كخ...واوا...بح!!!

(وحوى يا وحوى...حاتتك باتتك...حلقاتك برجلاتك)
وغيرها كتيييييير من الكلمات والجمل اللى بنقولها فى المواقف ومناسبات فى حياتنا اليوميه لكن مفكرتوش قبل كدا فى معنى وأصل الكلام دا وعشان انا واحده من الناس اللى كنت بهتم بالحاجات دى وعشان كدا فرحت لما لقيت معلومات عنها وقولت اعرفكم كمان عشان تعرفوا بقى انى مش انانيه
(وحوى يا وحوى ايوحا):جمله تعبر عن فرحه الاطفال برمضان لكن الحقيقه أن اسلها هيروغليفى ومعناها "حليت هليت يا قمر"
فى سبوع البيبى بنسمع"حلقاتك برجلاااتك حلقه دهب فى وداناتك"حلقاتك مكونه من حلق وهى كلمه مصريه قديمه اصلها هلكا وتحريفها القبطى حلق وهى الحلقه المستدير التى توضع فى الودان اما "تك"فهى اداه ملكيه بمعنى بتاعتك برجلاتك مكونه من "برج"بمعنى افرد و "لات"بمعنى ساق و"تك" بمعنى اداه الملكيه والمعنى كله يتغنى بالحلق الدهب فى ودان الطفل
لان الفراعنه كانوا بتفائلون به ويقولون للطفل افرد رجليك وعلى فكره كلمه "برج"اتحرفت مع الوقت لكلمات كتير منها :فرش؟مفروش-فراش-يفرش؟برش "السجن"
"حاتتك باتتك"من اصل فرعونى وهى مكونه من "حات"بمعنى قلب و"بات"بمعنى ضلع يعنى خلص على الاكل كله
بس كفايه عليكو كدا عشان تستوعبوا واوعدوا بجزء تانى من المعلومات

بيس عليكى يا سوكااااااااااااااا معلومات حلوة بجد وكنت بقولها كدا وانا مش فهماها والحمد لله انى فهمت

طيب كويس ادينى فهمتك عشان تعرفى قيمتى العلميه وانى ثروه ثقافيه

nice information..thanks

جاااااااااااااامد التوبيك يا سوكا

مرسيه على الردود الرقيقه دى ودا الجزء التانى
"ينسون"ناس كتير بتنطقها ايسون وده فعلا اسمه الحقيقى ومعناه النعناع الجبلى واصلها مصرى قديم
"طنطا"مدينه مصريه معناها الارض فوق الارض
"مصطبه" اصلها مس تبت "مس "بمعنى ميلاد و"تبت"تعنى صندوق والمقصود البعث او تابوت الموتى اللى بعده الميلاد التانى وعلى فكره الكلمه دى اتحرفت فى اليونانيه ل"ميسيتوبوس"ولها نفس المعنى الدراج "الكرسى" وكلمه "كرسى"نفسها اصلها الفرعونى قرسو يعنى تابوت واتحرفت فى القبطى
نصيحه اخويه :بلاش تقول لحد يا ابن الأيه لانها كلمه قبطيه اصلها الفرعونى أيح ومعناها بقره!!
حتى "الفول" كلمه مصريه قديمه واصلها بول
بس كفايه لحد كدا المره الجايه هشرحلكو شويه امثال اصلها فرعونى استنونا فى الجزء التالت والى اللقاء

تماااااااااااااااااااااااااااااموز
توبيك حلو

توبيك جميل يا سوكا

مرسيه يا كماحه على الردود

حلوة اوى المعلومات دى ياسارة
ميرسي ليكى

توبيك جااااااااااامد

اشطات
ات اذ فري جود توبيك
اي كان سي ناو وات اي ووز مش فاهمه

موضوع جامد طححححححن


طب ممكن تقوليلى ايه معنى (الاستكات و اوانص منانا)