فين الديمقراطيه

هو فيه ايه كلو واحد يستغل موقفه كمشرف ويشيل المواضيع انا المواضيع ديه ناقله من جرائد كبيره مثل الجمهوريه والمصرى اليوم اذاى تحزف الى حذفه فوزى عشان هو اهلاوى وكل ماقول كلمه متعجبوهش هيحذفها يرد عليا او يكذبنى مش يحذفها فين الديمقراطيه الى انتو بتنادو بيها

انا عوز حد من الادره يرد عليا

انت ايه اللى مزعلك بس قولى
عموما انت عندك حق
ما هى حاجه تنرفز
يا جماعه اللى يشيل حاجه ياريت يقول اسبابه ويعلق فى الموضوع نفسه اللى هو عاوز يشيله ويقول عايز يشيله لييييييييييييييييييييييييييييه
والحاجه اللى تتشال اللى تكون فيها حاجه مش لذيذه
وياريت تبعت خاص لصاحبها تستاذنه انك حتشيلها
مش الراجل يتعب ويقعد يكتب ع الكمبليوتر
وتيجى انت بكل بساطه تقوله حذف
لمجرد انك رايك عكس رايه

ايوة صح انا بردة معاكو لازم تستأذن من صاحب الموضوع وعلى فكرة في ناس ذوق جدا
لما في حاجة متعجبنيش واقولهم عليها بيشيلوها فورا ومش بيمانعوا خالص
واختلاف الرأى لايفسد للود قضية

على فكرة انا اول واحد لاحظ ان مواضيعك اتشالت و كلمت فوزى و قولتله ان عيب اللى حصل

مع انى اهلاوى بس زعلت برضه علشان احنا هنا موجودين علشان نقول ارائنا بصراحة

و انا بعتذرلك باسم الادارة على اللى حصل و اوعدك انه مش حيتكرر تانى و انا كلمت فوزى خلاص

متزعلش يا ابو على ......المسامح كريم