يعني ايه حد ائتماني
9-اخر مكالمة صادرة كانت لعلاء (ميلانو)
10-اكتر حاجة هي البلوتوث بلا نظير
11-كانت صورتي في معمل الكيميا و انا لابس البالطو و النضارة زي اعلان ميلودي افلام بتقول يوري يتحدي الملل
12-صادر 12 ووارد5 اصلي بمسحهم اول باول
13-مفيش رسالة مش بمسحها
14-الاسم رقم 15 هو
Dr.Farouk
15-اخر رسالة قمت بارسالها كانت لرضوان صاحبي IGOR
بقوله هكلمك بعدين
16-رنتي هي اغنية FUEL لميتاليكا
17-مفيش كول تون ولا يحزنون
18-اكتر حد بتصل بيه يبقي Vampirez و Milano
19-اكتر حد بيتصل بيا يبقي موديز او فوزي او فامبيرز
20-مش ببعت رسايل غالبا
21-مفيش حد بيبعتلي رسايل كتير
22-mom , dad
23-سايبها زي ما هي
العضو اللي بعدي
اقترح انه يكون
عييييييييييييييييلاء
ميلانووووووووووووووو

الله يخرب بيتك يا يورى
بجد بجد بجد جاااااااااامدة

انا بقى بعد ما موبايلى اتسرق قررت ما اتعاملش مع الموبيلات الحديثة دى خااااااالص
و رجعت لاول عدة بابا جابهالى زمااااااااااااااااااان
هى عدة صغنونة كدة اسمها 3100
طبعا مفيهوش كاميرا علشان اتكلم عن اخر صورة
لكن اخر صورة لقطها بالكاميرا الديجيتال كنا بنعمل هونجا ليورى فى عيد ميلاد فوزى
انا بقى عندى 139 رقم متسجلين عندى
اخر رسالة اتبعتتلى لما كان واحد صاحبى بيدور عليا فى الكلية فبعتلى بيقوللى
( فينك يا اعز الحبايب...عديت الحمير لقيتك غايب )
الرسالة رقم اربعة بالتحديد بليز كوول مى
التلم ( علشان بيفتح عليا كتير )
معجبة ( نمرة بترنللى كتير )
و فى بقى بيفى و بوفا و أنون و و weza (معتز)
و الله انا خط بس اعلى رصيد كان معايا ....كان فى الموبيل اللى اتسرق كان ارعتاشر جنيه و اللى غايظنى انه اتسرق بالاربعتاشر جنيه
اخر واحد كلمته كان احمد سامى الشهير بسمسم بس انا مكانش قصدى اكلمه هو اللى فتح عليا (قصد )
لا انا اكتر حاجة بستخدمها فى الموبيل انى بلعب فيه سناااك
الرسالة اللى استحالة امسحها مينفعش تتكتب هنا
الاسم رقم 15 على موبايلى نمرة سترايكى مان ( احمد يوسف )
و الله انا على طول عامله سايلنت .... عمرى ما حطيت رنة ......سايبه فايبريشن
اخر رسالة بعتها كانت بليز كوول مى
انا حاليا مش حااط كوول تون بس يوم ما حطيت كنت حاطط يا اطبطب و ادلع
اكتر ناس بتصل بيهم يورى و بوه .....بس انا عادة مبتصلش يعنى انا لو معايا خمسة جنيه رصيد ممكن عد شهر بيها
و اكتر واحد بيتصل بيا بوه و يورى و فامبيرز فى الاونة الاخيرة
بوه كنت ببعتله على طول بليز كوول مى .....بس بعد ما خلوها لفودافون بس بقيت ابعتها للى رقمه فودافون و اعوز اكلمه
اكتر واحد بيبعتلى رسايل ميكسولوجى ( حمودا )
ماما مسميها انت فين ياض
و بابا مسميه كبسة
كاتب كتابى فى الميمورى

سبحان الله ولا واحد او واحدة اختار صاحبة الموضوع حاجة غريبة جدا

على فكرة انا اخترت ايم ليجيند
بس صاحبة الموضوع خليها تحت شوية اصل عضمها لسة طرى

مهيس عالزيرو

my mobile is 6300

kan nefsy asharek
bas ll2asaf etsara9
h2h2h2h2h2h2h2h2h2h2h2hh2h2

عنديش موبايل و برشح ساره

عنديش !!!! هههههههه ... و الله العظيم دى ...

[img]http://eng4fun.com/[/img]1-نوع موبايلى n70 2-صورتى مع صاحبى احمد ممدوح (دوحه) 3-68 4-انتوا فين( وكانت من محمد فرج ) 5-الشباب هيلعبوا 3.30 وده اخر كلام (وكانت من جيم ) 6-كتييييييييييييييييييييييييييير (العجارى_الدوكش_الماحى_اورتيجا_حس_عبوده_عمرو منص_صاصا_لالا_السامبو ) 7-كارت شحن ب 50 8- I am legend9-9صاحبى محمد شعبان 10-المنبه وبعده البلوتوث 11-موذيع صعيدى اصلها ضاعت وجبتها من واحد صاحبى تانى هههههههههه 12-111 وارد و 158 صادر وبمسحهم على طول 13-مفيش ولارساله ممكن ممسحاش14-اسلام ابراهيم 15-اخر رساله بعتها (احنا لسه بنمشى م المخروبه ومش هنلحق نيجى سورى يا مان ) وكانت ل محمد فرج 16-رنتى يا حبيبة قلبى (تامر عاشور) 17- مبنعملش كول تون 18-احمد ممدوح 19- صحابى 20-لما ببعت رسايل ببعت لناس كتيييييييييييير عشان حاجه ببلاش21-احمد ممدوح (دوحه) عشان بيعتلى كل اما يدخل جون فى الزمالك ههههههههههههه وبعدين بيبعت فى مناسبات اخرى 22-بابا وماما مفيش جديد ما بنحتش رنه معينه لحد معين 23- I am legend انا برشح جيم

دى رشحت ساره
مش اسطوره
ايه الاغبطه دى

يا حاجه سمر يورى رشح ميلانو مبعدين ميلانو رشحنى وانا رشحت جيم اللغبطه مش من عندنا

فيه ناس مش فاهمه اللعبه مش اكتر يا ريت يقروا اللعبه الاول عشان يعرفوا يشاركوا

وانا برشح جيييييييييييييييييييييييييييييييييييييييييم

خلاص يا عم انت داخل شمال ليه كده
انا اسفه
مغلطناش فى البخارى يعنى

ههههههههههههههههه انا مش داخل شمال انا داخل يمين بعد الكوبرى ههههههههه المشكله ان الموضوع ده انتزع منى معلومات هامه جدا وممكن استخدامها ضد مصلحه البلد ههههههههه

سورى يا عم الاسطوره ..انا فاهم اللعبه و الله .. بس صعبان عليا صاحبه الموضوع وماحدش عبرها ..
ونعتذر عن اللغبطه ..