حب الحب

هو انا رأيى زيك بالظبط ان في ناس عايزة تحب لانها شايفة كل اللي حوليها بتحب بتبقي عايزة تعيش الاحساس وخلاص
بس ممكن ميكونش عندهم في البيت استقرار يعنى يكون كل واحد عايش حياتة مع نفسة فبيبدأوا يدوروا علي الحب برة البيت
اعتقد ان معظم الناس اللي بتحب ناس مش متوافقة معاهم بالمرة بيبقي عشان كدة

اصل انا بجد حصللى الحوار ده
لما لقيت الشلة كلها كل واحد واقع فى واحدة
روحت نقيتلى واحدة و قولت البت دى داخلة دماغى......و اطلقت عليها خليل

بس بعد كدة فكرت لقيت ان ده هبل .....ثانيا انا عمرى ما كلمت البت دى و لا كان فى تعامل بينى و بينها
بالفعل بجد الحب ميجيش غير من العشرة و الكلام.......علشان كدة انا ببعت تحياتى و سلامى و اشواقى لاكتر بنت اتكلمت معاها
حتى لو كان كلام اليكترونى

انت تمااااااااااااااااااااااااااااام كلامك كله مظبووووووووووظ جداااااااااااااااااااااااااا
هو فعلا حب للحب
انا دايما كنت بقول الكلمه دى
بجد ده تقليد
يعنى شايف صحابك كل واحد من صحابك بيتكلم عن واحده وبيفكر فيها
قلت يعنى هى جت عليه
الحب بجد اما تلاقى نفسك مش سايف غير واحد بس فى حياتك ومش قادر وشم عايز تشوف غيره
خلاص مش عايز حجاجه تانيييييييييييه

هوه فعلا بيبقي يا اما عشان اللي حواليه مرتبطين و هوه لا يا اما بيبقي عاوز يعيش تجربه جديده في حياته و يشوف ايه الاحساس ده فبيبقي مهيئ نفسه انه يحب و حيقع مع اول واحده يشبك معاها و طبعا مش حب حقيقي عشان الحب الحقيقي و لو بجد بيجي من غير متكون حاطه في دماغك خالص اساسا و حيجي بظروفه و ملوش وقت انت و حظك وفي ناس بتتجوز و تخلف و تموت و هيه محبتش حب حقيقي . و ايييييييييييييييييييييييييييييييييييه دنيااااااااااااااا

انا بصراحة مش مقتنعة بموضوع حب من اول نظره
لان انت كدة مش حتبقي عارف اللي قدامك دة تفكيرة ماشى ازاى
ممكن يكون اعجاب بس مش حب

بصراحه انا حاسس ان الحب بيجي من غير مقدمات
حتي لو سمناه اعجاب مش ها تفرق لان الاعجاب هو اول سلمه في الحب
ساعات كدا وانت ماشي ومش طايق نفسك ورايح مشوار معين وعندك برنامج معين طول اليوم
تلاقي الدنيا اتلغبطت وبقيت تروح حتت تانيه خالص
وانت هناك تلاقي نفسك قابلت واحد ما شوفتوش ييجي من خمس سنين
وتلاقي جنبه واحده
اول مانت شوفتها حسيت انك
مش عارف زي ما تكون نسيت الدنيا كلها
وتفضل تبص لها بغباء
مع ان دا مش طبعك والناس اللي حواليك تقولك ايه يا بني مالك متنطح كدا
وانت واقف زي الاخرس
فاتح بقك مبحلق عنيك
وتقول في سرك
هي دي

يعنى انت ممكن تحب واحدة بيحبها واحد كنت تعرفة من خمس سنين؟
ولا اية؟
وبعدين معنى كلامك ان دة حب من اول نظرة

اولا الحب بييجى من العشرة و اللى عنده رأى غير كدة يبله و يشرب ميته

ليه بقى ؟؟؟؟؟
علشان الحب من النظرة الاولى بيؤدى الى الكره من الغلطة الاولى
و الجواز عن هذا الحب بيؤدى برضه للطلاق من الخناقة الاولى
(ميلانو نورتون )

انا مكنتش اقصد ان جنبه واحده
انه يعرفها
انا كنت اقصد ان القدر والصدفه هما اللي خلوني قابلته
ولما قابلته كانت في واحده واقفه جنبه يعني مثلا محطه مترو
وبعدين انا برضه مكنتش اقصد انه حب من اول نظره بس مجرد اعجاب
طيب وهو الحب بيجي من ايه
مش ممكن من نظره وبعدين كلام
وبعدين تلاقي ان نظرتك في الانسان دا كانت
صح او غلط
ساعتها الواحد يراجع حساباته اذا كان دا حب ولا اعجاب
واكيد يا ميلانو ان العشره اساسيه والا هاتكون بتحكم علي الانسان بشكله بس
بس العشره دي هاتيجي بعد ما تتكلم معاه
مهو مش معقول انت هاتكون منفوخ من انسان وهاتحاول تعاشره علشان تعرف هو ايه
الا مثلا لو كنتم قرايب او جيران او زمايل في الدراسه
ساعتها هاتيجي العشره الاول حتي لو مكنش قبلها اعجاب وبعدين
ممكن ييجي الحب او ما يجيش
صح يا ميلانو &اسو
ولا ايه رايكم بجد

و الله كلامكوا انتوا الاتنين صح يعني اللي بيبقي من اول نظره ده بيبقي اعجاب او ارتياح نفسي كده للشخص اللي قدامك و دي خطوه مهمه اكيد في الاول وبعد كده بقه من العشره يبان اذا كان في تفاهم و حب او ممكن يكون مفيش مهو البني ادم موش بيبان من مظهره بس و العشره بتبين عشان مش المهم انك تحب انك تحب ده ساهل بس المهم من تحب و يكون يستحق الحب ده

[b]ممكن يكون احد اسباب حب الحب ان لما حد يحس ان فيه حد تانى بيحبه يبدأ الشخص ده يفكر فيه مش عشان هو كمان بيحبه لكن عشان هو حابب انه يتحب من اى حد <ممنوع استخدام مثل هذه الالفاظ في المنتدي> كان
ياعنى يبقى حابب حب التانى ليه
وانا اعرف ناس كدة و بتحاول تقنع نفسها انها بتحب الطرف التانى وهى فى الحقيقة لا
و ده اسمه خداااااااااااااع لانها بتخدع الشخص ده و مفهماه انها بتحبه و وخداه وسيله عشان تثبت حاجه لنفسها او لغيرها او للشخص اللى كان نفسها انه يحبها
و كل ده لمجرد انها خارجة من تجربة وهمية فاشلة

كلامك صح علي فكره و بتحصل كتير هوه ممكن يكون مش بيحبه بس مفتقد الحب فبيتشد لاي حد ممكن يكون بيحبه وهوه اصلا مبيحبوش و حيظلمه معاه بس هوه بيبقي تفكير اناني منه لانه مبيبادلهوش نفس الحب و بجد اصعب حاجه الحب من طرف واحد