طنش تعيش تاكل قراقيش

أحسن حاجه تعملها في حياتك انك تعيشها وانت مطنش كل حاجه بتحصلك وتضايقك.
وعلى راي الفيلسوف الشهير اللى مش فاكره اسمه ( طنش تعيش تاكل قراقيش ) حاول تطنش هيفيدك ويريح اعصابك.


ولكي تستطيع ان تكون مطنش يجب ان تتبع هذه الخطوات..

1 - تسبيل العينين مصحوبه بنظره بلهاء
2 - فتح الفم 15 سم على الاقل
3 - ابتسامه بلهاء
4 - دلدله الكتفين مع بهدله في المظهر
5 - علامات التخلف العقلي

وبذلك ستنضم لمنظمة ( طناشكو العالمية ) كما انك ستكون من مؤسسي اكبر مؤسسة (المُطنّشين العرب - طناش أحمد طناش وشركاه ) وسيقام مهرجان (الطناش للجميع ) والذي سيضم نخبه من كبار المطنشين....

وكلما أصبحت مطنش أكتر كلما شعرت براحة من الاستفزازات التي تنزل عليك مصحوبة بحرق الأعصاب..


ومن امثله ذلك.. لما تصحى من نومك ممكن تكون اختك او اخوك او والدتك متعصبين من حاجة فبمجرد انهم يشوفوا وشك ينزل عليك وابل من الشتايم وانت مش عارف ايه السبب اصلاً.....كل اللي عليك انك تطنش.

مثال تاني... تسمع في نشرة الأخبار عن مقتل 60 مواطن في تصادم قطر أو مقتل 100 واصابة 50 في صراع بين دولتين فتشعر بحزن شديد.... لكن كل اللي عليك عمله هو انك تطنش.

أما الطريف في الموضوع لما تروح تعرف نتيجة الإمتحان فتلاقيك شايل مواد كتير ظلم (بعد الشر انشاء الله ) رغم انك واثق من حلك وده ممكن يكون بسبب إن الدكتور وهو بيصحح ورقتك دق جرس الباب ولاقاها حماته الملاك المصون فوق راسه فيقول ان الورقه دي وشها وحش عليه ويسقطك .... برده اللي عليك انك تطنش



وفي النهايه هتلاقي راسك بقت في حجم قرع العسل مع زيادة مستمرة في الحجم وذلك لأن ..

( العقل السليم فى حجم الراس الكبير )

وسيد الحبايب يا ضناية انت

مسرووووووووووووق

بما انى ملك الطناش المتوج مدى
الحياة أعلن وبفخر ان الموضوع السابق
مش بطاااااااااااااااااااااااااااااااااااااااااااااال

ايه يا مشمش مكنتش اعرف ان ليكي في الهياس

بس تصدقي عندك حق

بس كده ممكن الواحد من كتر التكنيش وتكبير الدماغ ممكن الناس تتنفخ منى او من غيرى ويتفقوا انهم يصغروا دماغى تانى بعد ماتهبت فى تكبيرها

موضوعك يصف الحاله العامه في الكليه عندنا يا مشمش ... و على فكره المثل كان على ايامنا بيقول طنش تعش تنتعش عموما كلام جميل و ماقدرش اقول حاجه عنه