متى تضيع انوثة المرأة ؟وشهامة الرجال؟

ان علا صوتها واصبح خشنا فظا
او ادمنت العبوث والانفعال
او تعاملت بعضلات مفتولة
او نطقت لفظا قبيحا او فاحشا
او تخلت عن الرحمة تجاة كائن ضعيف
او غلبت الانتقام عن التسامح
او ادمنت الكراهية وفضلتها على الحب
او قصر شعرها وطال لسانها
وحين تهمل الرقة وطيبة قلبها
وحين تنسى حق الاحترام للرجال اب او اخ او زوجا اة اىا كان
وحين لاتوقر كبيرا وترحم صغيرا
جمال المرأليس فى قوامها وملامحها ليس فى الرجيم القاسى والقوام الممشوق فالانوثة شيء تشعرة ولا تراة احيانا

حلو اوىىىىىىىىىىىىىىىىى يا ريتاج
فعلا انما لما بلاقي حد قدامى كدة بقول عليها مش بنت او علية مش راجل

طب وايه الجديد في كده يا ريتا يعني

ما في بنات كتير كده يمكن كمان يكونوا الاغلبية العظمى

علشان تبقوا تصدقنوي لما اقول المراة لا شئ لا تستحق اي تقدير

بس موضوع جامد منك اوي يا ريتا

لا والله بقى المرأة شيء لا يستحق تقدير المرأة(ام اخت صديقة حبيبة خالة عمة ابنة زوجة )تخيل لو عشت من غير اى واحدة فى دول صعب لا دا مستحيل ولو المرأة شيء لا يستحق تقدير مكنش ربنا خلقها من الاول بقى وهو فعلا فى بنات كدا دلوقتى بس كمان فى ولاد كدا وامشى بقى من هنا علشان هرش مية ههههههههههه

المراه ليها واجب واحد وهو رعاية الاسرة ونشاة جيل جيد غير كده لا
لانها صعب جدا تربط بين العمل والتربية ومراعاة منزلها ان ماكنش استحالة
واكبر دليل على كده ان اكبر سيدات المجتمع ابناؤهم بيحششوا وفاشلين وبينجحوا في الدراسة بالفلوس واي حاجة بيطلبوها بيلاقوها

هل هذه هي التربية في نظركم؟؟

لو كل البنات كدة يبقي كل الصبيان كدة يبقي مفيش ذوق ولا احترام والقيامة تقوم احسن بقي
مفيش داعى ان احنا نعيششششششششش

ماهو مفيش داعي فعلا

ماعادش في اي حاجة تستاهل ان الشخص يعيش ليها الا ان ربنا رايدلنا اننا نعيش وبس

اييييييييية ياعم مادو انت معقد يابنى ولا اية سيدات كتيييييييييييير اوى بيعرفوا يوفقوا بين شغلهم وبين بيتهم احنا مش فى عصر الجاهلية ياعم مادو وبعدين احنا مش عالة على المجتمع وربنا مش بيخلق حاجة ملهاش دور ولا لازمة ازاى بتفكر كدا ؟ دا لسة بدرى اوى على الاحباط الى انت عايش فية دا يابنى والله اومال لما تدخل الجامعة بقى هتعمل اييييييييييية هيس تعيش يا بطل بيس عليك

ايوه ما كل حاجة ليها دورها وانا بقول ان دور المراة التربية والاهتمام بالبيت والفرجة على التليفزيون وبسس

وده من ساعة ايام حوا ودي سنه الحياة على ما اعتقد
لان لو العكس هو اللي بيتم يبقى ايه لزمة الرجالة انهم يشتغلوا

يا سلام واحنا بقى بندرس وطالع عنينا علشان نعد نتفرج على التلفزيون ونهتم بالبيت وبس على اساس انك بتشترى شغالة ولا فوتية يعنى حتى الشغالات ليهم عمل غير انهم يتفرجوا على التلفزيون على فكرة انا مش بهاجم السيدات الى بيهمتوا بالبيت بس ومش عايزين يشتغلو عادى بس متبقاش ضدد حرية المرأة فى انها تشتغل ولو اهملت بتها بسبب الشغل يبقى انت ليك حق تمنعها وعلى فكرة زماااااااااااااااان اوى ايام الفراعنة السيدات بردو كانو بيشتغلو خليك من انصار حرية المرأة يا مادو والراجل بيشتغل علشان يصرف على البيت لكن الست بتشتغل علشان هواية ومتملش وتزهق وتكتئب وتخنقك وبييييس عليك

عماد
متبقاش متخلف عقليا
انا مقرتش مشاركاتك كلها
بس اول اتنين قريتهم
ولقيتك بتخبط
اللي يقرا المشاركتين دول
يحس انك انسان جاهل
على فكره كلامك غلط مليون في الميه
وبلاش النظره الغشوميه للحياه دي
علشان مبحباش
ويا ريت لما الانسان ييجي يبص على حاجه يبص على الحاجات الحلوه اللي فيها قبل ما يبص على الحاجات الوحشه اللي فيها


علشان الانسان لو بص على الحاجت الحلوه اللي فيها الاول حيحب الحاجه دي
والانسان لما بيحب حاجه مبيعرفش يشوف الوحش اللي فيها لانه بيحبها


فخمتو وللا مفخمتوش

على فكرة يا مادو في ستات كتير بتشتغل وبتعرف توفق بين بيتها واولادها وشغلها
مش زى ما انت متصور يعنى
انا ماما بتشتغل وعمرى ما حسيت انها مقصرة في حاجة في البيت او معايا
وانا ان شاء الله لما اتخرج حشتغل وححاول اوفق بردة بين كل حاجة
بس الشغل دة حاجة اساسية للست انت مش حاسس بيها

صح يا اسو عندك حق
يعنى كنت باخد كميه الدروس دى ثانوى
واتوتر التوتر ده
وادخل كليه صعبه وخصوصا للبنات
وادفع كورسات غير ورق تراند
واروح واجى واذاكر فى الاخر اقعد فى البيت
زى زى اللى معاها ابتدائيه كده

ايه يا جدعان احنا في المنتدى المعاكس يعني لازم اطلع القطط الفطسانة ولا ايه؟؟

لكنك اكيد يعني نظرتي غير كده خالص انا

احنا هنا في المنتدى المعاكس بنضور على اقل عيب ونكبره علشان نهاجم بعض

ولا انتم مش واخدين بالكم انتوا حاطين المشاركة فين

وبعدين انا بحب اغلس على ريتا يعني عادي هههههههه

هههههههههه ماشى يا مادو بس شوفت الهجوم دا حلو اوى والله برافو علينا ههههههه

ماااااشي خيرها في غيرها

البنات اكتر يمكن بس بيتهيئلى الاتين متنيلين زى بعض يا حسام باشا

موضوع زى الفل