عايز تخلع من صاحبتك ادخل هناااااااااااااا

الى كل روش اتخنق من صاحبته و عايز يغير او يبدل او يبطل

المهم انه ناوى يخلع بأي طريقه

الاول عايزين نتفق اننا بنفكر ازاى نخلع و من غير ما نخسر

بص يا باشا

الطريقه الاولى

غلطه مطبعيه
فى نص الليل و الدنيا ضلمه ( ماهى اكيد ضلمه طبعا ) افتح ايميلك و ابدأ
فى كتابة رساله لحبيبة القلب اوصفلها كل مشاعرك الفتاكه .. احكيلها عن
كل حالات الحب و الانصهار العاطفى اللى بتجتاحك لما بتفكر فيها ..
احكيلها عن كل احلامك و امنياتك و البيت الحلم الجميل و البيت الصغير و
العيال اللى زى القمر اللى هما نتيجة الهرتله دى كلها ..
بس فيه حاجه يا معلم بعد ما تخلص كل كلامك عايزك تعمل حاجه صغيره
اكتب فى اخر سطر بحبك يا مروه
و طبعا مش محتاج اقول لك ان حبيبتك اسمها هند
و ابقى قابلنى لو عبرتك تانى

الطريقه التانيه

التاااااااااااا اااااااار ولا العار
انزل لها فى يوم منيل على الصبح كده و انت لابس جلابيه صعيدى و شايل كفن
على ايدك طبعا هتسألك على منظرك ده جه منين
سعادتك هتروح متكلم صعيدى برضو و تقول لها ان ابن خالة مرات عمة جوز
خالتك عليه تار فى الصعيد الجوانى و مفيش حد ينفع يتقتل فى الحوار ده
غيرك ... يا كده يا تتجوز بنت اصحاب التار .. و طبعا انت رفضت بكل عزة
و اباء انك تضيع حبكم علشان حتة موته لا راحت ولا جت فقررت انك تموت ولا
انك تتجوز غيرها ابدا ابدا ابدا
طبعا رد الفعل الطبيعى ان المسطوله اللى بتحبك هتشترى هى الشبكه علشان
تتجوز المسطوله اللى انت اخترعتها ابقة بيع انت الشبكة دى وعيش يا معلم

الطريقه التالته

انفلونزا الطيور
و انت قاعد معاها فى اى كازينو وقت الغروب اسرح فى منظر الشروق و سيبها
هى تلالى مع نفسها و اكيد هتاخد بالها انك سرحان .. عايزك و انت سرحان
كده متبقاش سرحان بجد لا اوعى .. انت هتبقى مركز فى اى نقطتين دموع تنزل
من عينك و طبعا المعلمه هتتخض من منظرك خصوصا انك مكونتش بتبطل رغى قبل
كده
و هتسأل مالك ... هنا بقى وقت الدمعتين .. اوعى تبصلها .. قول لها و
انت شارد برضو انك من زمان كنت حاسس ان صحتك مش ولابد و امبارح بس روحت
للدكتور و طلب منك تحاليل و النتيجه طلعت النهارده الصبح .. و اسكت ..
هتسألك طلع عندك ايه ؟! هتسكت شويه و بعدين تقرر تقول لها طبعا انت
عارف طلع عندك ايه ؟
انت طلع عندك انفلوانزا الطيور
خاليك روش وكول دى موضة الايام دى ف الامراض
و قبل ما تستوعب الموقف سيبها و امشى تبلع الصدمه مع نفسها بقى
و بالمره تحاسب هى على العصير

الطريقه الرابعه

البن

ايوه البن ايه عمرك ما شربت قهوه؟!!
اتصل بيها الساعه 7 الصبح و حاول يكون فى يوم سقعه و مطر و صيف و بهدله
بحيث انها تبقى جايه مش مركزه اصلا و اول ما تشوفها قول لها ان عمك اللى
عنده مزرعة بن فى البرازيل بعت لك عقد عمل عنده فى المزرعه بتاعته .. و
طبعا دى شغلانه عمرك ما هتعرف تعوضها عندنا علشان احنا فى مصر مش بنزرع
بن اصلا ..
ليلى انا مش هقدر اعذبك معايا اكتر من كده .. ليلى .. البن اقوى منى
و متنساش بعد كام شهر تبعت لها كيسين بن برازيلى محوج من عند البقال
اللى على اول شارعكم علشان تصدق انك هناك

ملحوظة : أي خطأ في التنفيذ هتروح في ستين داهية يا صاحبي

ههههههههههههههههه
لا حلووووووووه

كويس والله انها عجبتك

هههههههههههههههههههههههههههههههههههههههههههههههههههههههههههههههههههههههههههههههههه
ولسه

ههههههههههههههه كويس اوى ادينا بنستفاد لو كتبلى يا مروة هعمل مش واخدة بالى ولو جالى بجلباية تانى يوم هلبسلو منديل بياوية وجلابية مشجرة ولو قالى البن هقولو هستناك لاخر العمر ولو انفلونزة الطيور هكاكى هههههههههههههههه مش هيقدر يفلت بردو وراة وراااااااااااة

اشطه يا معلم قول كمان قول اصل البنات دول اصلا حتى لو اتعمل عليهم الحوارات دي مش حيكونوا واخدين بالهم اصلا

طبعا مش هيخدو بالهم هههههههههه

حلوه يا ليجند
بس عايزين نعرف لو واحده عايزه تخلع من صاحبها
ها تعمل ايه
لو حد رد من الصبايا
هاتشوف الشر علي عينه
وحسبنا الله ونعم الوكيل

ههههههههههههههههههههههههه اخس عليك يا شادى (حسبنا الله ونعم الوكيل مرة واحدة)لية كدا دا احنا غلباانين والله هو فى زينا ؟؟؟؟؟هههههههه

اها غلبانين
هههههههههههههههههههههههههههههههههههههه

زائر

لو سمحت
عايز حل للبنت لو كانت لزقه ب كوله(ماده لاصقه قويه جدا)واكتبهولي بسرعه
وحيات ابوك

اشطه عليك يا معلم

لو كانت لزقه بكوله سخنها وحطها ف ميه سخنه هتفك ان شاء الله ههههههههههههههه يا عم اعمل اى طريقه من دول او قولها خلينا صحاب وبس وغنيلها اغنيه ام تى ام

هههههههههههههههههههههه
اشطه عليك