المرأة الميزان

الميزان
بشمهندسة اقرب للرقيقة, عسولة , و جميلة , و طلتها تنور , بس عيبها بتزعل و تتامص بسرعة , و تقعد تقول كلام يزعل, كلام فظ بعيد عن المنطق بس ده لما بتزعل اوى يعنى.
هى صديقة ودودة, وبتحب المساعدة , بس حقودة مدمرةو بتعشق النزال بس مش بالسيوف , عندها هى بالكلام,بتحب المناقشة و بتحب تعرف ناس كتير ,بس حشرية و عندها حب استطلاع و حشريتها بتخنق الناس.
دقيقة جدا و بتعمل لكل حاجة الف حساب و مبتخطيش خطوة قبل متعملها دراسة وافية.
و لما بتنجح فى عمل اى حاجة بتفرح اوى و وشها بينور و بيملا قلبها الحب.
اجتماعية جدا و بتحب تقعد مع الناس كتير بس المشكلة انها مبتعرفش توصل آرائها للناس و اللى حوليها مبيفهموش منها حاجة.

و الفلوس عندها مش كل حاجة دى حتى بتضايق لما يبقى فى جيبها فلوس تلاقيها مسرفة اوى دى حتى ساعات بتشترى الحاجة على سبيل الصرف لا غير.
بتحب الشغل و تلاقيها بتحافظ عليه بعد الجواز علشان بتحس باستقلالية مادية وانها حرة فى قراراتها.
بتعشق الشياكة و بتحب تلبس كل ما هو جديد و على الموضة و بتموت فى اقتناء الجواهر الثمينة.....و بتغير من صحباتها اللى معاهم حاجات اغلى منها بس مبتعملش ده علناْ طبعا.
مهندسات الميزان تلاقيهم مثقفات جدا بس تلاقى عند البعض منهم سذاجة متناهية ده طبعا نتيجة المجتمع المحيط.......معنى كدة ان المرأة الميزان بتتأثر بالبيئة المحيطة.
فى الحب تلاقيها صادقة اوى فى عواطفها بس مشكلتها مبتعرفش تجامل حبيبها ولا ترص له كام بيت شعر.......بس هى جديرة بأنها تتحب ,لانها خير من يقف بجوار الحبيب , و ممكن تغير طلباتها علشان ترضيه ,بس المهم انه يكون واضح معاها.
و لما بتحب مبتعرفش تنسى حبها القديم و يفضل ده عائق ادامها فى سبيل ايجاد حب جديد....و فاكرة نفسها تقدر تصلح الماضى.
لما بتتجوز بقى بتنسى اللعب و التبزير و بتبقى جدعة اوى مع جوزها .......بيتها على طول نظيف و هادى......و بتحب تربى عيالها كويس جدا بس ده ميمنعش انها بتعرف توفق بين حبها لعيالها و حبها لجوزها و بتسمعله و بتهتم بيه بس مبتستحملش الاوامر.... هى زوجة محبه لجوزها و عيالها ,بس ده ميمنعش انها بتستمع ببعض الفظاظة.

CEO & CHAIRMAN

الله عليك يا ميلانو
انت من هنا و رايح مستشاري الرسمي لشئون الابراج
ابقي نزل الدلو بقي
اه و كمان حطيط برج العضو في معلوماته

ايوه يا ميلانو نزل برج الدلو بأه لانى برده دلو
وبعدين بجد انت ميه ميه فى الابراج
وشكرا

CEO & CHAIRMAN

ايوه
صوتين لواحد
عايزين الدلو
ولا عشان خاطر انت بس الميزان يعني

مشرف سابق

وانا رحت فين انا عايزه القوس ولازم ينزل قبل الدلو عشان القوس ده احسن برج بشهاده جميع الفلكيين

CEO & CHAIRMAN

[b]يلا يا عم علاء
جبنالك شغل كتير اهه
هيص بقي

مهيس

فعلا مفيش اجدع من امراه الميزان اساليني انا

كويس انك نزلت الميزان اول حاجه لانى الميزان
وفى حاجات كتير من اللى قولتها صح
والموضوع رااااااااااااااااااااااائع