البيت بيتى

كلنا مليانين بلاوى فلو عندك اى مشكلة من اى نوع قولهالى وهيرد على مشكلتك دكاترة نفسية بجد بجد بس هيبقى الموضوع بالقياس ولو مش عايز حد يعرف مشكلتك وشخصيتك ممكن تبعتالهى على الخاص وانا هبقى اكتب المشكلة والحل بدون ذكر اسمممممك ومتخفش سرك فى بييييييييييييييييييييييييييييييييييييييييييييييييير

ما شاء الله كلكو سالمسن غانمين طيب والله كويس خير خير

هههههههههههههه
معلش يا ريتا بكره حيردوا عليكى استنى بس شويه

استنييييييييييييت طيب وانتى يا قمر معندكيش مشكلة عايزة حلها ؟؟؟؟؟

ههههههههههههههههههه

مفيش حد عنده مشاكل خالص هههههههه

انتظريني ايام النتيجة حبقى ابعتلك شكاوي بالهبل هههههههههه

لا ياعم نتيجة اية انت ان شاء الله ناجح وداخل هندسة ودا غصب عنك اصلا هههههههه

اول يا رب

اول موضوع صديقتنا العزيزة تقول:ممكن تفـسـير ؟
السلام عليكم ورحمة الله وبركاته ،،
لى صديقة غالية عليا جدا وهى صحبتى الانتيم وهى كمان بتعزنى قوى المهم هى شافت لى حلم وحكيت لى عليه والحلم عبارة عن ( ان انا وهى وواحدة كمان صحبتنا رحنا لوحدة شيخة عشان انا كان معمولى عمل ورحنا عشان نسألها على الموضوع ده فقالت ان طلبى مش عندها وطلبت من صحبتى الانتيم انها ماتبصـش فى المرايا كتير )
والحمد لله انا مش بعانى من اى مشاكل نفسية وعمر مكان ليا فى الخرافات دى ومؤمنة بالله جدا ودايما بقرا قرآن ومواظبة على الصلاة بس مش عارفة انا ليه قلقت من الكلام ده ، هل ممكن يكون فعلا الموضوع ده بجد ؟
ابنتي الحالمة :
كذب المنجمون و لو صدقوا .. دعي ما يريبك الى ما لا يريبك و دعي الأحلام لأصحابها و أغلقي ملف حلم صاحبتك و أي حد يحلم لك قولي له شكرا . أنت انسانة مؤمنة متعلمة محترمة و واقعية و صاحبتك عاطفية تؤمن بالخرافة و السحر و الجن و الأعمال و هي محتاجة لطبيب نفسي . تمنياتي لك بالتوفيق.أخوكم وأبوكم
د/رمضان حافظ
استشاري الأمراض النفسية والعصبية
[size=16] ت/ 0106564618
[/size]

ايه الحلاوة دي يا ريتا

كده بيس عليكي

طب انا بقا عندي مشكلة كبيرة جدا عاملالي قلق في كل حته

وهي اني بتعصب بسرعة جدا من اقل حاجة وممكن بسببها اكسر اي حاجة معايا او اتعارك مع اي حد واعوره واقعد ابرطع واقول كلام من غير ما اقصد

منتظر ردك

باين عليك العصبية يا مادو من الصورة اللى انت حاططها

بس انا بحب الممثل دة اوى

ممثل جامد اوي والمسلسل ده روعة وانا بعشقه وبدأت احمل فيه واجمعه كله علشان استمتع بيه

بس بارضوا يا ريتا عايز الرد على المشكلة

لان بسبب الموضوع ده عملت عركة مع واحد اول امبارح في الشارع مع انه كان موضوع تافه

اوكي يا ريتا انتظري مني التفاصيل اللي طلبها الدكتور

بس ياريت تغيري لو الخط

من عنياااا لو على لون الخط سهلة يعنى بسسسيطة انت تؤمر بس ههههههههه

صح يا مادو جربى فكرة مادو دى بس اوعى تجننى هههههه وكمان يا مشمش ممكن تعملى زى الاستاذة حنان ما قالت تكتبى مشكلتك وبعدين تقطعيها او تكتبيها وتديها مثلا لمامتك الكتابة بتبقى اسهل بكتيييييير من الكلام

مشكلة عااااااااااااااااااااااطفية :
بصو يا جماعا الحب عامل زى الادمان لو الواحد اتعود عليه وعلي احاسيسه,صعب ينساه او يستغنى عنه
ما علينا
انا كنت بحب بنت زمان (مش زمان اوى يعنى)وانا في تالته ثانوى,و المهم لو
حكيت ممكن تكون اجمل قصه حب واقعيه سمعتيها في حياتك,ما علينا سيبنا بعض
عشان حاجات مش هقولها بس ماكانش ينفع نكمل,,,,,,,,,,,,,,,,,ودى المشكله
انا دلوقتي مش بحبها لكن بجد مش لاقي بنت تملا عينى زيها او بنت نفس المود
بتاعى عشان احبها,او بنت تخطفنى اول مره اشوفها,,,,,,,,,,,,,وانا من الناس
الى بتؤمن بمقوله (منغيرقلب منغير حب,صعب الدنيا في يوم تتحب)و انا دلوقتي
مهما كان ليا صحاب برضه وحيد ,عشان انا ""ادمنت حياه الحب""بس خلاص

طب فين حل المشكلة دي؟؟

استنة شوية نحن الان فى انتظااااااار الحل

'طب انا عندى مشكله خطيره
طريقتى فى الكلام وبصاتى للناس بتحسسهم انى مش طايقهم
مع انى والله والله ببقى عاااااااااااااادى وببقى حاطه الشخص فى دماغى اساسا
وناس كتير قالتلى كده
اما بزعل من نفسى قووووووى
لانى ممكن احرج ناس كتير من غير قصد
يعنى مندفعه كده
ادينى قولتلك مشكله اهو